Deity: Misc

|| श्रीभैरवसर्वफलप्रदस्तोत्रम् || ॐ भ्रं भैरवाय अनिष्टनिवारणाय स्वाहा । मम सर्वे ग्रहाः अनिष्टनिवारणाय स्वाहा । ज्ञानं देहि धनं देहि मम द्रारिद्रयदुःखनिवारणाय स्वाहा । सुतं देहि यशो देहि मम गृहक्लेशनिवारणाय स्वाहा । स्वास्थ्य देहि बलं देहि मम शत्रुनिवारणाय स्वाहा । सिद्धिं देहि जयं देहि मम सर्वॠणनिवारणाय स्वाहा । ॐ भ्रं भैरवाय अनिष्टनिवारणाय स्वाहा । इति श्रीभैरवसर्वफलप्रदस्तोत्रं…

|| श्रीभैरवताण्डवस्तोत्रम् || श्रीगणेशाय नमः । श्रीउमामहेश्वराभ्यां नमः । श्रीगुरवे नमः । श्रीभैरवाय नमः ॥ अथ श्रीभैरवताण्डवस्तोत्रम् । ॐ चण्डं प्रतिचण्डं करधृतदण्डं कृतरिपुखण्डं सौख्यकरं लोकं सुखयन्तं विलसितवन्तं प्रकटितदन्तं नृत्यकरम् । डमरुध्वनिशङ्खं तरलवतंसं मधुरहसन्तं लोकभरं भज भज भूतेशं प्रकटमहेशं भैरववेषं कष्टहरम् ॥ १॥ चर्चितसिन्दूरं रणभूविदूरं दुष्टविदूरं श्रीनिकरं किङ्किणिगणरावं त्रिभुवनपावं खर्प्परसावं पुण्यभरम् । करुणामयवेशं सकलसुरेशं मुक्तसुकेशं पापहरं…

|| भेदभङ्गाभिधानस्तोत्रम् || चतुर्वाहनाभ्यम्बुजाद्भूतवन्तं भवन्तं भवच्छेदकर्तारमुग्रम् । मुखानां चतुष्कं दधानं प्रधानं शिवं सृष्टिकर्तारमीशानमीडे ॥ १॥ उमाङ्कश्रितं स्वं करं चोत्क्षिपन्तं गिरीशोत्तमाङ्गस्थचन्द्रं दिधीर्षुम् । मुहुर्गर्जितं सस्मितं सर्वपूज्यं शिवं विघ्नहर्तारमीशानमीडे ॥ २॥ सुमेरोः समन्तात्सदैवाशु यन्तं सहस्रोस्रभासा नभो भासयन्तम् । जगद्भद्रहेतोर्धृतानेकरूपं शिवं व्याधिहर्तारमीशानमीडे ॥ ३॥ रमाजानकीरुक्मिणीजाम्बवत्याद्यनेकस्वशक्तिस्फुरद्वामभागम् । हृषीकेशरामाघशित्र्वादिसंज्ञं शिवं सर्वदातारमीशानमीडे ॥ ४॥ धनाध्यक्षरूपेण ऋक्थान्यवन्तं कुबेरालकेशादिनामौघवन्तम् । पुलस्त्यान्वयोत्पत्तिभाजं विराजं शिवं…

|| श्रीभवानीचन्द्रशेखरस्तोत्रम् || (श्रीश‍ृङ्गगिरौ – श्रीभवानीमलहानिकरेश्वरकल्याणोत्सवे) वैवाहिकासनासीनौ वैमानिकवरार्चितौ । वैराग्यदायिनौ दत्तां वैशद्यं मम चेतसः ॥ १॥ भक्तेष्टदाननिरतौ भयवारणदीक्षितौ । भवेतां भव्यसन्तत्यै भवानीचन्द्रशेखरौ ॥ २॥ भरताग्रजसंसेव्यौ भवसागरतारकौ । भर्मभूषौ नमस्यामि भवानीचन्द्रशेखरौ ॥ ३॥ इति श‍ृङ्गेरि श्रीजगद्गुरु श्रीसच्चिदानन्दशिवाभिनवनृसिंह- भारतीस्वामिभिः विरचितं श्रीभवानीचन्द्रशेखरस्तोत्रं सम्पूर्णम् ।

