|| Sri Maha Ganapathi Shodashopachara puja ||
punaḥ saṅkalpam –
pūrvokta evaṃ guṇaviśeṣaṇa viśiṣṭāyāṃ śubhatithau śrīmahagaṇapatimuddiśya śrīmahāgaṇapatiprītyarthaṃ śrīmanmudgalapurāṇe śrīgṛtsamada prokta ślokavidhānena yāvacchakti dhyānāvahanādi ṣoḍaśopacāra pūjāṃ kariṣye ||
prāṇapratiṣṭha –
oṃ asu̍nīte̱ puna̍ra̱smāsu̱ cakṣu̱:
puna̍: prā̱ṇami̱ha no̎ dhehi̱ bhoga̎m |
jyokpa̍śyema̱ sūrya̍mu̱ccara̎nta̱
manu̍mate mṛ̱ḍayā̎ naḥ sva̱sti ||
a̱mṛta̱ṃ vai prā̱ṇā a̱mṛta̱māpa̍:
prā̱ṇāne̱va ya̍thāsthā̱namupa̍hvayate ||
āvāhito bhava sthāpito bhava |
suprasanno bhava varado bhava |
asmin bimbe saparivāra sameta śrīmahāgaṇapati svāminaṃ āvāhayāmi sthāpayāmi pūjayāmi ||
dhyānam –
oṃ ga̱ṇānā̎ṃ tvā ga̱ṇapa̍tigṃ havāmahe
ka̱viṃ ka̍vī̱nāmu̍pa̱maśra̍vastamam |
jye̱ṣṭha̱rāja̱ṃ brahma̍ṇāṃ brahmaṇaspata̱
ā na̍: śṛ̱ṇvannū̱tibhi̍: sīda̱ sāda̍nam ||
caturbāhuṃ trinetraṃ ca gajāsyaṃ raktavarṇakam |
pāśāṅkuśādisamyuktaṃ māyāyuktaṃ pracintayet ||
oṃ śrīmahāgaṇapataye namaḥ dhyāyāmi |
āvāhanam –
āgaccha brahmaṇāṃ nātha surā’suravarārcita |
siddhibuddhyādisamyukta bhaktigrahaṇalālasa ||
oṃ śrīmahāgaṇapataye namaḥ āvahayāmi |
āsanam –
ratnasiṃhāsanaṃ svāmin gṛhāṇa gaṇanāyaka |
tatropaviśya vighneśa rakṣa bhaktānviśeṣataḥ ||
oṃ śrīmahāgaṇapataye namaḥ āsanaṃ samarpayāmi |
pādyam –
suvāsitābhiradbhiśca pādaprakṣālanaṃ prabho |
śītoṣṇāmbhaḥ karomi te gṛhāṇa pādyamuttamam ||
oṃ śrīmahāgaṇapataye namaḥ pādyaṃ samarpayāmi |
arghyam –
ratnapravālamuktādyairanarghyaiḥ saṃskṛtaṃ prabho |
arghyaṃ gṛhāṇa heramba dviradānana toṣakam ||
oṃ śrīmahāgaṇapataye namaḥ arghyaṃ samarpayāmi |
ācamanīyam –
sarvatīrthāhṛtaṃ toyaṃ suvāsitaṃ suvastubhiḥ |
ācamanaṃ ca tenaiva kuruṣva gaṇanāyaka ||
oṃ śrīmahāgaṇapataye namaḥ ācamanīyaṃ samarpayāmi |
madhuparkam –
dadhimadhughṛtairyuktaṃ madhuparkaṃ gajānana |
gṛhāṇa bhāvasamyuktaṃ mayā dattaṃ namo’stu te ||
oṃ śrīmahāgaṇapataye namaḥ madhuparkaṃ samarpayāmi |
pañcāmṛta snānam –
nānātīrthajalairḍhuṇḍhe sukhoṣṇabhāvarūpakaiḥ |
kamaṇḍalūdbhavaiḥ snānaṃ mayā kuru samarpitaiḥ ||
oṃ śrīmahāgaṇapataye namaḥ pañcāmṛtasnānaṃ samarpayāmi |
snānam –
gaṅgādi sarvatīrthebhyaḥ āhṛtairamalairjalaiḥ |
snānaṃ kuruṣva bhagavānumāputra namo’stute ||
