శ్రీ కాళికా కీలక స్తోత్రం

|| శ్రీ కాళికా కీలక స్తోత్రం ||

అస్య శ్రీ కాళికా కీలకస్య సదాశివ ఋషిః అనుష్టుప్ ఛందః శ్రీ దక్షిణకాళికా దేవతా సర్వార్థసిద్ధిసాధనే కీలకన్యాసే జపే వినియోగః |

అథాతః సంప్రవక్ష్యామి కీలకం సర్వకామదమ్ |
కాళికాయాః పరం తత్త్వం సత్యం సత్యం త్రిభిర్మమః || ౧ ||

దుర్వాసాశ్చ వశిష్ఠశ్చ దత్తాత్రేయో బృహస్పతిః |
సురేశో ధనదశ్చైవ అంగిరాశ్చ భృగూద్వాహః || ౨ ||

చ్యవనః కార్తవీర్యశ్చ కశ్యపోఽథ ప్రజాపతిః |
కీలకస్య ప్రసాదేన సర్వైశ్వర్యమవాప్నుయుః || ౩ ||

ఓంకారం తు శిఖాప్రాంతే లంబికా స్థాన ఉత్తమే |
సహస్రారే పంకజే తు క్రీం క్రీం క్రీం వాగ్విలాసినీ || ౪ ||

కూర్చబీజయుగం భాలే నాభౌ లజ్జాయుగం ప్రియే |
దక్షిణే కాళికే పాతు స్వనాసాపుటయుగ్మకే || ౫ ||

హూంకారద్వంద్వం గండే ద్వే ద్వేమాయే శ్రవణద్వయే |
ఆద్యాతృతీయం విన్యస్య ఉత్తరాధర సంపుటే || ౬ ||

స్వాహా దశనమధ్యే తు సర్వవర్ణన్న్యసేత్ క్రమాత్ |
ముండమాలా అసికరా కాళీ సర్వార్థసిద్ధిదా || ౭ ||

చతురక్షరీ మహావిద్యా క్రీం క్రీం హృదయ పంకజే |
ఓం హూం హ్రీం క్రీం తతో హూం ఫట్ స్వాహా చ కంఠకూపకే || ౮ ||

అష్టాక్షరీ కాళికాయా నాభౌ విన్యస్య పార్వతి |
క్రీం దక్షిణే కాళికే క్రీం స్వాహాంతే చ దశాక్షరీ || ౯ ||

మమ బాహుయుగే తిష్ఠ మమ కుండలికుండలే |
హూం హ్రీం మే వహ్నిజాయా చ హూం విద్యా తిష్ఠ పృష్ఠకే || ౧౦ ||

క్రీం హూం హ్రీం వక్షదేశే చ దక్షిణే కాళికే సదా |
క్రీం హూం హ్రీం వహ్నిజాయాఽంతే చతుర్దశాక్షరేశ్వరీ || ౧౧ ||

క్రీం తిష్ఠ గుహ్యదేశే మే ఏకాక్షరీ చ కాళికా |
హ్రీం హూం ఫట్ చ మహాకాళీ మూలాధారనివాసినీ || ౧౨ ||

సర్వరోమాణి మే కాళీ కరాంగుళ్యంకపాలినీ |
కుల్లా కటిం కురుకుల్లా తిష్ఠ తిష్ఠ సదా మమ || ౧౩ ||

విరోధినీ జానుయుగ్మే విప్రచిత్తా పదద్వయే |
తిష్ఠ మే చ తథా చోగ్రా పాదమూలే న్యసేత్ క్రమాత్ || ౧౪ ||

ప్రభా తిష్ఠతు పాదాగ్రే దీప్తా పాదాంగుళీనపి |
నీలా న్యసేద్బిందుదేశే ఘనా నాదే చ తిష్ఠ మే || ౧౫ ||

బలాకా బిందుమార్గే చ న్యసేత్ సర్వాంగసుందరీ |
మమ పాతాలకే మాత్రా తిష్ఠ స్వకులకాయికే || ౧౬ ||

ముద్రా తిష్ఠ స్వమర్త్యేమాం మితాస్వంగాకులేషు చ |
ఏతా నృముండమాలాస్రగ్ధారిణ్యః ఖడ్గపాణయః || ౧౭ ||

తిష్ఠంతు మమ గాత్రాణి సంధికూపాని సర్వశః |
బ్రాహ్మీ చ బ్రహ్మరంధ్రే తు తిష్ఠస్వ ఘటికా పరా || ౧౮ ||

నారాయణీ నేత్రయుగే ముఖే మాహేశ్వరీ తథా |
చాముండా శ్రవణద్వంద్వే కౌమారీ చిబుకే శుభే || ౧౯ ||

తథాముదరమధ్యే తు తిష్ఠ మే చాపరాజితా |
వారాహీ చాస్థిసంధౌ చ నారసింహీ నృసింహకే || ౨౦ ||

ఆయుధాని గృహీతాని తిష్ఠస్వేతాని మే సదా |
ఇతి తే కీలకం దివ్యం నిత్యం యః కీలయేత్ స్వకమ్ || ౨౧ ||

కవచాదౌ మహేశాని తస్యః సిద్ధిర్న సంశయః |
శ్మశానే ప్రేతయోర్వాపి ప్రేతదర్శనతత్పరః || ౨౨ ||

యః పఠేత్పాఠయేద్వాపి సర్వసిద్ధీశ్వరో భవేత్ |
సవాగ్మీ ధనవాన్ దక్షః సర్వాధ్యక్షః కులేశ్వరః || ౨౩ ||

పుత్ర బాంధవ సంపన్నః సమీర సదృశో బలే |
న రోగవాన్ సదా ధీరస్తాపత్రయ నిషూదనః || ౨౪ ||

ముచ్యతే కాళికా పాయాత్ తృణరాశిమివానలా |
న శత్రుభ్యో భయం తస్య దుర్గమేభ్యో న బాధ్యతే || ౨౫ ||

యస్య దేశే కీలకం తు ధారణం సర్వదాంబికే |
తస్య సర్వార్థసిద్ధిః స్యాత్ సత్యం సత్యం వరాననే || ౨౬ ||

మంత్రాచ్ఛతగుణం దేవి కవచం యన్మయోదితమ్ |
తస్మాచ్ఛతగుణం చైవ కీలకం సర్వకామదమ్ || ౨౭ ||

తథా చాప్యసితా మంత్రం నీలసారస్వతే మనౌ |
న సిద్ధ్యతి వరారోహే కీలకార్గళకే వినా || ౨౮ ||

వినా కీలకార్గలకే కాళీ కవచం యః పఠేత్ |
తస్య సర్వాణి మంత్రాణి స్తోత్రాణ్యసిద్ధయే ప్రియే || ౨౯ ||

ఇతి శ్రీ కాళీ కీలక స్తోత్రమ్ |

Found a Mistake or Error? Report it Now