॥ শ্রী দুর্গা নক্ষত্র মালিকা স্তুতি ॥
বিরাটনগরং রম্যং গচ্ছমানো যুধিষ্ঠিরঃ ।
অস্তুবন্মনসা দেবীং দুর্গাং ত্রিভুবনেশ্বরীম্ ॥
যশোদাগর্ভসংভূতাং নারাযণবরপ্রিযাম্ ।
নংদগোপকুলেজাতাং মংগল্যাং কুলবর্ধনীম্ ॥
কংসবিদ্রাবণকরীং অসুরাণাং ক্ষযংকরীম্ ।
শিলাতটবিনিক্ষিপ্তাং আকাশং প্রতিগামিনীম্ ॥
বাসুদেবস্য ভগিনীং দিব্যমাল্য বিভূষিতাম্ ।
দিব্যাংবরধরাং দেবীং খড্গখেটকধারিণীম্ ॥
ভারাবতরণে পুণ্যে যে স্মরংতি সদাশিবাম্ ।
তান্বৈ তারযতে পাপাত্ পংকেগামিব দুর্বলাম্ ॥
স্তোতুং প্রচক্রমে ভূযো বিবিধৈঃ স্তোত্রসংভবৈঃ ।
আমংত্র্য দর্শনাকাংক্ষী রাজা দেবীং সহানুজঃ ॥
নমোঽস্তু বরদে কৃষ্ণে কুমারি ব্রহ্মচারিণি ।
বালার্ক সদৃশাকারে পূর্ণচংদ্রনিভাননে ॥
চতুর্ভুজে চতুর্বক্ত্রে পীনশ্রোণিপযোধরে ।
মযূরপিংছবলযে কেযূরাংগদধারিণি ॥
ভাসি দেবি যদা পদ্মা নারাযণপরিগ্রহঃ ।
স্বরূপং ব্রহ্মচর্যং চ বিশদং তব খেচরি ॥
কৃষ্ণচ্ছবিসমা কৃষ্ণা সংকর্ষণসমাননা ।
বিভ্রতী বিপুলৌ বাহূ শক্রধ্বজসমুচ্ছ্রযৌ ॥
পাত্রী চ পংকজী কংঠী স্ত্রী বিশুদ্ধা চ যা ভুবি ।
পাশং ধনুর্মহাচক্রং বিবিধান্যাযুধানি চ ॥
কুংডলাভ্যাং সুপূর্ণাভ্যাং কর্ণাভ্যাং চ বিভূষিতা ।
চংদ্রবিস্পার্ধিনা দেবি মুখেন ত্বং বিরাজসে ॥
মুকুটেন বিচিত্রেণ কেশবংধেন শোভিনা ।
ভুজংগাঽভোগবাসেন শ্রোণিসূত্রেণ রাজতা ॥
ভ্রাজসে চাববদ্ধেন ভোগেনেবেহ মংদরঃ ।
ধ্বজেন শিখিপিংছানাং উচ্ছ্রিতেন বিরাজসে ॥
কৌমারং ব্রতমাস্থায ত্রিদিবং পাবিতং ত্বযা ।
তেন ত্বং স্তূযসে দেবি ত্রিদশৈঃ পূজ্যসেঽপি চ ॥
ত্রৈলোক্য রক্ষণার্থায মহিষাসুরনাশিনি ।
প্রসন্না মে সুরশ্রেষ্ঠে দযাং কুরু শিবা ভব ॥
জযা ত্বং বিজযা চৈব সংগ্রামে চ জযপ্রদা ।
মমাঽপি বিজযং দেহি বরদা ত্বং চ সাংপ্রতম্ ॥
বিংধ্যে চৈব নগশ্রেষ্টে তব স্থানং হি শাশ্বতম্ ।
কালি কালি মহাকালি সীধুমাংস পশুপ্রিযে ॥
কৃতানুযাত্রা ভূতৈস্ত্বং বরদা কামচারিণি ।
ভারাবতারে যে চ ত্বাং সংস্মরিষ্যংতি মানবাঃ ॥
প্রণমংতি চ যে ত্বাং হি প্রভাতে তু নরা ভুবি ।
ন তেষাং দুর্লভং কিংচিত্ পুত্রতো ধনতোঽপি বা ॥
দুর্গাত্তারযসে দুর্গে তত্বং দুর্গা স্মৃতা জনৈঃ ।
কাংতারেষ্ববপন্নানাং মগ্নানাং চ মহার্ণবে ॥