oṃ śrīmahāgaṇapataye namaḥ śuddhodaka snānaṃ samarpayāmi |
( śrīgaṇapatyatharvaśīrṣopaniṣat paśyatu || )
vastram –
vastrayugmaṃ gṛhāṇa tvamanarghaṃ raktavarṇakam |
lokalajjāharaṃ caiva vighnanātha namo’stu te ||
oṃ śrīmahāgaṇapataye namaḥ vastrayugmaṃ samarpayāmi |
yajñopavītam –
upavītaṃ gaṇādhyakṣa gṛhāṇa ca tataḥ param |
traiguṇyamayarūpaṃ tu praṇavagranthibandhanam ||
oṃ śrīmahāgaṇapataye namaḥ upavītaṃ samarpayāmi |
ābharaṇam –
nānābhūṣaṇakāni tvamaṅgeṣu vividheṣu ca |
bhāsurasvarṇaratnaiśca nirmitāni gṛhāṇa bho ||
oṃ śrīmahāgaṇapataye namaḥ ābharaṇāni samarpayāmi |
gandham –
aṣṭagandhasamāyuktaṃ gandhaṃ raktaṃ gajānana |
dvādaśāṅgeṣu te ḍhuṇḍhe lepayāmi sucitravat ||
oṃ śrīmahāgaṇapataye namaḥ gandhān samarpayāmi |
akṣatān –
raktacandanasamyuktānathavā kuṅkumairyutān |
akṣatānvighnarāja tvaṃ gṛhāṇa phālamaṇḍale ||
oṃ śrīmahāgaṇapataye namaḥ akṣatān samarpayāmi |
puṣpam –
campakādisuvṛkṣebhyaḥ sambhūtāni gajānana |
puṣpāṇi śamīmandāradūrvādīni gṛhāṇa ca ||
oṃ śrīmahāgaṇapataye namaḥ nānāvidha parimala puṣpāṇi samarpayāmi |
ṣoḍaśanāma pūjā –
oṃ sumukhāya namaḥ | oṃ ekadantāya namaḥ |
oṃ kapilāyanamaḥ | oṃ gajakarṇikāya namaḥ |
oṃ lambodarāyanamaḥ | oṃ vikaṭāya namaḥ |
oṃ vighnarājāya namaḥ | oṃ gaṇādhipāyanamaḥ |
oṃ dhūmaketave namaḥ | oṃ gaṇādhyakṣāya namaḥ |
oṃ phālacandrāya namaḥ | oṃ gajānanāya namaḥ |
oṃ vakratuṇḍāya namaḥ | oṃ śūrpakarṇāya namaḥ |
oṃ herambāya namaḥ | oṃ skandapūrvajāya namaḥ |
oṃ sarvasiddhipradāya namaḥ |
aṣṭottaraśatanāmāvalī –
śrī gaṇeśa aṣṭottaraśatanāmāvalī paśyatu |
dhūpam –
daśāṅgaṃ gugguluṃ dhūpaṃ sarvasaurabhakārakam |
gṛhāṇa tvaṃ mayā dattaṃ vināyaka mahodara ||
oṃ śrīmahāgaṇapataye namaḥ dhūpamāghrāpayāmi |
dīpam –
nānājātibhavaṃ dīpaṃ gṛhāṇa gaṇanāyaka |
ajñānamalajaṃ dīpaṃ harantaṃ jyotirūpakam ||
oṃ śrīmahāgaṇapataye namaḥ dīpaṃ darśayāmi |
naivedyam –
caturvidhānnasampannaṃ madhuraṃ laḍḍukādikam |
naivedyaṃ te mayā dattaṃ bhojanaṃ kuru vighnapa ||
oṃ śrīmahāgaṇapataye namaḥ naivedyaṃ samarpayāmi |
oṃ bhūrbhuva̱ssuva̍: | tatsa̍vi̱turvare̎ṇya̱ṃ bhargo̍ de̱vasya̍ dhīmahi |
dhiyo̱ yo na̍: praco̱dayā̎t ||
satyaṃ tvā ṛtena pariṣiñcāmi |
(sāyaṅkāle – ṛtaṃ tvā satyena pariṣiñcāmi)
