Stotram (स्तोत्र संग्रह)

|| एकदंत शरणागति स्तोत्र || सदात्मरूपं सकलादि- भूतममायिनं सोऽहमचिन्त्यबोधम्। अनादिमध्यान्तविहीनमेकं तमेकदन्तं शरणं व्रजामः। अनन्तचिद्रूपमयं गणेशमभेदभेदादि- विहीनमाद्यम्। हृदि प्रकाशस्य धरं स्वधीस्थं तमेकदन्तं शरणं व्रजामः। समाधिसंस्थं हृदि योगिनां यं प्रकाशरूपेण विभातमेतम्। सदा निरालम्बसमाधिगम्यं तमेकदन्तं शरणं व्रजामः। स्वबिम्बभावेन विलासयुक्तां प्रत्यक्षमायां विविधस्वरूपाम्। स्ववीर्यकं तत्र ददाति यो वै तमेकदन्तं शरणं व्रजामः। त्वदीयवीर्येण समर्थभूतस्वमायया संरचितं च विश्वम्। तुरीयकं ह्यात्मप्रतीतिसंज्ञं तमेकदन्तं शरणं…

|| मोरेश्वर स्तोत्र || पुराणपुरुषं देवं नानाक्रीडाकरं मुदा। मायाविनं दुर्विभाग्यं मयूरेशं नमाम्यहम्। परात्परं चिदानन्दं निर्विकारं हृदिस्थितम्। गुणातीतं गुणमयं मयूरेशं नमाम्यहम्। सृजन्तं पालयन्तं च संहरन्तं निजेच्छया। सर्वविघ्नहरं देवं मयूरेशं नमाम्यहम्। नानादैत्यनिहन्तारं नानारूपाणि बिभ्रतम्। नानायुधधरं भक्त्या मयूरेशं नमाम्यहम्। इन्द्रादिदेवतावृन्दैर- भिष्टतमहर्निशम्। सदसद्वक्तमव्यक्तं मयूरेशं नमाम्यहम्। सर्वशक्तिमयं देवं सर्वरूपधरं विभुम्। सर्वविद्याप्रवक्तारं मयूरेशं नमाम्यहम्। पार्वतीनन्दनं शम्भोरानन्द- परिवर्धनम्। भक्तानन्दकरं नित्यं मयूरेशं नमाम्यहम्।…

|| वल्लभेश हृदय स्तोत्र || श्रीदेव्युवाच – वल्लभेशस्य हृदयं कृपया ब्रूहि शङ्कर। श्रीशिव उवाच – ऋष्यादिकं मूलमन्त्रवदेव परिकीर्तितम्। ॐ विघ्नेशः पूर्वतः पातु गणनाथस्तु दक्षिणे। पश्चिमे गजवक्त्रस्तु उत्तरे विघ्ननाशनः। आग्नेय्यां पितृभक्तस्तु नैरृत्यां स्कन्दपूर्वजः। वायव्यामाखुवाहस्तु ईशान्यां देवपूजितः। ऊर्ध्वतः पातु सुमुखो ह्यधरायां गजाननः। एवं दशदिशो रक्षेत् विकटः पापनाशनः। शिखायां कपिलः पातु मूर्धन्याकाशरूपधृक्। किरीटिः पातु नः फालं भ्रुवोर्मध्ये विनायकः।…

|| महागणपति वेदपाद स्तोत्र || श्रीकण्ठतनय श्रीश श्रीकर श्रीदलार्चित। श्रीविनायक सर्वेश श्रियं वासय मे कुले। गजानन गणाधीश द्विजराजविभूषित। भजे त्वां सच्चिदानन्द ब्रह्मणां ब्रह्मणास्पते। णषाष्ठवाच्यनाशाय रोगाटविकुठारिणे। घृणापालितलोकाय वनानां पतये नमः। धियं प्रयच्छते तुभ्यमीप्सितार्थप्रदायिने। दीप्तभूषणभूषाय दिशां च पतये नमः। पञ्चब्रह्मस्वरूपाय पञ्चपातकहारिणे। पञ्चतत्त्वात्मने तुभ्यं पशूनां पतये नमः। तटित्कोटिप्रतीकाश- तनवे विश्वसाक्षिणे। तपस्विध्यायिने तुभ्यं सेनानिभ्यश्च वो नमः। ये भजन्त्यक्षरं त्वां…

