शनिमङ्गलस्तोत्रम्

|| शनिमङ्गलस्तोत्रम् ||

मन्दः कृष्णनिभस्तु पश्चिममुखः सौराष्ट्रकः काश्यपः ।
स्वामी नक्रभकुम्भयोर्बुधसितौ मित्रे समश्चाऽङ्गिराः ॥ १॥

स्थानं पश्चिमदिक् प्रजापति यमौ देवौ धनुष्यासनः ।
षट्त्रिस्थः शुभकृच्छनी रविसुतः कुर्यात्सदा मङ्गलम् ॥ २॥

प्रार्थना
आवाहनं न जानामि न जानामि विसर्जनम् ।
पूजां नैव हि जानामि क्षमस्व परमेश्वर ॥

मन्त्रहीनं क्रियाहीनं भक्तिहीनं सुरेश्वर ।
यत्पूजितं मया देव परिपूर्णं तदस्तु मे ॥

कोणनीलाञ्जनप्रख्यं मन्दचेष्टाप्रसारिणम् ।
छायामार्तण्डसम्भूतं तं नमामि शनैश्चरम् ॥

ॐ अनया पूजया शनैश्चरः प्रीयताम् ।
ॐ मन्दाय नमः ॐ घटनाथाय नमः ॐ शनैश्चराय नमः ।
ॐ शान्तिः ॐ शान्तिः ॐ शान्तिः ॐ ॥

इति श्रीशनिमङ्गलस्तोत्रं सम्पूर्णम् ॥

• kannadaಶನಿ ಪಂಚಕ ಸ್ತೋತ್ರ
• tamilசனி பஞ்சக ஸ்தோத்திரம்
• teluguశని పంచక స్తోత్రం
• malayalamശനി പഞ്ചക സ്തോത്രം
• hindiशनि पंचक स्तोत्र
• hindiमहाकाल शनि मृत्युंजय स्तोत्रम्
• sanskritशनिभार्या एवम् शनिस्तोत्रम्
• englishShani Mrityunjaya Stotram

Found a Mistake or Error? Report it Now