|| యమునా అమృత లహరీ స్తోత్రం ||
మాతః పాతకపాతకారిణి తవ ప్రాతః ప్రయాతస్తటం
యః కాలింది మహేంద్రనీలపటలస్నిగ్ధాం తనుం వీక్షతే.
తస్యారోహతి కిం న ధన్యజనుషః స్వాంతం నితాంతోల్లస-
న్నీలాంభోధరవృందవందితరుచిర్దేవో రమావల్లభః.
నిత్యం పాతకభంగమంగలజుషాం శ్రీకంఠకంఠత్విషాం
తోయానాం యమునే తవ స్తవవిధౌ కో యాతి వాచాలతాం.
యేషు ద్రాగ్వినిమజ్జ్య సజ్జతితరాం రంభాకరాంభోరుహ-
స్ఫూర్జచ్చామరవీజితామరపదం జేతుం వరాకో నరః.
దానాంధీకృతగంధసింధురఘటాగండప్రణాలీమిల-
ద్భృంగాలీముఖరీకృతాయ నృపతిద్వారాయ బద్ధోఽఞ్జలిః.
త్వత్కూలే ఫలమూలశాలిని మమ శ్లాఘ్యామురీకుర్వతో
వృత్తిం హంత మునేః ప్రయాంతు యమునే వీతజ్వరా వాసరాః.
అంతర్మౌక్తికపుంజమంజిమ బహిః స్నిగ్ధేంద్రనీలప్రభం
మాతర్మే ముదమాతనోతు కరుణావత్యా భవత్యాః పయః.
యద్రూపద్వయధారణాదివ నృణామా చూడమామజ్జతాం
తత్కాలం తనుతేతరాం హరిహరాకారాముదారాం తనుం.
తావత్పాపకదంబడంబరమిదం తావత్కృతాంతాద్భయం
తావన్మానసపద్మసద్మని భవభ్రాంతేర్మహానుత్సవః.
యావల్లోచనయోః ప్రయాతి న మనాగంభోజినీబం
ధుజే
నృత్యత్తుంగతరంగభంగిరుచిరో వారాం ప్రవాహస్తవ.
కాలిందీతి కదాపి కౌతుకవశాత్త్వన్నామవర్ణానిమా-
న్వ్యస్తానాలపతాం నృణాం యది కరే ఖేలంతి సంసిద్ధయ
అంతర్ధ్వాంతకులాంతకారిణి తవ క్షిప్తాభృతే వారిణి
స్నాతానాం పునరన్వహం స మహిమా కేనాధునా వర్ణ్యతే.
స్వర్ణస్తేయపరానపేయరసికాన్పాంథఃకణాస్తే యది
బ్రహ్మఘ్నాన్గురుతల్పగానపి పరిత్రాతుం గృహీతవ్రతాః.
ప్రాయశ్చిత్తకులైరలం తదధునా మాతః పరేతాధిప-
ప్రౌఢాహంకృతిహారిహుంకృతిముచామగ్రే తవ స్రోతసాం.
పాయం పాయమపాయహారి జాన్ని స్వాదు త్వదీయం పయో
నాయం నాయమనాయనీమకృతినాం మూర్తిం దృశోః కైశవీం.
స్మారం స్మారమపారపుణ్యవిభవం కృష్ణేతి వర్ణద్వయం
చారం చారమితస్తతస్తవ తటే ముక్తో భవేయం కదా.
మాతర్వారిణి పాపహారిణి తవ ప్రాణప్రయాణోత్సవం
సంప్రాప్తేన కృతాం నరేణ సహతేఽవజ్ఞాం కృతాంతోఽపి యత్.
యద్వా మండలభేదనాదుదయినీశ్చండద్యుతిర్వేదనా-
శ్చిత్రం తత్ర కిమప్రమేయమహిమా ప్రేమా యదౌత్పత్తికః.
సంజ్ఞాకాంతసుతే కృతాంతభగిని శ్రీకృష్ణనిత్యప్రియే
పాపోన్మూలిని పుణ్యధాత్రి యమునే కాలింది తుభ్యం నమః.
ఏవం స్నానవిధౌ పఠంతి ఖలు యే నిత్యం గృహీతవ్రతా-
స్తానామంత్రితసంఖ్యజన్మజనితం పాపం క్షణాదుజ్ఝతి.
Found a Mistake or Error? Report it Now