amṛtamastu | a̱mṛ̱to̱pa̱stara̍ṇamasi |
oṃ prā̱ṇāya̱ svāhā̎ | oṃ a̱pā̱nāya̱ svāhā̎ |
oṃ vyā̱nāya̱ svāhā̎ | oṃ u̱dā̱nāya̱ svāhā̎ |
oṃ sa̱mā̱nāya̱ svāhā̎ |
madhye madhye pānīyaṃ samarpayāmi |
a̱mṛ̱tā̱pi̱dhā̱nama̍si | uttarāpośanaṃ samarpayāmi |
hastau prakṣālayāmi | pādau prakṣālayāmi |
śuddhācamanīyaṃ samarpayāmi |
tāmbūlam –
aṣṭāṅgaṃ deva tāmbūlaṃ gṛhāṇa mukhavāsanam |
asakṛdvighnarāja tvaṃ mayā dattaṃ viśeṣataḥ ||
oṃ śrīmahāgaṇapataye namaḥ tāmbūlaṃ samarpayāmi |
nīrājanam –
nānādīpasamāyuktaṃ nīrājanaṃ gajānana |
gṛhāṇa bhāvasamyuktaṃ sarvājñānavināśana ||
oṃ śrīmahāgaṇapataye namaḥ nīrājanaṃ samarpayāmi |
mantrapuṣpam –
oṃ ga̱ṇānā̎ṃ tvā ga̱ṇapa̍tiṃ havāmahe
ka̱viṃ ka̍vī̱nāmu̍pa̱maśra̍vastamam |
jye̱ṣṭha̱rāja̱ṃ brahma̍ṇāṃ brahmaṇaspata̱
ā na̍: śṛ̱ṇvannū̱tibhi̍ssīda̱ sāda̍nam ||
caturvedabhavairmantrairgāṇapatyairgajānana |
mantritāni gṛhāṇa tvaṃ puṣpapatrāṇi vighnapa ||
oṃ śrīmahāgaṇapataye namaḥ mantrapuṣpaṃ samarpayāmi |
pradakṣiṇam –
ekaviṃśatisaṅkhyaṃ vā trisaṅkhyaṃ vā gajānana |
prādakṣiṇyaṃ gṛhāṇa tvaṃ brahman brahmeśabhāvana ||
oṃ śrīmahāgaṇapataye namaḥ pradakṣiṇa namaskārān samarpayāmi |
sāṣṭāṅganamaskāraḥ –
sāṣṭāṅgāṃ praṇatiṃ nātha ekaviṃśatisammitām |
heramba sarvapūjya tvaṃ gṛhāṇa tu mayā kṛtam ||
oṃ śrīmahāgaṇapataye namaḥ sāṣṭāṅga namaskārān samarpayāmi |
namaskāram –
vighneśvarāya varadāya gaṇeśvarāya |
sarveśvarāya śubhadāya sureśvarāya ||
vidyādharāya vikaṭāya ca vāmanāya |
bhaktiprasanna varadāya namo namo’stu ||
kṣamāprārthana –
aparādhānasaṅkhyātān kṣamasva gaṇanāyaka |
bhaktaṃ kuru ca māṃ ḍhuṇḍhe tava pādapriyaṃ sadā ||
samarpaṇam –
jāgratsvapnasuṣuptibhirdehavāṅmanasaiḥ kṛtam |
sāṃsargikeṇa yatkarma gaṇeśāya samarpaye ||
anayā dhyāna āvāhanādi ṣoḍaśopacāra pūjayā bhagavān sarvātmikaḥ śrī mahāgaṇādhipati
suprīto suprasanno varado bhavantu ||
tīrthasvīkaraṇa –
bāhyaṃ nānāvidhaṃ pāpaṃ mahograṃ tallayaṃ vrajet |
gaṇeśapādatīrthasya mastake dhāraṇātkila ||
śrī mahāgaṇādhipati pādodaka tīrthaṃ gṛhṇāmi |
prasādasvīkaraṇa –
tatocchiṣṭaṃ tu naivedyaṃ gaṇeśasya bhunajmyaham |
bhuktimuktipradaṃ pūrṇaṃ nānāpāpanikṛntanam ||
śrī mahāgaṇādhipati prasādaṃ śirasā gṛhṇāmi |
oṃ śāntiḥ śāntiḥ śāntiḥ ||
Found a Mistake or Error? Report it Now
