രാധാകൃഷ്ണ യുഗലാഷ്ടക സ്തോത്രം

|| രാധാകൃഷ്ണ യുഗലാഷ്ടക സ്തോത്രം ||

വൃന്ദാവനവിഹാരാഢ്യൗ സച്ചിദാനന്ദവിഗ്രഹൗ.

മണിമണ്ഡപമധ്യസ്ഥൗ രാധാകൃഷ്ണൗ നമാമ്യഹം.

പീതനീലപടൗ ശാന്തൗ ശ്യാമഗൗരകലേബരൗ.

സദാ രാസരതൗ സത്യൗ രാധാകൃഷ്ണൗ നമാമ്യഹം.

ഭാവാവിഷ്ടൗ സദാ രമ്യൗ രാസചാതുര്യപണ്ഡിതൗ.

മുരലീഗാനതത്ത്വജ്ഞൗ രാധാകൃഷ്ണൗ നമാമ്യഹം.

യമുനോപവനാവാസൗ കദംബവനമന്ദിരൗ.

കല്പദ്രുമവനാധീശൗ രാധാകൃഷ്ണൗ നമാമ്യഹം.

യമുനാസ്നാനസുഭഗൗ ഗോവർധനവിലാസിനൗ.

ദിവ്യമന്ദാരമാലാഢ്യൗ രാധാകൃഷ്ണൗ നമാമ്യഹം.

മഞ്ജീരരഞ്ജിതപദൗ നാസാഗ്രഗജമൗക്തികൗ.

മധുരസ്മേരസുമുഖൗ രാധാകൃഷ്ണൗ നമാമ്യഹം.

അനന്തകോടിബ്രഹ്മാണ്ഡേ സൃഷ്ടിസ്ഥിത്യന്തകാരിണൗ.

മോഹനൗ സർവലോകാനാം രാധാകൃഷ്ണൗ നമാമ്യഹം.

പരസ്പരസമാവിഷ്ടൗ പരസ്പരഗണപ്രിയൗ.

രസസാഗരസമ്പന്നൗ രാധാകൃഷ്ണൗ നമാമ്യഹം.

Found a Mistake or Error? Report it Now