గురు పాదుకా స్తోత్రం PDF తెలుగు

గురు పాదుకా స్తోత్రం తెలుగు Lyrics

॥ గురు పాదుకా స్తోత్రం ॥

అనంతసంసార సముద్రతార
నౌకాయితాభ్యాం గురుభక్తిదాభ్యాం ।
వైరాగ్యసామ్రాజ్యదపూజనాభ్యాం
నమో నమః శ్రీగురుపాదుకాభ్యాం ॥

కవిత్వవారాశినిశాకరాభ్యాం
దౌర్భాగ్యదావాం బుదమాలికాభ్యాం ।
దూరికృతానమ్ర విపత్తతిభ్యాం
నమో నమః శ్రీగురుపాదుకాభ్యాం ॥

నతా యయోః శ్రీపతితాం సమీయుః
కదాచిదప్యాశు దరిద్రవర్యాః ।
మూకాశ్ర్చ వాచస్పతితాం హి తాభ్యాం
నమో నమః శ్రీగురుపాదుకాభ్యాం ॥

నాలీకనీకాశ పదాహృతాభ్యాం
నానావిమోహాది నివారికాభ్యాం ।
నమజ్జనాభీష్టతతిప్రదాభ్యాం
నమో నమః శ్రీగురుపాదుకాభ్యాం ॥

నృపాలి మౌలివ్రజరత్నకాంతి
సరిద్విరాజత్ ఝషకన్యకాభ్యాం ।
నృపత్వదాభ్యాం నతలోకపంకతే:
నమో నమః శ్రీగురుపాదుకాభ్యాం ॥

పాపాంధకారార్క పరంపరాభ్యాం
తాపత్రయాహీంద్ర ఖగేశ్ర్వరాభ్యాం ।
జాడ్యాబ్ధి సంశోషణ వాడవాభ్యాం
నమో నమః శ్రీగురుపాదుకాభ్యాం ॥

శమాదిషట్క ప్రదవైభవాభ్యాం
సమాధిదాన వ్రతదీక్షితాభ్యాం ।
రమాధవాంధ్రిస్థిరభక్తిదాభ్యాం
నమో నమః శ్రీగురుపాదుకాభ్యాం ॥

స్వార్చాపరాణాం అఖిలేష్టదాభ్యాం
స్వాహాసహాయాక్షధురంధరాభ్యాం ।
స్వాంతాచ్ఛభావప్రదపూజనాభ్యాం
నమో నమః శ్రీగురుపాదుకాభ్యాం ॥

కామాదిసర్ప వ్రజగారుడాభ్యాం
వివేకవైరాగ్య నిధిప్రదాభ్యాం ।
బోధప్రదాభ్యాం దృతమోక్షదాభ్యాం
నమో నమః శ్రీగురుపాదుకాభ్యాం ॥