आरती भुवनसुंदराची – कृष्णाची आरती

|| आरती भुवनसुंदराची – कृष्णाची आरती PDF ||

आरती भुवनसुंदराची ।
इंदिरावरा मुकुंदाची ॥

पद्मसम पादयुग्मरंगा ।
ओवाळणी होति भृंगा ॥
नखमणि स्रवताहे गंगा ।
जे का त्रिविधतापभंगा ॥

वर्तुळ गुल्फ भ्राजमाने ॥
किंकिणीक्वणित,
नाद घणघणित,
वांकिवर झुणित,
नूपुरे झन्न मंजिराची ।
झनन ध्वनी मंजिराची ॥

आरती भुवनसुंदराची…

पीतपट हाटकतप्तवर्णी ।
कांची नितंब सुस्थानी ॥
नाभिची अगाध ही करणी ।
विश्वजनकाची जे जननई ॥

त्रिवलीललित उदरशोभा ।
कंबुगळा माळ विलंबित,
झळाळ कौस्तुभ,
सरळ बाहू,
श्रीवत्सतरलमणि मरळ कंकणाची ।
प्रीति बहु जडित कंकणांची ॥

आरती भुवनसुंदराची…

इंदुसम आस्य कुंदरदना ।
अधरारुणार्क-बिंबवदना ॥
पाहता भ्रांति पड़े मदना ।
सजलमेघाब्धि दैत्यदमना ॥

झळकत मकरकुंडलाभा ।
कुटिलकुंतली,
मयूरपत्रावली वेष्टिली,
तिलक भाळि केशरी झळाळित,
कृष्णकस्तुरीची ।
अक्षता भाळि कस्तुरीची ।

आरती भुवनसुंदराची…

कल्पद्रुमातळी मूर्ती ।
सौदामिनी कोटिदीप्ती ॥
गोपीगोपवलय भवती ।
त्रिविष्टप पुष्पवृष्टि करिती ॥

मंजुळ मधुर मुरलिनादे ।
चकित गंधर्व,
चकित अप्सरा,
सुरागिरिवरा,
कर्पुराधरा,
रतीने प्रेमयुक्त साची ।
आरती ओवाळित साची ॥

आरती भुवनसुंदराची…

वृंदावनीचिये हरणी ।
सखे गे कृष्ण माय बहिणी ॥
श्रमलो भवाब्धिचे फिरणी ।
आता मज ठाव देई चरणी ॥

अहा हे पूर्ण पुण्यश्लोका ।
नमितो चरण शरण मी,
करुणा येऊ दे विशालपाणीम
कृष्ण नेणते बाळ आपुले,
राखि लाज याची ।
दयानिधे राखि लाज याची ।

आरती भुवनसुंदराची…

Read in More Languages:

• marathiअवतार गोकुळी – कृष्णाची आरती
• marathiश्यामलवर्णा षड्रिपुदमना – कृष्णाची आरती
• marathiओवाळू आरती मदनगोपाळा – कृष्णाची आरती
• hindiश्री बाँकेबिहारी आरती
• hindiगिरिधारी आरती
• hindiनटवर आरती
• hindiश्री कृष्ण कन्हैया आरती
• englishGiridhari Aarti
• englishNatavara Aarti
• englishShri Krishna Kanhaiya Aarti
• englishShri Yashodalala Aarti
• englishShri Bankebihari Aarti
• englishShri Krishna Bhog Aarti
• hindiश्री युगलकिशोर आरती
• englishShri Yugalkishor Aarti

Found a Mistake or Error? Report it Now