श्री शांतादुर्गेची आरती PDF मराठी

श्री शांतादुर्गेची आरती मराठी Lyrics

|| श्री शांतादुर्गेची आरती (Shanta Durga Aarti Marathi PDF) ||

भूकैलासा ऐसी ही कवला नगरी|
शांतादुर्गा तेथे भक्तभवहारी|
असुराते मर्दुनिया सुरवरकैवारी|
स्मरती विधीहरीशंकर सुरगण अंतरी||१||

जय देवी जय देवी जय शांते जननी|
दुर्गे बहुदु:खदमने रतलो तव भजनी||धृ||

प्रबोध तुझा नव्हे विश्वाभीतरी|
नेति नेति शब्दे गर्जती पै चारी|
साही शास्त्रे मथिता न कळीसी निर्धारी|
अष्टादश गर्जती परी नेणती तव थोरी|

जय देवी जय देवी जय शांते जननी|
दुर्गे बहुदु:खदमने रतलो तव भजनी||धृ||

कोटी मदन रूपा ऐसी मुखशोभा|
सर्वांगी भूषणे जांबूनदगाभा|
नासाग्री मुक्ताफळ दिनमणीची प्रभा|
भक्तजनाते अभय देसी तू अंबा|

जय देवी जय देवी जय शांते जननी|
दुर्गे बहुदु:खदमने रतलो तव भजनी||धृ||

अंबे भक्तांसाठी होसी साकार|
नातरी जगजीवन तू नव्हसी गोचर|
विराटरूपा धरूनी करीसी व्यापार|
त्रिगुणी विरहीत सहीत तुज कैचा पार|

जय देवी जय देवी जय शांते जननी|
दुर्गे बहुदु:खदमने रतलो तव भजनी||धृ||

त्रितापतापे श्रमलो निजवी निजसदनी|
अंबे सकळारंभे राका शशीवदनी|
अगमे निगमे दुर्गे भक्तांचे जननी|
पद्माजी बाबाजी रमला तव भजनी|

जय देवी जय देवी जय शांते जननी|
दुर्गे बहुदु:खदमने रतलो तव भजनी||धृ||