लवथवती विक्राळा – शंकराची आरती

॥ लवथवती विक्राळा – शंकराची आरती ॥

लवथवती विक्राळा ब्रह्मांडी माळा ।
वीषे कंठ काळा त्रिनेत्री ज्वाळा ॥
लावण्यसुंदर मस्तकी बाळा ।
तेथुनिया जल निर्मळ वाहे झुळझुळा ॥

जय देव जय देव जय श्रीशंकरा ।
आरती ओवाळू तुज कर्पूरगौरा ॥

कर्पूरगौरा भोळा नयनी विशाळा ।
अर्धांगी पार्वती सुमनांच्या माळा ॥
विभुतीचे उधळण शितिकंठ नीळा ।
ऐसा शंकर शोभे उमावेल्हाळा ॥

जय देव जय देव जय श्रीशंकरा…

देवी दैत्यी सागरमंथन पै केले ।
त्यामाजी जे अवचित हळाहळ उठिले ॥
ते त्वा असुरपणे प्राशन केले ।
नीळकंठ नाम प्रसिद्ध झाले ॥

जय देव जय देव जय श्रीशंकरा…

व्याघ्रांबर फणिवरधर सुंदर मदनारी ।
पंचानन मनमोहन मुनिजनसुखकारी ॥
शतकोटीचे बीज वाचे उच्चारी ।
रघुकुलतिलक रामदासा अंतरी ॥

जय देव जय देव जय श्रीशंकरा…

• assameseশিৱ জী আৰতী
• tamilஶிவ ஜீ ஆரதீ
• teluguశివ ఆరతీ
• sanskritशिव आरती
• malayalamശിവ ആരതീ
• bengaliশিৱ আরতি
• marathiॐ जय शिव ओंकारा आरती
• kannadaಶಿವ ಆರತೀ
• punjabiਸ਼੍ਰੀ ਸ਼ਿਵ ਆਰਤੀ
• gujaratiશિવ આરતી
• odiaଶିଵ ଆରତୀ
• hindiशिव जी आरती
• marathiकर्पूरगौरा गौरीशंकरा – शंकराची आरती
• marathiजेजुरी गड पर्वत – जेजुरीच्या खंडोबाची आरती
• marathiशिव – शंकराची आरती

Found a Mistake or Error? Report it Now