|| भक्तशरणस्तोत्रम् || ‘ श्रीगणेशाय नमः ॥ आर्द्रान्तःकरणस्त्वं यस्मादीशान भक्तवृन्देषु । आर्द्रोत्सवप्रियोऽतः श्रीकण्ठात्रास्ति नैव सन्देहः ॥ १॥ द्रष्टॄंस्तवोत्सवस्य हि लोकान्यपात्तथा मृत्योः । भा भीरस्त्विति शम्भो मध्ये तिर्यग्गतागतैर्ब्रूषे ॥ २॥ प्रकरोति करुणयाऽऽर्द्रान् शम्भुर्नम्रानिति प्रबोधाय । धर्मोऽयं किल लोकानार्द्रान्कुरुतेऽद्य गौरीश ॥ ३॥ आद्रा नटेशस्य मनोऽब्जवृत्तिरित्यर्थसम्बोधकृते जनानाम् । आर्द्रर्क्ष एवोत्सवमाह शस्तं पुराणजालं तव पार्वतीश ॥ ४॥ बाणार्चने भगवतः…

|| पञ्चदेवतास्तोत्रम् || श्रीगणेशाय नमः । गणेशविष्णुसूर्येशदुर्गाख्यं देवपञ्चकम् । वन्दे विशुद्धमनसा जनसायुज्यदायकम् ॥ १॥ एकरूपान् भिन्नमूर्तीन् पञ्चदेवान्नमस्कृतान् । वन्दे विश्णुद्धभावेनेशाम्बेनैकरदाच्युतान् ॥ २॥ कल्याणदायिनो देवान्नमस्कार्यात्महौजसः । विष्णुशम्भुशिवासूयगणेशाख्यान्नमाम्यहम् ॥ ३॥ एकात्मनो भिन्नरूपान् लोकरक्षणतत्परान् । शिवविष्णुशिवासूर्यहेरम्वान् प्रणमाम्यहम् ॥ ४॥ दिव्यरूपानेकरूपान्नानारूपान्नमस्कृतान् । शिवाशङ्करहेरम्बविष्णुसूर्यान्नमाम्यहम् ॥ ५॥ नित्यानानन्दसन्दोहदायिनो दीनपालकान् । शिवाच्युतगणेशेनडुर्गाख्यान् नौम्यहं सुरान् ॥ ६॥ कमनीयतनून्देवान् सेवावश्यान् कृपावतः । शङ्करेनशिवाविष्णुगणेशाख्यान्नमाम्यहम् ॥…

|| श्रीनटेश पञ्चरत्नस्तोत्रम् || ॥ ध्यानम् ॥ वामे भूधरजा पुरश्च वृषराट् पश्चान्मुनिर्जैमिनिः श्री मद्-व्यास पतञ्जलीत्युभयतः वाय्वादिकोणेषु च । श्रीमत्तिल्लवनैकवासिमखिनः ब्रह्मादिवृन्दारकाः मध्ये स्वर्ण सभापतिर्विजयते हृत्पुण्डरीके पुरे ॥ ॥ अथ श्री नटेश पञ्चरत्नम् ॥ श्रीमच्चिदम्बरनटनात् नटराजराजात् विद्याधिपात् विविधमङ्गलदानशौण्डात् । पूर्णेन्दु सुन्दर मुखात् द्विजराजचूडात् भर्गात्परं किमपि तत्त्वमहं न जाने ॥ १॥ डक्काविभूशितकरात् विषनीलकण्टात् फुल्लारविन्दनयनात् फणिराजवन्द्यात् । व्याघ्रांघ्रि पूज्यचरणात्…