|| मारुति स्तोत्र || ओं नमो वायुपुत्राय भीमरूपाय धीमते| नमस्ते रामदूताय कामरूपाय श्रीमते| मोहशोकविनाशाय सीताशोकविनाशिने| भग्नाशोकवनायास्तु दग्धलोकाय वाङ्मिने| गतिर्निर्जितवाताय लक्ष्मणप्राणदाय च| वनौकसां वरिष्ठाय वशिने वनवासिने| तत्त्वज्ञानसुधासिन्धुनिमग्नाय महीयसे| आञ्जनेयाय शूराय सुग्रीवसचिवाय ते| जन्ममृत्युभयघ्नाय सर्वक्लेशहराय च| नेदिष्ठाय प्रेतभूतपिशाचभयहारिणे| यातनानाशनायास्तु नमो मर्कटरूपिणे| यक्षराक्षसशार्दूलसर्पवृश्चिकभीहृते| महाबलाय वीराय चिरञ्जीविन उद्धते| हारिणे वज्रदेहाय चोल्लङ्घितमहाब्धये| बलिनामग्रगण्याय नमः पाहि च मारुते| लाभदोऽसि त्वमेवाशु हनुमन्…

|| रामदूत स्तोत्र || वज्रदेहममरं विशारदं भक्तवत्सलवरं द्विजोत्तमम्। रामपादनिरतं कपिप्रियं रामदूतममरं सदा भजे। ज्ञानमुद्रितकरानिलात्मजं राक्षसेश्वरपुरीविभावसुम्। मर्त्यकल्पलतिकं शिवप्रदं रामदूतममरं सदा भजे। जानकीमुखविकासकारणं सर्वदुःखभयहारिणं प्रभुम्। व्यक्तरूपममलं धराधरं रामदूतममरं सदा भजे। विश्वसेव्यममरेन्द्रवन्दितं फल्गुणप्रियसुरं जनेश्वरम्। पूर्णसत्त्वमखिलं धरापतिं रामदूतममरं सदा भजे। आञ्जनेयमघमर्षणं वरं लोकमङ्गलदमेकमीश्वरम्। दुष्टमानुषभयङ्करं हरं रामदूतममरं सदा भजे। सत्यवादिनमुरं च खेचरं स्वप्रकाशसकलार्थमादिजम्। योगगम्यबहुरूपधारिणं रामदूतममरं सदा भजे। ब्रह्मचारिणमतीव शोभनं कर्मसाक्षिणमनामयं…

|| हनुमत् पंचरत्न स्तोत्र || वीताखिलविषयच्छेदं जातानन्दाश्रु- पुलकमत्यच्छम्। सीतापतिदूताद्यं वातात्मजमद्य भावये हृद्यम्। तरुणारुणमुखकमलं करुणारसपूर- पूरितापाङ्गम्। सञ्जीवनमाशासे मञ्जुलमहिमान- मञ्जनाभाग्यम्। शम्बरवैरिशरातिग- मम्बुजदलविपुल- लोचनोदारम्। कम्बुगलमनिलदिष्टं बिम्बज्वलितोष्ठ- मेकमवलम्बे। दूरीकृतसीतार्तिः प्रकटीकृतराम- वैभवस्फूर्तिः। दारितदशमुखकीर्तिः पुरतो मम भातु हनुमतो मूर्तिः। वानरनिकराध्यक्षं दानवकुलकुमुद- रविकरसदृक्षम्। दीनजनावनदीक्षं पवनतपःपाक- पुञ्जमद्राक्षम्। एतत्पवनसुतस्य स्तोत्रं यः पठति पञ्चरत्नाख्यम्। चिरमिह निखिलान् भोगान् भुङ्क्त्वा श्रीरामभक्तिभाग् भवति।