|| శ్రీ మహావిష్ణు స్తోత్రం (గరుడగమన తవ) ||
గరుడగమన తవ చరణకమలమిహ మనసి లసతు మమ నిత్యం |
మమ తాపమపాకురు దేవ, మమ పాపమపాకురు దేవ ||
జలజనయన విధినముచిహరణముఖ విబుధవినుతపదపద్మ |
మమ తాపమపాకురు దేవ, మమ పాపమపాకురు దేవ || ౧ ||
భుజగశయన భవ మదనజనక మమ జననమరణభయహారి |
మమ తాపమపాకురు దేవ, మమ పాపమపాకురు దేవ || ౨ ||
శంఖచక్రధర దుష్టదైత్యహర సర్వలోకశరణ |
మమ తాపమపాకురు దేవ, మమ పాపమపాకురు దేవ || ౩ ||
అగణితగుణగణ అశరణశరణద విదళితసురరిపుజాల |
మమ తాపమపాకురు దేవ, మమ పాపమపాకురు దేవ || ౪ ||
భక్తవర్యమిహ భూరికరుణయా పాహి భారతీతీర్థం |
మమ తాపమపాకురు దేవ, మమ పాపమపాకురు దేవ || ౫ ||
ఇతి జగద్గురు శ్రీభారతీతీర్థస్వామినా విరచితం శ్రీమహావిష్ణు స్తోత్రమ్ ||
Found a Mistake or Error? Report it Now