|| श्रीनटराजकुञ्चितपादसहस्रनामस्तोत्रम् || ॥ श्रीगुरुभ्यो नमः ॥ ॥ श्रीशिवकामसुन्दरीसमेत श्रीनटराजः शरणम् ॥ यस्मात्सर्वं समुत्पन्नं चराचरमिदं जगत् । इदं नमोनटेशाय तस्मै कारुपयर्द्ध्वये ॥ १॥ कैलासशिखरे रम्ये रत्नसिंहासने स्थितम् । शङ्करं करुणामूर्तिं प्रणम्य परया मुदा ॥ २॥ विनयावनता भूत्वा पप्रच्छ परमेश्वरी । भगवन्! भव! सर्वज्ञ! भवतापहराव्यय ॥ ३॥ त्वत्तः श्रुतं मया देव! सर्वं नामसहस्रकम् । नटेशस्यापि नामानि…

|| श्रीधर्मपुरीरामलिङ्गेश्वरमङ्गलस्तोत्रम् || रामलिङ्गेश्वराय रामचन्द्रपूजिताय । राजमौलिशोभिताय देव । मङ्गलम् ॥ १॥ दण्डकारुण्यवाहि गौतमी तीरनिलय । धर्मपूरवास । ते साम्ब मङ्गलम् ॥ २॥ पार्वतीयुक्तदेह । पर्वताग्रवास देव । पापवारकाय ते परममङ्गलम् ॥ ३॥ विश्वनाथ । विनुतदेव । विश्वलोकरक्षकाय । वेदशास्त्रविदितदेव । विभव ंअङ्गलम् ॥ ४॥ इति श्री कोरिडे विश्वनाथ शर्मणाविरचितं श्रीशर्मपुरीरामलिङ्गेश्वर मङ्गलस्तोत्रं सम्पूर्णम् ।

|| द्व्यर्थिषडाननस्तोत्रम् || दक्षेण हस्तेन गदां दधान क्रौञ्चञ्च वामेन सुसावधानः । स शुक्रजो वोऽवतु कार्तिकेयः षाण्मातुरः साम्बसुतोऽर्यजेयः ॥ १॥ षट्शिरो द्वादशकरो द्विगुणोऽत्रिज एव किम् । सोऽम्बसुतो द्विहस्तोऽत्र सुब्रह्मण्यो मयेक्षितः ॥ २॥ हत्वा बलात्सम्पदमाश्वदैवीं पुष्णाति गोपायति वैश्वदैवीम् । सुपूजितस्त्वं सुमनः स्वभक्तगते नमस्तेऽस्तु सदा विरक्तम् ॥ ३॥ विशेषतस्त्वां भुवि दाक्षिणात्या भजन्ति भक्त्या परयाज तेषाम् । अनुग्रहार्थं द्विभुजस्वरूपं…

|| द्व्यर्थिरामेश्वरस्तोत्रम् || भागीरथीपुण्यजलाभिषिक्तो यो ब्रह्महत्याद्यघतः पुनाति । रामेश्वरोऽसौ भरताग्रजन्मसंस्थापितः पातु सदा विपद्भ्यः ॥ १॥ यद्दर्शनं कायिकवाचिकादिपापापहं तापहरं वरं च । रामेश्वरोऽसौ भरताग्रजन्मसंस्थापितः पातु सदा विपद्भ्यः ॥ २॥ त्रिकालसन्दर्शनतोऽपि तृप्तो ददाति सिद्धीरुभयीर्महात्मा । रामेश्वरोऽसौ भरताग्रजन्मसंस्थापितः पातु सदा विपद्भ्यः ॥ ३॥ रुद्राभिषेकप्रिय ईश्वरो यः सर्वार्थदो भाविककामपूरः ॥ रामेश्वरोऽसौ भरताग्रजन्मसंस्थापितः पातु सदा विपद्भ्यः ॥ ४॥ यो बिल्वपत्रैस्त्रिदलैर्भवारिः…

