|| Shiva shadakshara stotram ||
ōṁkāraṁ bindusamyuktaṁ nityaṁ dhyāyanti yōginaḥ |
kāmadaṁ mōkṣadaṁ caiva ōṅkārāya namō namaḥ || 1 ||
namanti r̥ṣayō dēvā namantyapsarasāṁ gaṇāḥ |
narā namanti dēvēśaṁ nakārāya namō namaḥ || 2 ||
mahādēvaṁ mahātmānaṁ mahādhyānaparāyaṇam |
mahāpāpaharaṁ dēvaṁ makārāya namō namaḥ || 3 ||
śivaṁ śāntaṁ jagannāthaṁ lōkānugrahakārakam |
śivamēkapadaṁ nityaṁ śikārāya namō namaḥ || 4 ||
vāhanaṁ vr̥ṣabhō yasya vāsukiḥ kaṇṭhabhūṣaṇam |
vāmē śaktidharaṁ dēvaṁ vakārāya namō namaḥ || 5 ||
yatra yatra sthitō dēvaḥ sarvavyāpī mahēśvaraḥ |
yō guruḥ sarvadēvānāṁ yakārāya namō namaḥ || 6 ||
ṣaḍakṣaramidaṁ stōtraṁ yaḥ paṭhēcchivasannidhau |
śivalōkamavāpnōti śivēna saha mōdatē || 7 ||
2| śrīmacchaṅkarācārya kr̥taṁ
—————————
ōṁkāraṁ bindusamyuktaṁ nityaṁ dhyāyanti yōginaḥ |
kāmadaṁ mōkṣadaṁ tasmādōṅkārāya namō namaḥ || 1 ||
ōṁ naṁ,
namanti munayassarvē namantyapsarasāṁ gaṇāḥ |
narāṇāmādidēvāya nakārāya namō namaḥ || 2 ||
ōṁ maṁ,
mahattattvaṁ mahādēvapriyaṁ jñānapradaṁ param |
mahāpāpaharaṁ tasmānmakārāya namō namaḥ || 3 ||
ōṁ śiṁ,
śivaṁ śāntaṁ śivākāraṁ śivānugrahakāraṇam |
mahāpāpaharaṁ tasmācchikārāya namō namaḥ || 4 ||
ōṁ vāṁ,
vāhanaṁ vr̥ṣabhō yasya vāsukiḥ kaṇṭhabhūṣaṇam |
vāmē śaktidharaṁ dēvaṁ vakārāya namō namaḥ || 5 ||
ōṁ yaṁ,
yakārē saṁsthitō dēvō yakāraṁ paramaṁ śubham |
yaṁ nityaṁ paramānandaṁ yakārāya namō namaḥ || 6 ||
yaḥ kṣīrāmbudhi manthanōdbhava mahāhālāhalaṁ bhīkaraṁ
dr̥ṣṭvā tatrapalāyitāssuragaṇānnārāyaṇādīntadā |
sampītvā paripālayajjagadidaṁ viśvādhikaṁ śaṅkaraṁ
sēvyō nassakalāpadāṁ pariharankailāsavāsī vibhuḥ || 7 ||
ṣaḍakṣaramidaṁ stōtraṁ yaḥ paṭhēcchivasannidhau |
tasya mr̥tyubhayaṁ nāsti hyapamr̥tyubhayaṁ kutaḥ || 8 ||
yatkr̥tyaṁ tannakr̥taṁ
yadakr̥tyaṁ kr̥tyavattadācaritam |
ubhayōḥ prāyaścittaṁ
śiva tava nāmākṣaradvayōccaritam || 9 ||
śivaśivēti śivēti śivēti vā
bhavabhavēti bhavēti bhavēti vā |
haraharēti harēti harēti vā
bhajamanaśśivamēva nirantaram || 10 ||
iti śrīmacchaṅkaracāryakr̥ta śivaṣaḍakṣarīstōtraṁ sampūrṇam |
Found a Mistake or Error? Report it Now
