|| ஶ்ரீ விஷ்ணு பு⁴ஜங்க³ ப்ரயாத ஸ்தோத்ரம் ||
சித³ம்ஶம் விபு⁴ம் நிர்மலம் நிர்விகல்பம்
நிரீஹம் நிராகாரமோங்காரக³ம்யம் ।
கு³ணாதீதமவ்யக்தமேகம் துரீயம்
பரம் ப்³ரஹ்ம யம் வேத³ தஸ்மை நமஸ்தே ॥ 1 ॥
விஶுத்³த⁴ம் ஶிவம் ஶாந்தமாத்³யந்தஶூந்யம்
ஜக³ஜ்ஜீவநம் ஜ்யோதிராநந்த³ரூபம் ।
அதி³க்³தே³ஶகாலவ்யவச்சே²த³நீயம்
த்ரயீ வக்தி யம் வேத³ தஸ்மை நமஸ்தே ॥ 2 ॥
மஹாயோக³பீடே² பரிப்⁴ராஜமாநே
த⁴ரண்யாதி³தத்த்வாத்மகே ஶக்தியுக்தே ।
கு³ணாஹஸ்கரே வஹ்நிபி³ம்பா³ர்த⁴மத்⁴யே
ஸமாஸீநமோங்கர்ணிகே(அ)ஷ்டாக்ஷராப்³ஜே ॥ 3 ॥
ஸமாநோதி³தாநேகஸூர்யேந்து³கோடி-
-ப்ரபா⁴பூரதுல்யத்³யுதிம் து³ர்நிரீக்ஷம் ।
ந ஶீதம் ந சோஷ்ணம் ஸுவர்ணாவதா³த-
-ப்ரஸந்நம் ஸதா³நந்த³ஸம்வித்ஸ்வரூபம் ॥ 4 ॥
ஸுநாஸாபுடம் ஸுந்த³ரப்⁴ரூலலாடம்
கிரீடோசிதாகுஞ்சிதஸ்நிக்³த⁴கேஶம் ।
ஸ்பு²ரத்புண்ட³ரீகாபி⁴ராமாயதாக்ஷம்
ஸமுத்பு²ல்லரத்நப்ரஸூநாவதம்ஸம் ॥ 5 ॥
லஸத்குண்ட³லாம்ருஷ்டக³ண்ட³ஸ்த²லாந்தம்
ஜபாராக³சோராத⁴ரம் சாருஹாஸம் ।
அலிவ்யாகுலாமோதி³மந்தா³ரமாலம்
மஹோரஸ்பு²ரத்கௌஸ்துபோ⁴தா³ரஹாரம் ॥ 6 ॥
ஸுரத்நாங்க³தை³ரந்விதம் பா³ஹுத³ண்டை³-
-ஶ்சதுர்பி⁴ஶ்சலத்கங்கணாலங்க்ருதாக்³ரை꞉ ।
உதா³ரோத³ராளங்க்ருதம் பீதவஸ்த்ரம்
பத³த்³வந்த்³வநிர்தூ⁴தபத்³மாபி⁴ராமம் ॥ 7 ॥
ஸ்வப⁴க்தேஷு ஸந்த³ர்ஶிதாகாரமேவம்
ஸதா³ பா⁴வயந்ஸம்நிருத்³தே⁴ந்த்³ரியாஶ்வ꞉ ।
து³ராபம் நரோ யாதி ஸம்ஸாரபாரம்
பரஸ்மை பரேப்⁴யோ(அ)பி தஸ்மை நமஸ்தே ॥ 8 ॥
ஶ்ரியா ஶாதகும்ப⁴த்³யுதிஸ்நிக்³த⁴காந்த்யா
த⁴ரண்யா ச தூ³ர்வாத³ளஶ்யாமளாங்க்³யா ।
களத்ரத்³வயேநாமுநா தோஷிதாய
த்ரிலோகீக்³ருஹஸ்தா²ய விஷ்ணோ நமஸ்தே ॥ 9 ॥
ஶரீரம் களத்ரம் ஸுதம் ப³ந்து⁴வர்க³ம்
வயஸ்யம் த⁴நம் ஸத்³ம ப்⁴ருத்யம் பு⁴வம் ச ।
ஸமஸ்தம் பரித்யஜ்ய ஹா கஷ்டமேகோ
க³மிஷ்யாமி து³꞉கே²ந தூ³ரம் கிலாஹம் ॥ 10 ॥
ஜரேயம் பிஶாசீவ ஹா ஜீவதோ மே
வஸாமத்தி ரக்தம் ச மாம்ஸம் ப³லம் ச ।
அஹோ தே³வ ஸீதா³மி தீ³நாநுகம்பிந்
கிமத்³யாபி ஹந்த த்வயோதா³ஸிதவ்யம் ॥ 11 ॥
கப²வ்யாஹதோஷ்ணோல்ப³ணஶ்வாஸவேக³
வ்யதா²விஸ்பு²ரத்ஸர்வமர்மாஸ்தி²ப³ந்தா⁴ம் ।
விசிந்த்யாஹமந்த்யாமஸங்க்²யாமவஸ்தா²ம்
பி³பே⁴மி ப்ரபோ⁴ கிம் கரோமி ப்ரஸீத³ ॥ 12 ॥
லபந்நச்யுதாநந்த கோ³விந்த³ விஷ்ணோ
முராரே ஹரே நாத² நாராயணேதி ।
யதா²நுஸ்மரிஷ்யாமி ப⁴க்த்யா ப⁴வந்தம்
ததா² மே த³யாஶீல தே³வ ப்ரஸீத³ ॥ 13 ॥
பு⁴ஜங்க³ப்ரயாதம் படே²த்³யஸ்து ப⁴க்த்யா
ஸமாதா⁴ய சித்தே ப⁴வந்தம் முராரே ।
ஸ மோஹம் விஹாயாஶு யுஷ்மத்ப்ரஸாதா³-
-த்ஸமாஶ்ரித்ய யோக³ம் வ்ரஜத்யச்யுதம் த்வாம் ॥ 14 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீ விஷ்ணு பு⁴ஜங்க³ ப்ரயாத ஸ்தோத்ரம் ஸம்பூர்ணம் ।
Found a Mistake or Error? Report it Now