|| श्रीदूर्वेशस्तोत्रम् || (श्रीदूर्वाक्षेत्रे – अरवङ्गुलापरनामके) गणनाथषण्मुखयुतो गिरिजासंश्लेषतुष्टहृदयाब्जः । दूर्वाभिख्यपुरस्थाँल्लोकान् परिपातु भक्तिविनययुतान् ॥ १॥ विद्यानाथ विनीतिभक्तिसहिताँल्लोकान् कृपावारिधे दूर्वाभिख्यपुरस्थितान्करुणया पाहीभवक्त्रं यथा । विद्यायुःसुखयुक्तिशक्तिभिरलंयुक्तान्विधायानिशं शान्त्याद्यैरपि दिव्यमुक्तिपदवीसन्दर्शकैः शङ्कर ॥ २॥ इति श‍ृङ्गेरि श्रीजगद्गुरु श्रीसच्चिदानन्दशिवाभिनवनृसिंह- भारतीस्वामिभिः विरचितं श्रीदूर्वेशस्तोत्रं सम्पूर्णम् ।

|| तारावलिस्तोत्रम् || निरवधिकरुणार्द्रैर्निह्नुताशेषदोषैः अमृतरसझराणां अन्तरङ्गैरपाङ्गैः । अघमखिलमपास्यन् अस्य डिम्भस्य शम्भुः सकलभयनिवृत्तिं साम्बमूर्तिर्विधत्ताम् ॥ १॥ श्रियमवनतिभाजां श्रेयसामादधानैः अमृतरसतरङ्गश्रीधुरीणैरपाङ्गैः । अघमखिलमपास्यन् अस्य डिम्भस्य शम्भुः सकलभयनिवृत्तिं साम्बमूर्तिर्विधत्ताम् ॥ २॥ गजमुखशरजन्मप्रेमगाढोपगूढैः नगदुहितुरमन्दानन्दमूलैरपाङ्गैः । अघमखिलमपास्यन् अस्य डिम्भस्य शम्भुः सकलभयनिवृत्तिं साम्बमूर्तिर्विधत्ताम् ॥ ३॥ गिरिवरतनयायाः केलिकोपे नतस्तत् चरणनखरुचिश्रीवर्मितैरीक्षणैर्द्राक् । अघमखिलमपास्यन् अस्य डिम्भस्य शम्भुः सकलभयनिवृत्तिं साम्बमूर्तिर्विधत्ताम् ॥ ४॥ स्मरहरदयनीयास्मीत्युमायां वदन्त्यां दरहसितमुखेन्दुस्तामपाङ्गैः पिबद्भिः…

|| श्रीताण्डवेश्वरस्तोत्रम् || वृथा किं संसारे भ्रमथ मनुजा दुःखबहुले पदाम्भोजं दुःखप्रशमनमरं संश्रयत मे । इतीशानस्सर्वान्परमकरुणानीरधिरहो पदाब्जं ह्युद्धृत्याबुजनिभ करेणोपदिशति ॥ १॥ संसारानलतापतप्त हृदयास्सर्वे जवान्मत्पदं सेवध्वं मनुजा भयं भवतु मा युष्माकमित्यद्रिशः । हस्तेऽग्निं दधदेष भीतिहरणं हस्तं च पादाम्भुजं ह्युद्धृत्योपदिशत्यहो करसरोजातेन कारुण्यधिः ॥ २॥ ताण्डवेश्वर ताण्डवेश्वर ताण्डवेश्वर पाहि माम् । ताण्डवेश्वर ताण्डवेश्वर ताण्डवेश्वर रक्ष माम् ॥ ३॥ गाण्डिवेश्वर…

