|| ಸರ್ವಾರ್ತಿ ನಾಶನ ಶಿವ ಸ್ತೋತ್ರ ||
ಮೃತ್ಯುಂಜಯಾಯ ಗಿರಿಶಾಯ ಸುಶಂಕರಾಯ
ಸರ್ವೇಶ್ವರಾಯ ಶಶಿಶೇಖರಮಂಡಿತಾಯ.
ಮಾಹೇಶ್ವರಾಯ ಮಹಿತಾಯ ಮಹಾನಟಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಜ್ಞಾನೇಶ್ವರಾಯ ಫಣಿರಾಜವಿಭೂಷಣಾಯ
ಶರ್ವಾಯ ಗರ್ವದಹನಾಯ ಗಿರಾಂ ವರಾಯ.
ವೃಕ್ಷಾಧಿಪಾಯ ಸಮಪಾಪವಿನಾಶನಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಶ್ರೀವಿಶ್ವರೂಪಮಹನೀಯ- ಜಟಾಧರಾಯ
ವಿಶ್ವಾಯ ವಿಶ್ವದಹನಾಯ ವಿದೇಹಿಕಾಯ.
ನೇತ್ರೇ ವಿರೂಪನಯನಾಯ ಭವಾಮೃತಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ನಂದೀಶ್ವರಾಯ ಗುರವೇ ಪ್ರಮಥಾಧಿಪಾಯ
ವಿಜ್ಞಾನದಾಯ ವಿಭವೇ ಪ್ರಮಥಾಧಿಪಾಯ.
ಶ್ರೇಯಸ್ಕರಾಯ ಮಹತೇ ತ್ರಿಪುರಾಂತಕಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಭೀಮಾಯ ಲೋಕನಿಯತಾಯ ಸದಾಽನಘಾಯ
ಮುಖ್ಯಾಯ ಸರ್ವಸುಖದಾಯ ಸುಖೇಚರಾಯ.
ಅಂತರ್ಹಿತಾತ್ಮ- ನಿಜರೂಪಭವಾಯ ತಸ್ಮೈ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಸಾಧ್ಯಾಯ ಸರ್ವಫಲದಾಯ ಸುರಾರ್ಚಿತಾಯ
ಧನ್ಯಾಯ ದೀನಜನವೃಂದ- ದಯಾಕರಾಯ.
ಘೋರಾಯ ಘೋರತಪಸೇ ಚ ದಿಗಂಬರಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ವ್ಯೋಮಸ್ಥಿತಾಯ ಜಗತಾಮಮಿತಪ್ರಭಾಯ
ತಿಗ್ಮಾಂಶುಚಂದ್ರಶುಚಿ- ರೂಪಕಲೋಚನಾಯ.
ಕಾಲಾಗ್ನಿರುದ್ರ- ಬಹುರೂಪಧರಾಯ ತಸ್ಮೈ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಉಗ್ರಾಯ ಶಂಕರವರಾಯ ಗತಾಽಗತಾಯ
ನಿತ್ಯಾಯ ದೇವಪರಮಾಯ ವಸುಪ್ರದಾಯ.
ಸಂಸಾರಮುಖ್ಯಭವ- ಬಂಧನಮೋಚನಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಸರ್ವಾರ್ತಿನಾಶನಪರಂ ಸತತಂ ಜಪೇಯುಃ
ಸ್ತೋತ್ರಂ ಶಿವಸ್ಯ ಪರಮಂ ಫಲದಂ ಪ್ರಶಸ್ತಂ.
ತೇ ನಾಽಪ್ನುವಂತಿ ಚ ಕದಾಽಪಿ ರುಜಂ ಚ ಘೋರಂ
ನೀರೋಗತಾಮಪಿ ಲಭೇಯುರರಂ ಮನುಷ್ಯಾಃ.
- marathiशिवलीलामृत – अकरावा अध्याय 11
- hindiशिव वर्णमाला स्तोत्र
- sanskritदारिद्र्य दहन शिव स्तोत्रम्
- sanskritउपमन्युकृत शिवस्तोत्रम्
- hindiउमा महेश्वर स्तोत्रम हिन्दी अर्थ सहित
- bengaliদ্বাদশ জ্যোতির্লিঙ্গ স্তোত্রম
- kannadaದ್ವಾದಶ ಜ್ಯೋತಿರ್ಲಿಂಗ ಸ್ತೋತ್ರಮ್
- odiaଦ୍ଵାଦଶ ଜ୍ଯୋତିର୍ଲିଂଗ ସ୍ତୋତ୍ରମ୍
- bengaliগিরীশ স্তোত্রম্
- tamilதுவாதச ஜோதிர்லிங்க ஸ்தோத்திரம்
- gujaratiદ્વાદશ જ્યોતિર્લિંગ સ્તોત્રમ્
- sanskritविश्वनाथाष्टकस्तोत्रम्
- teluguశివ పంచాక్షర స్తోతం
- sanskritश्री शिवसहस्रनाम स्तोत्रम्
- malayalamശ്രീ ശിവമാനസപൂജാ സ്തോത്രം
Found a Mistake or Error? Report it Now