(দস্যুভির্বা নিরুদ্ধানাং ত্বং গতিঃ পরমা নৃণাম)
জলপ্রতরণে চৈব কাংতারেষ্বটবীষু চ ।
যে স্মরংতি মহাদেবীং ন চ সীদংতি তে নরাঃ ॥
ত্বং কীর্তিঃ শ্রীর্ধৃতিঃ সিদ্ধিঃ হ্রীর্বিদ্যা সংততির্মতিঃ ।
সংধ্যা রাত্রিঃ প্রভা নিদ্রা জ্যোত্স্না কাংতিঃ ক্ষমা দযা ॥
নৃণাং চ বংধনং মোহং পুত্রনাশং ধনক্ষযম্ ।
ব্যাধিং মৃত্যুং ভযং চৈব পূজিতা নাশযিষ্যসি ॥
সোঽহং রাজ্যাত্পরিভ্রষ্টঃ শরণং ত্বাং প্রপন্নবান্ ।
প্রণতশ্চ যথা মূর্ধ্না তব দেবি সুরেশ্বরি ॥
ত্রাহি মাং পদ্মপত্রাক্ষি সত্যে সত্যা ভবস্ব নঃ ।
শরণং ভব মে দুর্গে শরণ্যে ভক্তবত্সলে ॥
এবং স্তুতা হি সা দেবী দর্শযামাস পাংডবম্ ।
উপগম্য তু রাজানমিদং বচনমব্রবীত্ ॥
শৃণু রাজন্ মহাবাহো মদীযং বচনং প্রভো ।
ভবিষ্যত্যচিরাদেব সংগ্রামে বিজযস্তব ॥
মম প্রসাদান্নির্জিত্য হত্বা কৌরব বাহিনীম্ ।
রাজ্যং নিষ্কংটকং কৃত্বা ভোক্ষ্যসে মেদিনীং পুনঃ ॥
ভ্রাতৃভিঃ সহিতো রাজন্ প্রীতিং প্রাপ্স্যসি পুষ্কলাম্ ।
মত্প্রসাদাচ্চ তে সৌখ্যং আরোগ্যং চ ভবিষ্যতি ॥
যে চ সংকীর্তযিষ্যংতি লোকে বিগতকল্মষাঃ ।
তেষাং তুষ্টা প্রদাস্যামি রাজ্যমাযুর্বপুস্সুতম্ ॥
প্রবাসে নগরে চাপি সংগ্রামে শত্রুসংকটে ।
অটব্যাং দুর্গকাংতারে সাগরে গহনে গিরৌ ॥
যে স্মরিষ্যংতি মাং রাজন্ যথাহং ভবতা স্মৃতা ।
ন তেষাং দুর্লভং কিংচিদস্মিন্ লোকে ভবিষ্যতি ॥
য ইদং পরমস্তোত্রং ভক্ত্যা শৃণুযাদ্বা পঠেত বা ।
তস্য সর্বাণি কার্যাণি সিধ্ধিং যাস্যংতি পাংডবাঃ ॥
মত্প্রসাদাচ্চ বস্সর্বান্ বিরাটনগরে স্থিতান্ ।
ন প্রজ্ঞাস্যংতি কুরবঃ নরা বা তন্নিবাসিনঃ ॥
ইত্যুক্ত্বা বরদা দেবী যুধিষ্ঠিরমরিংদমম্ ।
রক্ষাং কৃত্বা চ পাংডূনাং তত্রৈবাংতরধীযত ॥
- teluguశ్రీ దుర్గా నక్షత్ర మాలికా స్తుతి
- kannadaಶ್ರೀ ದುರ್ಗಾ ನಕ್ಷತ್ರ ಮಾಲಿಕಾ ಸ್ತುತಿ
- gujaratiશ્રી દુર્ગા નક્ષત્ર માલિકા સ્તુતિ
- sanskritश्री दुर्गा नक्षत्र मालिका स्तुति
- sanskritश्री दुर्गा नक्षत्र मालिका स्तुति
- punjabiਸ਼੍ਰੀ ਦੁਰ੍ਗਾ ਨਕ੍ਸ਼ਤ੍ਰ ਮਾਲਿਕਾ ਸ੍ਤੁਤਿ
- odiaଶ୍ରୀ ଦୁର୍ଗା ନକ୍ଷତ୍ର ମାଲିକା ସ୍ତୁତି
- hindiश्री दुर्गा नक्षत्र मालिका स्तुति
- englishShri Durga Maa Stuti
- hindiश्री दुर्गा माता स्तुति
Found a Mistake or Error? Report it Now