|| जन्मसागरोत्तारणस्तोत्रम् || श्रीगणेशाय नमः ॥ श्रीरामपूजितपदाम्बुज चापपाणे श्रीचक्रराजकृतवास कृपाम्बुराशे । श्रीसेतुमूलचरणप्रवणान्तरङ्ग श्रीरामनाथ लघु तारय जन्मवार्धिम् ॥ १॥ नम्राधवृन्दविनिवारणबद्धदीक्ष शैलाधिराजतनयापरिरब्धवर्ष्मन् । श्रीनाथमुख्यसुरवर्यनिषेविताङ्घ्रे श्रीरामनाथ लघु तारय जन्मवार्धिम् ॥ २॥ शूराहितेभवदनाश्रितपार्श्वभाग क्रूरारिवर्गविजयप्रद शीघ्रमेव । साराखिलागमतदन्तपुराणपङ्क्तेः श्रीरामनाथ लघु तारय जन्मवार्धिम्॥ ३॥ शब्दादिमेषु विषयेषु समीपगेष्व- प्यासक्तिगन्धरहितान्निजपादनम्रान् । कुर्वाण कामदहनाक्षिलसल्ललाट श्रीरामनाथ लघु तारय जन्मवार्धिम् ॥ ४॥ इति जन्मसागरोत्तारणस्तोत्रं सम्पूर्णम् ।

|| चन्द्रमौलीशस्तोत्रम् || श्रीगणेशाय नमः । ओङ्कारजपरतानामोङ्कारार्थं मुदा विवृण्वानम् । ओजःप्रदं नतेभ्यस्तमहं प्रणमामि चद्रमौलीशम् ॥ १॥ नम्रसुरासुरनिकरं नलिनाहङ्कारहारिपदयुगलम् । नमदिष्टदानधीरं सततं प्रणमामि चन्द्रमौलीशम् ॥ २॥ मननाद्यत्पदयोः खलु महतीं सिद्धिं जवात्प्रपद्यन्ते । मन्देतरलक्ष्मीप्रदमनिशं प्रणमामि चद्रमौलीशम् ॥ ३॥ शितिकण्ठमिन्दुदिनकरशुचिलोचनमम्बुजाक्षविधिसेव्यम् । नतमतिदानधुरीणं सततं प्रणमामि चद्रमौलीशम् ॥ ४॥ वाचो विनिवर्तते यस्मादप्राप्य सह हृदैवेति । गीयन्ते श्रुतिततिभिस्तमहं प्रणमामि चद्रमौलीशम् ॥…

|| गौरीगिरीशस्तोत्रम् || श्रीगणेशाय नमः । चन्द्रार्धप्रविभासिमस्तकतटौ तन्द्राविहीनौ सदा भक्तौधप्रतिपालने निजतनुछायाजितार्कायुतौ । श‍ृङ्गाद्रिस्थविवाहमण्डपगतौ कारुण्यवारान्निधी कल्याणं तनुतां समस्तजगतां गौरीगिरीशौ मुदा ॥ १॥ अन्योन्यार्च्चनतत्परौ मधुरवाक्सन्तोषितान्योन्यकौ चन्द्रार्धाञ्चितशेखरौ प्रणमतामिष्टार्थदौ सत्वरम् । श‍ृङ्गाद्रिस्थविवाहमण्डपगतौ श‍ृङ्गारजन्मावनी कल्याणं तनुतां समस्तजगतां गौरीगिरीशौ मुदा ॥ २॥ सौदर्येण परस्परं प्रमुदितावन्योन्यचित्तस्थितौ राकाचन्द्रसमानवक्त्रकमलौ पादाब्जकालङ्कृतौ । श‍ृङ्गाद्रिस्थविवाहमण्डपगतौ गङ्गातटावासिनौ कल्याणं तनुतां समस्तजगतां गौरीगिरीशौ मुदा ॥ ३॥ सिंहोक्षाग्र्यगती महोन्नतपदं सम्प्रापयन्तौ नता-…