ଶ୍ରୀରଘୁନାଥାଷ୍ଟକମ୍

|| ଶ୍ରୀରଘୁନାଥାଷ୍ଟକମ୍ ||

ଶ୍ରୀ ଗଣେଶାୟ ନମଃ ।

ଶୁନାସୀରାଧୀଶୈରବନିତଲଜ୍ଞପ୍ତୀଡିତଗୁଣଂ
ପ୍ରକୃତ୍ୟାଽଜଂ ଜାତଂ ତପନକୁଲଚଣ୍ଡାଂଶୁମପରମ୍ ।
ସିତେ ବୃଦ୍ଧିଂ ତାରାଧିପତିମିବ ଯନ୍ତଂ ନିଜଗୃହେ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୧॥

ନିହନ୍ତାରଂ ଶୈବଂ ଧନୁରିବ ଇବେକ୍ଷୁଂ ନୃପଗଣେ
ପଥି ଜ୍ୟାକୃଷ୍ଟେନ ପ୍ରବଲଭୃଗୁବର୍ୟସ୍ୟ ଶମନମ୍ ।
ବିହାରଂ ଗାର୍ହସ୍ଥ୍ୟଂ ତଦନୁ ଭଜମାନଂ ସୁବିମଲଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୨॥

ଗୁରୋରାଜ୍ଞାଂ ନୀତ୍ୱା ବନମନୁଗତଂ ଦାରସହିତଂ
ସସୌମିତ୍ରିଂ ତ୍ୟକ୍ତ୍ୱେପ୍ସିତମପି ସୁରାଣାଂ ନୃପସୁଖମ୍ ।
ବିରୁପାଦ୍ରାକ୍ଷସ୍ୟାଃ ପ୍ରିୟବିରହସନ୍ତାପମନସଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୩॥

ବିରାଧଂ ସ୍ୱର୍ନୀତ୍ୱା ତଦନୁ ଚ କବନ୍ଧଂ ସୁରରିପୁଂ
ଗତଂ ପମ୍ପାତୀରେ ପବନସୁତସମ୍ମେଲନସୁଖମ୍ ।
ଗତଂ କିଷ୍କିନ୍ଧାୟାଂ ବିଦିତଗୁଣସୁଗ୍ରୀବସଚିବଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୪॥

ପ୍ରିୟାପ୍ରେକ୍ଷୋତ୍କଣ୍ଠଂ ଜଲନିଧିଗତଂ ବାନରୟୁତଂ
ଜଲେ ସେତୁଂ ବଦ୍ଧ୍ୱାଽସୁରକୁଲ ନିହନ୍ତାରମନଘମ୍ ।
ବିଶୁଦ୍ଧାମର୍ଧାଙ୍ଗୀଂ ହୁତଭୁଜି ସମୀକ୍ଷନ୍ତମଚଲଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୫॥

ବିମାନଂ ଚାରୁହ୍ୟାଽନୁଜଜନକଜାସେବିତପଦ
ମୟୋଧ୍ୟାୟାଂ ଗତ୍ୱା ନୃପପଦମବାପ୍ତାରମଜରମ୍ ।
ସୁୟଜ୍ଞୈସ୍ତୃପ୍ତାରଂ ନିଜମୁଖସୁରାନ୍ ଶାନ୍ତମନସଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୬॥

ପ୍ରଜାଂ ସଂସ୍ଥାତାରଂ ବିହିତନିଜଧର୍ମେ ଶ୍ରୁତିପଥଂ
ସଦାଚାରଂ ବେଦୋଦିତମପି ଚ କର୍ତାରମଖିଲମ୍ ।
ନୃଷୁ ପ୍ରେମୋଦ୍ରେକଂ ନିଖିଲମନୁଜାନାଂ ହିତକରଂ
ସତୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୭॥

ତମଃ କୀର୍ତ୍ୟାଶେଷାଃ ଶ୍ରବଣଗଦନାଭ୍ୟାଂ ଦ୍ୱିଜମୁଖାସ୍ତରିଷ୍ୟନ୍ତି
ଜ୍ଞାତ୍ୱା ଜଗତି ଖଲୁ ଗନ୍ତାରମଜନମ୍ ॥

ଅତସ୍ତାଂ ସଂସ୍ଥାପ୍ୟ ସ୍ୱପୁରମନୁନେତାରମଖିଲଂ
ସସୀତଂ ସାନନ୍ଦଂ ପ୍ରଣତ ରଘୁନାଥଂ ସୁରନୁତମ୍ ॥ ୮॥

ରଘୁନାଥାଷ୍ଟକଂ ହୃଦ୍ୟଂ ରଘୁନାଥେନ ନିର୍ମିତମ୍ ।
ପଠତାଂ ପାପରାଶିଘ୍ନଂ ଭୁକ୍ତିମୁକ୍ତିପ୍ରଦାୟକମ୍ ॥ ୯॥

॥ ଇତି ପଣ୍ଡିତ ଶ୍ରୀଶିବଦତ୍ତମିଶ୍ରଶାସ୍ତ୍ରି ବିରଚିତଂ ଶ୍ରୀରଘୁନାଥାଷ୍ଟକଂ ସମ୍ପୂର୍ଣମ୍ ॥

Read in More Languages:

• sanskritश्री रघुनाथाष्टकम्
• gujaratiશ્રી રઘુનાથાષ્ટકમ્
• teluguశ్రీరఘునాథాష్టకం
• hindiश्री रामाष्टकम्
• hindiश्री रामचन्द्राष्टकम्
• hindiश्री राम प्रेमाष्टकम्
• englishShri Ram Ashtakam
• englishShri Ramachandra Ashtakam
• englishShri Ramaprema Ashtakam

Found a Mistake or Error? Report it Now