|| Sri Narasimha Mrityunjaya Stotram ||
mārkaṇḍēya uvāca |
nārāyaṇaṁ sahasrākṣaṁ padmanābhaṁ purātanam |
praṇatō:’smi hr̥ṣīkēśaṁ kiṁ mē mr̥tyuḥ kariṣyati || 1 ||
gōvindaṁ puṇḍarīkākṣamanantamajamavyayam |
kēśavaṁ ca prapannō:’smi kiṁ mē mr̥tyuḥ kariṣyati || 2 ||
vāsudēvaṁ jagadyōniṁ bhānuvarṇamatīndriyam |
dāmōdaraṁ prapannō:’smi kiṁ mē mr̥tyuḥ kariṣyati || 3 ||
śaṅkhacakradharaṁ dēvaṁ channarūpiṇamavyayam |
adhōkṣajaṁ prapannō:’smi kiṁ mē mr̥tyuḥ kariṣyati || 4 ||
vārāhaṁ vāmanaṁ viṣṇuṁ narasiṁhaṁ janārdanam |
mādhavaṁ ca prapannō:’smi kiṁ mē mr̥tyuḥ kariṣyati || 5 ||
puruṣaṁ puṣkaraṁ puṇyaṁ kṣēmabījaṁ jagatpatim |
lōkanāthaṁ prapannō:’smi kiṁ mē mr̥tyuḥ kariṣyati || 6 ||
bhūtātmānaṁ mahātmānaṁ jagadyōnimayōnijam |
viśvarūpaṁ prapannō:’smi kiṁ mē mr̥tyuḥ kariṣyati || 7 ||
sahasraśirasaṁ dēvaṁ vyaktāvyaktaṁ sanātanam |
mahāyōgaṁ prapannō:’smi kiṁ mē mr̥tyuḥ kariṣyati || 8 ||
ityudīritamākarṇya stōtraṁ tasya mahātmanaḥ |
apayātastatō mr̥tyurviṣṇudūtaiśca pīḍitaḥ || 9 ||
iti tēna jitō mr̥tyurmārkaṇḍēyēna dhīmatā |
prasannē puṇḍarīkākṣē nr̥siṁhē nāsti durlabham || 10 ||
mr̥tyuñjayamidaṁ puṇyaṁ mr̥tyupraśamanaṁ śubham |
mārkaṇḍēyahitārthāya svayaṁ viṣṇuruvāca ha || 11 ||
ya idaṁ paṭhatē bhaktyā trikālaṁ niyataḥ śuciḥ |
nākālē tasya mr̥tyuḥ syānnarasyācyutacētasaḥ || 12 ||
hr̥tpadmamadhyē puruṣaṁ purāṇaṁ
nārāyaṇaṁ śāśvatamādidēvam |
sañcintya sūryādapi rājamānaṁ
mr̥tyuṁ sa yōgī jitavāṁstadaiva || 13 ||
iti śrīnarasiṁhapurāṇē saptamō:’dhyāyē mārkaṇḍēya prōkta mr̥tyuñjaya stōtram |
Found a Mistake or Error? Report it Now
