|| Dharma Devata Stotram (Varaha Puranam) ||
dēvā ūcuḥ |
namō:’stu śaśisaṅkāśa namastē jagataḥ patē |
namō:’stu dēvarūpāya svargamārgapradarśaka |
karmamārgasvarūpāya sarvagāya namō namaḥ || 1 ||
tvayēyaṁ pālyatē pr̥thvī trailōkyaṁ ca tvayaiva hi |
janastapastathā satyaṁ tvayā sarvaṁ tu pālyatē || 2 ||
na tvayā rahitaṁ kiñcijjagatsthāvarajaṅgamam |
vidyatē tvadvihīnaṁ tu sadyō naśyati vai jagat || 3 ||
tvamātmā sarvabhūtānāṁ satāṁ sattvasvarūpavān |
rājasānāṁ rajastvaṁ ca tāmasānāṁ tama ēva ca || 4 ||
catuṣpādō bhavān dēva catuḥśr̥ṅgastrilōcanaḥ |
saptahastistribandhaśca vr̥ṣarūpa namō:’stu tē || 5 ||
tvayā hīnā vayaṁ dēva sarva unmārgavartinaḥ |
tanmārgaṁ yaccha mūḍhānāṁ tvaṁ hi naḥ paramāgatiḥ || 6 ||
ēvaṁ stutastadā dēvairvr̥ṣarūpī prajāpatiḥ |
tuṣṭaḥ prasannamanasā śāntacakṣurapaśyata || 7 ||
dr̥ṣṭamātrāstu tē dēvāḥ svayaṁ dharmēṇa cakṣuṣā |
kṣaṇēna gatasaṁmōhāḥ samyaksaddharmasaṁhitāḥ || 8 ||
asurā api tadvacca tatō brahmā uvāca tam |
adyaprabhr̥ti tē dharma tithirastu trayōdaśī || 9 ||
yastāmupōṣya puruṣō bhavantaṁ samupārjayēt |
kr̥tvā pāpasamāhāraṁ tasmānmuñcati mānavaḥ || 10 ||
yaccāraṇyamidaṁ dharma tvayā vyāptaṁ ciraṁ prabhō |
tatō nāmnā bhaviṣyē taddharmāraṇyamiti prabhō || 11 ||
catustripāddvyēkapācca prabhō tvaṁ
kr̥tādibhirlakṣyasē yēna lōkaiḥ |
tathā tathā karmabhūmau nabhaśca
prāyōyuktaḥ svagr̥haṁ pāhi viśvam || 12 ||
ityuktamātraḥ prapitāmahō:’dhunā
surāsurāṇāmatha paśyatāṁ nr̥pa |
adr̥śyatāmagamat svālayāṁśca
jagmuḥ surāḥ savr̥ṣā vītaśōkāḥ || 13 ||
dharmōtpattiṁ ya imāṁ śrāvayīta
tadā śrāddhē tarpayēta pitr̥̄ṁśca |
trayōdaśyāṁ pāyasēna svaśaktyā
sa svargagāmī tu surānupēyāt || 14 ||
iti śrīvarāhapurāṇē bhagavacchāstrē dvātriṁśō:’dhyāyē dharmadēvatā stōtram ||
Found a Mistake or Error? Report it Now
