ಶ್ರೀ ಮಹೇಶ್ವರ ಪಂಚರತ್ನ ಸ್ತೋತ್ರಂ PDF ಕನ್ನಡ

ಶ್ರೀ ಮಹೇಶ್ವರ ಪಂಚರತ್ನ ಸ್ತೋತ್ರಂ ಕನ್ನಡ Lyrics

|| ಶ್ರೀ ಮಹೇಶ್ವರ ಪಂಚರತ್ನ ಸ್ತೋತ್ರಂ ||

ಪ್ರಾತಃ ಸ್ಮರಾಮಿ ಪರಮೇಶ್ವರವಕ್ತ್ರಪದ್ಮಂ
ಫಾಲಾಕ್ಷಿಕೀಲಪರಿಶೋಷಿತಪಂಚಬಾಣಮ್ |
ಭಸ್ಮತ್ರಿಪುಂಡ್ರರಚಿತಂ ಫಣಿಕುಂಡಲಾಢ್ಯಂ
ಕುಂದೇಂದುಚಂದನಸುಧಾರಸಮಂದಹಾಸಮ್ || ೧ ||

ಪ್ರಾತರ್ಭಜಾಮಿ ಪರಮೇಶ್ವರಬಾಹುದಂಡಾನ್
ಖಟ್ವಾಂಗಶೂಲಹರಿಣಾಹಿಪಿನಾಕಯುಕ್ತಾನ್ |
ಗೌರೀಕಪೋಲಕುಚರಂಜಿತಪತ್ರರೇಖಾನ್
ಸೌವರ್ಣಕಂಕಣಮಣಿದ್ಯುತಿಭಾಸಮಾನಾನ್ || ೨ ||

ಪ್ರಾತರ್ನಮಾಮಿ ಪರಮೇಶ್ವರಪಾದಪದ್ಮಂ
ಪದ್ಮೋದ್ಭವಾಮರಮುನೀಂದ್ರಮನೋನಿವಾಸಮ್ |
ಪದ್ಮಾಕ್ಷನೇತ್ರಸರಸೀರುಹ ಪೂಜನೀಯಂ
ಪದ್ಮಾಂಕುಶಧ್ವಜಸರೋರುಹಲಾಂಛನಾಢ್ಯಮ್ || ೩ ||

ಪ್ರಾತಃ ಸ್ಮರಾಮಿ ಪರಮೇಶ್ವರಪುಣ್ಯಮೂರ್ತಿಂ
ಕರ್ಪೂರಕುಂದಧವಳಂ ಗಜಚರ್ಮಚೇಲಮ್ |
ಗಂಗಾಧರಂ ಘನಕಪರ್ದಿವಿಭಾಸಮಾನಂ
ಕಾತ್ಯಾಯನೀತನುವಿಭೂಷಿತವಾಮಭಾಗಮ್ || ೪ ||

ಪ್ರಾತಃ ಸ್ಮರಾಮಿ ಪರಮೇಶ್ವರಪುಣ್ಯನಾಮ
ಶ್ರೇಯಃ ಪ್ರದಂ ಸಕಲದುಃಖವಿನಾಶಹೇತುಮ್ |
ಸಂಸಾರತಾಪಶಮನಂ ಕಲಿಕಲ್ಮಷಘ್ನಂ
ಗೋಕೋಟಿದಾನಫಲದಂ ಸ್ಮರಣೇನ ಪುಂಸಾಮ್ || ೫ ||

ಶ್ರೀಪಂಚರತ್ನಾನಿ ಮಹೇಶ್ವರಸ್ಯ
ಭಕ್ತ್ಯಾ ಪಠೇದ್ಯಃ ಪ್ರಯತಃ ಪ್ರಭಾತೇ |
ಆಯುಷ್ಯಮಾರೋಗ್ಯಮನೇಕಭೋಗಾನ್
ಪ್ರಾಪ್ನೋತಿ ಕೈವಲ್ಯಪದಂ ದುರಾಪಮ್ || ೬ ||

ಇತಿ ಶ್ರೀಮಚ್ಛಂಕರಾಚಾರ್ಯ ಕೃತಂ ಮಹೇಶ್ವರ ಪಂಚರತ್ನ ಸ್ತೋತ್ರಮ್