శ్రీ విష్ణు షట్పదీ స్తోత్రం PDF తెలుగు

Download PDF of Vishnu Shatpadi Stotram Telugu

అవినయమపనయ విష్ణో
దమయ మనః శమయ విషయమృగతృష్ణామ్ |
భూతదయాం విస్తారయ
తారయ సంసారసాగరతః || ౧ ||

దివ్యధునీమకరందే
పరిమళపరిభోగసచ్చిదానందే |
శ్రీపతిపదారవిందే
భవభయఖేదచ్ఛిదే వందే || ౨ ||

సత్యపి భేదాపగమే
నాథ తవాఽహం న మామకీనస్త్వమ్ |
సాముద్రో హి తరంగః
క్వచన సముద్రో న తారంగః || ౩ ||

ఉద్ధృతనగ నగభిదనుజ
దనుజకులామిత్ర మిత్రశశిదృష్టే |
దృష్టే భవతి ప్రభవతి
న భవతి కిం భవతిరస్కారః || ౪ ||

మత్స్యాదిభిరవతారై-
-రవతారవతావతా సదా వసుధామ్ |
పరమేశ్వర పరిపాల్యో
భవతా భవతాపభీతోఽహమ్ || ౫ ||

దామోదర గుణమందిర
సుందరవదనారవింద గోవింద |
భవజలధిమథనమందర
పరమం దరమపనయ త్వం మే || ౬ ||

నారాయణ కరుణామయ
శరణం కరవాణి తావకౌ చరణౌ |
ఇతి షట్పదీ మదీయే
వదనసరోజే సదా వసతు || ౭ ||

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ షట్పదీ స్తోత్రం సంపూర్ణమ్ |

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
శ్రీ విష్ణు షట్పదీ స్తోత్రం

Download this PDF