|| കേതു കവചമ് ||
ധ്യാനം
കേതും കരാലവദനം
ചിത്രവര്ണം കിരീടിനമ് ।
പ്രണമാമി സദാ കേതും
ധ്വജാകാരം ഗ്രഹേശ്വരമ് ॥ 1 ॥
। അഥ കേതു കവചമ് ।
ചിത്രവര്ണഃ ശിരഃ പാതു
ഭാലം ധൂമ്രസമദ്യുതിഃ ।
പാതു നേത്രേ പിംഗലാക്ഷഃ
ശ്രുതീ മേ രക്തലോചനഃ ॥ 2 ॥
ഘ്രാണം പാതു സുവര്ണാഭശ്ചിബുകം
സിംഹികാസുതഃ ।
പാതു കംഠം ച മേ കേതുഃ സ്കംധൌ
പാതു ഗ്രഹാധിപഃ ॥ 3 ॥
ഹസ്തൌ പാതു സുരശ്രേഷ്ഠഃ
കുക്ഷിം പാതു മഹാഗ്രഹഃ ।
സിംഹാസനഃ കടിം പാതു
മധ്യം പാതു മഹാസുരഃ ॥ 4 ॥
ഊരൂ പാതു മഹാശീര്ഷോ
ജാനുനീ മേഽതികോപനഃ ।
പാതു പാദൌ ച മേ ക്രൂരഃ
സര്വാംഗം നരപിംഗലഃ ॥ 5 ॥
ഫലശ്രുതിഃ
യ ഇദം കവചം ദിവ്യം
സര്വരോഗവിനാശനമ് ।
സര്വശത്രുവിനാശം ച
ധാരണാദ്വിജയീ ഭവേത് ॥ 6 ॥
Found a Mistake or Error? Report it Now
