|| శ్రీ సూర్య ప్రాతః స్మరణ స్తోత్రం ||
ప్రాతః స్మరామి ఖలు తత్సవితుర్వరేణ్యం
రూపం హి మండలమృచోఽథ తనుర్యజూంషి |
సామాని యస్య కిరణాః ప్రభవాదిహేతుం
బ్రహ్మాహరాత్మకమలక్ష్యమచింత్యరూపమ్ || ౧ ||
ప్రాతర్నమామి తరణిం తనువాఙ్మనోభి-
-ర్బ్రహ్మేంద్రపూర్వకసురైర్నతమర్చితం చ |
వృష్టిప్రమోచనవినిగ్రహహేతుభూతం
త్రైలోక్యపాలనపరం త్రిగుణాత్మకం చ || ౨ ||
ప్రాతర్భజామి సవితారమనంతశక్తిం
పాపౌఘశత్రుభయరోగహరం పరం చ |
తం సర్వలోకకలనాత్మకకాలమూర్తిం
గోకంఠబంధనవిమోచనమాదిదేవమ్ || ౩ ||
శ్లోకత్రయమిదం భానోః ప్రాతః ప్రాతః పఠేత్తు యః |
స సర్వవ్యాధినిర్ముక్తః పరం సుఖమవాప్నుయాత్ || ౪ ||
ఇతి శ్రీ సూర్య ప్రాతః స్మరణ స్తోత్రమ్ |
Found a Mistake or Error? Report it Now
