শ্ৰী শিৱসহস্ৰনাম স্তোত্ৰম্

|| শ্ৰী শিৱসহস্ৰনাম স্তোত্ৰম্ ||

মহাভাৰতান্তৰ্গতম্

ততঃ স প্ৰয়তো ভূত্ৱা মম তাত যুধিষ্ঠিৰ ।
প্ৰাঞ্জলিঃ প্ৰাহ ৱিপ্ৰৰ্ষিৰ্নামসঙ্গ্ৰহমাদিতঃ ॥ ১॥

উপমন্যুৰুৱাচ

ব্ৰহ্মপ্ৰোক্তৈৰৃষিপ্ৰোক্তৈৰ্ৱেদৱেদাঙ্গসম্ভৱৈঃ ।
সৰ্ৱলোকেষু ৱিখ্যাতং স্তুত্যং স্তোষ্যামি নামভিঃ ॥ ২॥

মহদ্ভিৰ্ৱিহিতৈঃ সত্যৈঃ সিদ্ধৈঃ সৰ্ৱাৰ্থসাধকৈঃ ।
ঋষিণা তণ্ডিনা ভক্ত্যা কৃতৈৰ্ৱেদকৃতাত্মনা ॥ ৩॥

যথোক্তৈঃ সাধুভিঃ খ্যাতৈৰ্মুনিভিস্তত্ত্ৱদৰ্শিভিঃ ।
প্ৰৱৰং প্ৰথমং স্ৱৰ্গ্যং সৰ্ৱভূতহিতং শুভম্ ॥ ৪॥

শ্ৰুতেঃ সৰ্ৱত্ৰ জগতি ব্ৰহ্মলোকাৱতাৰিতৈঃ ।
সত্যৈস্তৎপৰমং ব্ৰহ্ম ব্ৰহ্মপ্ৰোক্তং সনাতনম্ ।
ৱক্ষ্যে যদুকুলশ্ৰেষ্ঠ শৃণুষ্ৱাৱহিতো মম ॥ ৫॥

ৱৰয়ৈনং ভৱং দেৱং ভক্তস্ত্ৱং পৰমেশ্ৱৰম্ ।
তেন তে শ্ৰাৱয়িষ্যামি যত্তদ্ব্ৰহ্ম সনাতনম্ ॥ ৬॥

ন শক্যং ৱিস্তৰাৎকৃৎস্নং ৱক্তুং সৰ্ৱস্য কেনচিৎ ।
যুক্তেনাপি ৱিভূতীনামপি ৱৰ্ষশতৈৰপি ॥ ৭॥

যস্যাদিৰ্মধ্যমন্তং চ সুৰৈৰপি ন গম্যতে ।
কস্তস্য শক্নুয়াদ্ৱক্তুং গুণান্কাৰ্ত্স্ন্যেন মাধৱ ॥ ৮॥

কিন্তু দেৱস্য মহতঃ সঙ্ক্ষিপ্তাৰ্থপদাক্ষৰম্ ।
শক্তিতশ্চৰিতং ৱক্ষ্যে প্ৰসাদাত্তস্য ধীমতঃ ॥ ৯॥

অপ্ৰাপ্য তু ততোঽনুজ্ঞাং ন শক্যঃ স্তোতুমীশ্ৱৰঃ ।
যদা তেনাভ্যনুজ্ঞাতঃ স্তুতো ৱৈ স তদা ময়া ॥ ১০॥

অনাদিনিধনস্যাহং জগদ্যোনেৰ্মহাত্মনঃ ।
নাম্নাং কঞ্চিৎসমুদ্দেশং ৱক্ষ্যাম্যৱ্যক্তয়োনিনঃ ॥ ১১॥

ৱৰদস্য ৱৰেণ্যস্য ৱিশ্ৱৰূপস্য ধীমতঃ ।
শৃণু নাম্নাং চয়ং কৃষ্ণ যদুক্তং পদ্ময়োনিনা ॥ ১২॥

দশ নামসহস্ৰাণি যান্যাহ প্ৰপিতামহঃ ।
তানি নিৰ্মথ্য মনসা দধ্নো ঘৃতমিৱোদ্ধৃতম্ ॥ ১৩॥

গিৰেঃ সাৰং যথা হেম পুষ্পসাৰং যথা মধু ।
ঘৃতাৎসাৰং যথা মণ্ডস্তথৈতৎসাৰমুদ্ধৃতম্। ১৪॥

সৰ্ৱপাপাপহমিদং চতুৰ্ৱেদসমন্ৱিতম্ ।
প্ৰয়ত্নেনাধিগন্তৱ্যং ধাৰ্যং চ প্ৰয়তাত্মনা ॥ ১৫॥

