শ্রী গণেশ পঞ্চরত্ন স্তোত্রম্ PDF বাংলা

শ্রী গণেশ পঞ্চরত্ন স্তোত্রম্ বাংলা Lyrics

|| শ্রী গণেশ পঞ্চরত্ন স্তোত্রম্ ||

শ্রীগণেশায় নমঃ ॥

মুদাকরাত্তমোদকং সদাবিমুক্তিসাধকং
কলাধরাবতংসকং বিলাসিলোকরক্ষকম্ ।
অনায়কৈকনায়কং বিনাশিতেভদৈত্যকং
নতাশুভাশুনাশকং নমামি তং বিনায়কম্ ॥

নতেতরাতিভীকরং নবোদিতার্কভাস্বরং
নমৎসুরারিনির্জরং নতাধিকাপদুদ্ধরম্ ।
সুরেশ্বরং নিধীশ্বরং গজেশ্বরং গণেশ্বরং
মহেশ্বরং তমাশ্রয়ে পরাৎপরং নিরন্তরম্ ॥

সমস্তলোকশঙ্করং নিরস্তদৈত্যকুঞ্জরং
দরেতরোদরং বরং বরেভবক্ত্রমক্ষরম্ ।
কৃপাকরং ক্ষমাকরং মুদাকরং যশস্করং
মনস্করং নমস্কৃতাং নমস্করোমি ভাস্বরম্ ॥

অকিঞ্চনার্তিমার্জনং চিরন্তনোক্তিভাজনং
পুরারিপূর্বনন্দনং সুরারিগর্বচর্বণম্ ।
প্রপঞ্চনাশভীষণং ধনঞ্জয়াদিভূষণং
কপোলদানবারণং ভজে পুরাণবারণম্ ॥

নিতান্তকান্তদন্তকান্তিমন্তকান্তকাত্মজং
অচিন্ত্যরূপমন্তহীনমন্তরায়কৃন্তনম্ ।
হৃদন্তরে নিরন্তরং বসন্তমেব যোগিনাং
তমেকদন্তমেব তং বিচিন্তয়ামি সন্ততম্ ॥

মহাগণেশপঞ্চরত্নমাদরেণ যোঽন্বহং
প্রজল্পতি প্রভাতকে হৃদি স্মরন্ গণেশ্বরম্ ।
অরোগতামদোষতাং সুসাহিতীং সুপুত্রতাং
সমাহিতায়ুরষ্টভূতিমভ্যুপৈতি সোঽচিরাৎ ॥

ইতি শ্রীশঙ্করভগবতঃ কৃতৌ শ্রীগণেশপঞ্চরত্নস্তোত্রং সম্পূর্ণম্ ॥