વારાહી કવચમ્

|| વારાહી કવચમ્ ||

ધ્યાત્વેંદ્રનીલવર્ણાભાં ચંદ્રસૂર્યાગ્નિલોચનામ્ ।
વિધિવિષ્ણુહરેંદ્રાદિ માતૃભૈરવસેવિતામ્ ॥ 1 ॥

જ્વલન્મણિગણપ્રોક્તમકુટામાવિલંબિતામ્ ।
અસ્ત્રશસ્ત્રાણિ સર્વાણિ તત્તત્કાર્યોચિતાનિ ચ ॥ 2 ॥

એતૈઃ સમસ્તૈર્વિવિધં બિભ્રતીં મુસલં હલમ્ ।
પાત્વા હિંસ્રાન્ હિ કવચં ભુક્તિમુક્તિફલપ્રદમ્ ॥ 3 ॥

પઠેત્ત્રિસંધ્યં રક્ષાર્થં ઘોરશત્રુનિવૃત્તિદમ્ ।
વાર્તાલી મે શિરઃ પાતુ ઘોરાહી ફાલમુત્તમમ્ ॥ 4 ॥

નેત્રે વરાહવદના પાતુ કર્ણૌ તથાંજની ।
ઘ્રાણં મે રુંધિની પાતુ મુખં મે પાતુ જંભિની ॥ 5 ॥

પાતુ મે મોહિની જિહ્વાં સ્તંભિની કંઠમાદરાત્ ।
સ્કંધૌ મે પંચમી પાતુ ભુજૌ મહિષવાહના ॥ 6 ॥

સિંહારૂઢા કરૌ પાતુ કુચૌ કૃષ્ણમૃગાંચિતા ।
નાભિં ચ શંખિની પાતુ પૃષ્ઠદેશે તુ ચક્રિણિ ॥ 7 ॥

ખડ્ગં પાતુ ચ કટ્યાં મે મેઢ્રં પાતુ ચ ખેદિની ।
ગુદં મે ક્રોધિની પાતુ જઘનં સ્તંભિની તથા ॥ 8 ॥

ચંડોચ્ચંડશ્ચોરુયુગ્મં જાનુની શત્રુમર્દિની ।
જંઘાદ્વયં ભદ્રકાળી મહાકાળી ચ ગુલ્ફયોઃ ॥ 9 ॥

પાદાદ્યંગુળિપર્યંતં પાતુ ચોન્મત્તભૈરવી ।
સર્વાંગં મે સદા પાતુ કાલસંકર્ષણી તથા ॥ 10 ॥

યુક્તાયુક્તસ્થિતં નિત્યં સર્વપાપાત્પ્રમુચ્યતે ।
સર્વે સમર્થ્ય સંયુક્તં ભક્તરક્ષણતત્પરમ્ ॥ 11 ॥

સમસ્તદેવતા સર્વં સવ્યં વિષ્ણોઃ પુરાર્ધને ।
સર્વશત્રુવિનાશાય શૂલિના નિર્મિતં પુરા ॥ 12 ॥

સર્વભક્તજનાશ્રિત્ય સર્વવિદ્વેષસંહતિઃ ।
વારાહી કવચં નિત્યં ત્રિસંધ્યં યઃ પઠેન્નરઃ ॥ 13 ॥

તથા વિધં ભૂતગણા ન સ્પૃશંતિ કદાચન ।
આપદઃ શત્રુચોરાદિ ગ્રહદોષાશ્ચ સંભવાઃ ॥ 14 ॥

માતા પુત્રં યથા વત્સં ધેનુઃ પક્ષ્મેવ લોચનમ્ ।
તથાંગમેવ વારાહી રક્ષા રક્ષાતિ સર્વદા ॥ 15 ॥

ઇતિ શ્રીરુદ્રયામલતંત્રે શ્રી વારાહી કવચમ્ ॥

Found a Mistake or Error? Report it Now