|| ರೀ ಸೂರ್ಯ ಅಷ್ಟೋತ್ತರಶತನಾಮ ಸ್ತೋತ್ರಂ 1 ||
ಅರುಣಾಯ ಶರಣ್ಯಾಯ ಕರುಣಾರಸಸಿಂಧವೇ |
ಅಸಮಾನಬಲಾಯಾಽಽರ್ತರಕ್ಷಕಾಯ ನಮೋ ನಮಃ || ೧ ||
ಆದಿತ್ಯಾಯಾಽಽದಿಭೂತಾಯ ಅಖಿಲಾಗಮವೇದಿನೇ |
ಅಚ್ಯುತಾಯಾಽಖಿಲಜ್ಞಾಯ ಅನಂತಾಯ ನಮೋ ನಮಃ || ೨ ||
ಇನಾಯ ವಿಶ್ವರೂಪಾಯ ಇಜ್ಯಾಯೈಂದ್ರಾಯ ಭಾನವೇ |
ಇಂದಿರಾಮಂದಿರಾಪ್ತಾಯ ವಂದನೀಯಾಯ ತೇ ನಮಃ || ೩ ||
ಈಶಾಯ ಸುಪ್ರಸನ್ನಾಯ ಸುಶೀಲಾಯ ಸುವರ್ಚಸೇ |
ವಸುಪ್ರದಾಯ ವಸವೇ ವಾಸುದೇವಾಯ ತೇ ನಮಃ || ೪ ||
ಉಜ್ಜ್ವಲಾಯೋಗ್ರರೂಪಾಯ ಊರ್ಧ್ವಗಾಯ ವಿವಸ್ವತೇ |
ಉದ್ಯತ್ಕಿರಣಜಾಲಾಯ ಹೃಷೀಕೇಶಾಯ ತೇ ನಮಃ || ೫ ||
ಊರ್ಜಸ್ವಲಾಯ ವೀರಾಯ ನಿರ್ಜರಾಯ ಜಯಾಯ ಚ |
ಊರುದ್ವಯಾಭಾವರೂಪಯುಕ್ತಸಾರಥಯೇ ನಮಃ || ೬ ||
ಋಷಿವಂದ್ಯಾಯ ರುಗ್ಘಂತ್ರೇ ಋಕ್ಷಚಕ್ರಚರಾಯ ಚ |
ಋಜುಸ್ವಭಾವಚಿತ್ತಾಯ ನಿತ್ಯಸ್ತುತ್ಯಾಯ ತೇ ನಮಃ || ೭ ||
ೠಕಾರಮಾತೃಕಾವರ್ಣರೂಪಾಯೋಜ್ಜ್ವಲತೇಜಸೇ |
ೠಕ್ಷಾಧಿನಾಥಮಿತ್ರಾಯ ಪುಷ್ಕರಾಕ್ಷಾಯ ತೇ ನಮಃ || ೮ ||
ಲುಪ್ತದಂತಾಯ ಶಾಂತಾಯ ಕಾಂತಿದಾಯ ಘನಾಯ ಚ |
ಕನತ್ಕನಕಭೂಷಾಯ ಖದ್ಯೋತಾಯ ನಮೋ ನಮಃ || ೯ ||
ಲೂನಿತಾಖಿಲದೈತ್ಯಾಯ ಸತ್ಯಾನಂದಸ್ವರೂಪಿಣೇ |
ಅಪವರ್ಗಪ್ರದಾಯಾಽಽರ್ತಶರಣ್ಯಾಯ ನಮೋ ನಮಃ || ೧೦ ||
ಏಕಾಕಿನೇ ಭಗವತೇ ಸೃಷ್ಟಿಸ್ಥಿತ್ಯಂತಕಾರಿಣೇ |
ಗುಣಾತ್ಮನೇ ಘೃಣಿಭೃತೇ ಬೃಹತೇ ಬ್ರಹ್ಮಣೇ ನಮಃ || ೧೧ ||
ಐಶ್ವರ್ಯದಾಯ ಶರ್ವಾಯ ಹರಿದಶ್ವಾಯ ಶೌರಯೇ |
ದಶದಿಕ್ಸಂಪ್ರಕಾಶಾಯ ಭಕ್ತವಶ್ಯಾಯ ತೇ ನಮಃ || ೧೨ ||
ಓಜಸ್ಕರಾಯ ಜಯಿನೇ ಜಗದಾನಂದಹೇತವೇ |
ಜನ್ಮಮೃತ್ಯುಜರಾವ್ಯಾಧಿವರ್ಜಿತಾಯ ನಮೋ ನಮಃ || ೧೩ ||
[ಪಾಠಭೇದಃ – ಔನ್ನತ್ಯಪದಸಂಚಾರರಥಸ್ಥಾಯಾಽಽತ್ಮರೂಪಿಣೇ | *]
ಔಚ್ಚ್ಯಸ್ಥಾನಸಮಾರೂಢರಥಸ್ಥಾಯಾಽಸುರಾರಯೇ |
ಕಮನೀಯಕರಾಯಾಽಬ್ಜವಲ್ಲಭಾಯ ನಮೋ ನಮಃ || ೧೪ ||
ಅಂತರ್ಬಹಿಃಪ್ರಕಾಶಾಯ ಅಚಿಂತ್ಯಾಯಾಽಽತ್ಮರೂಪಿಣೇ |
ಅಚ್ಯುತಾಯಾಽಮರೇಶಾಯ ಪರಸ್ಮೈ ಜ್ಯೋತಿಷೇ ನಮಃ || ೧೫ || [ಸುರೇಶಾಯ]
ಅಹಸ್ಕರಾಯ ರವಯೇ ಹರಯೇ ಪರಮಾತ್ಮನೇ |
ತರುಣಾಯ ವರೇಣ್ಯಾಯ ಗ್ರಹಾಣಾಂ ಪತಯೇ ನಮಃ || ೧೬ ||
ಓಂ ನಮೋ ಭಾಸ್ಕರಾಯಾಽಽದಿಮಧ್ಯಾಂತರಹಿತಾಯ ಚ |
ಸೌಖ್ಯಪ್ರದಾಯ ಸಕಲಜಗತಾಂ ಪತಯೇ ನಮಃ || ೧೭ ||
ನಮಃ ಸೂರ್ಯಾಯ ಕವಯೇ ನಮೋ ನಾರಾಯಣಾಯ ಚ |
ನಮೋ ನಮಃ ಪರೇಶಾಯ ತೇಜೋರೂಪಾಯ ತೇ ನಮಃ || ೧೮ ||
ಓಂ ಶ್ರೀಂ ಹಿರಣ್ಯಗರ್ಭಾಯ ಓಂ ಹ್ರೀಂ ಸಂಪತ್ಕರಾಯ ಚ |
ಓಂ ಐಂ ಇಷ್ಟಾರ್ಥದಾಯಾಽನುಪ್ರಸನ್ನಾಯ ನಮೋ ನಮಃ || ೧೯ ||
ಶ್ರೀಮತೇ ಶ್ರೇಯಸೇ ಭಕ್ತಕೋಟಿಸೌಖ್ಯಪ್ರದಾಯಿನೇ |
ನಿಖಿಲಾಗಮವೇದ್ಯಾಯ ನಿತ್ಯಾನಂದಾಯ ತೇ ನಮಃ || ೨೦ ||
ಇತ್ಯಥರ್ವಣರಹಸ್ಯೇ ಶ್ರೀ ಸೂರ್ಯ ಅಷ್ಟೋತ್ತರಶತನಾಮ ಸ್ತೋತ್ರಮ್ |
Found a Mistake or Error? Report it Now