মাঙ্গল্যং পৌষ্টিকং চৈৱ ৰক্ষোঘ্নং পাৱনং মহৎ ॥ ১৬॥

ইদং ভক্তায় দাতৱ্যং শ্ৰদ্দধানাস্তিকায় চ ।
নাশ্ৰদ্দধানৰূপায় নাস্তিকায়াজিতাত্মনে ॥ ১৭॥

যশ্চাভ্যসূয়তে দেৱং কাৰণাত্মানমীশ্ৱৰম্ ।
স কৃষ্ণ নৰকং যাতি সহপূৰ্ৱৈঃ সহাত্মজৈঃ ॥ ১৮॥

ইদং ধ্যানমিদং যোগমিদং ধ্যেয়মনুত্তমম্ ।
ইদং জপ্যমিদং জ্ঞানং ৰহস্যমিদমুত্তম্ ॥ ১৯॥

যং জ্ঞাত্ৱা অন্তকালেঽপি গচ্ছেত পৰমাং গতিম্ ।
পৱিত্ৰং মঙ্গলং মেধ্যং কল্যাণমিদমুত্তমম্ ॥ ২০॥

ইদং ব্ৰহ্মা পুৰা কৃত্ৱা সৰ্ৱলোকপিতামহঃ ।
সৰ্ৱস্তৱানাং ৰাজত্ৱে দিৱ্যানাং সমকল্পয়ৎ ॥ ২১॥

তদা প্ৰভৃতি চৈৱায়মীশ্ৱৰস্য মহাত্মনঃ ।
স্তৱৰাজ ইতি খ্যাতো জগত্যমৰপূজিতঃ ॥ ২২॥

ব্ৰহ্মলোকাদয়ং স্ৱৰ্গে স্তৱৰাজোঽৱতাৰিতঃ ।
যতস্তণ্ডিঃ পুৰা প্ৰাপ তেন তণ্ডিকৃতোঽভৱৎ ॥ ২৩॥

স্ৱৰ্গাচ্চৈৱাত্ৰ ভূৰ্লোকং তণ্ডিনা হ্যৱতাৰিতঃ ।
সৰ্ৱমঙ্গলমাঙ্গল্যং সৰ্ৱপাপপ্ৰণাশনম্ ॥ ২৪॥

নিগদিষ্যে মহাবাহো স্তৱানামুত্তমং স্তৱম্ ।
ব্ৰহ্মণামপি যদ্ব্ৰহ্ম পৰাণামপি যৎপৰম্ ॥ ২৫॥

তেজসামপি যত্তেজস্তপসামপি যত্তপঃ ।
শান্তীনামপি যা শান্তিৰ্দ্যুতীনামপি যা দ্যুতিঃ ॥ ২৬॥

দান্তানামপি যো দান্তো ধীমতামপি যা চ ধীঃ ।
দেৱানামপি যো দেৱো ঋষীণামপি যস্ত্ৱৃষিঃ ॥ ২৭॥

যজ্ঞানামপি যো যজ্ঞঃ শিৱানামপি যঃ শিৱঃ ।
ৰুদ্ৰাণামপি যো ৰুদ্ৰঃ প্ৰভা প্ৰভৱতামপি ॥ ২৮॥

যোগিনামপি যো যোগী কাৰণানাং চ কাৰণম্ ।
যতো লোকাঃ সম্ভৱন্তি ন ভৱন্তি যতঃ পুনঃ ॥ ২৯॥

সৰ্ৱভূতাত্মভূতস্য হৰস্যামিততেজসঃ ।
অষ্টোত্তৰসহস্ৰং তু নাম্নাং শৰ্ৱস্য মে শৃণু ।
যচ্ছ্ৰুত্ৱা মনুজৱ্যাঘ্ৰ সৰ্ৱান্কামানৱাপ্স্যসি ॥ ৩০॥

(অথ সহস্ৰনামস্তোত্ৰম্ ।)

ওঁ স্থিৰঃ স্থাণুঃ প্ৰভুৰ্ভীমঃ প্ৰৱৰো ৱৰদো ৱৰঃ ।
সৰ্ৱাত্মা সৰ্ৱৱিখ্যাতঃ সৰ্ৱঃ সৰ্ৱকৰো ভৱঃ ॥ ৩১॥

জটী চৰ্মী শিখী খড্গী সৰ্ৱাঙ্গঃ সৰ্ৱভাৱনঃ ।
হৰশ্চ হৰিণাক্ষশ্চ সৰ্ৱভূতহৰঃ প্ৰভুঃ ॥ ৩২॥

প্ৰৱৃত্তিশ্চ নিৱৃত্তিশ্চ নিয়তঃ শাশ্ৱতো ধ্ৰুৱঃ ।
শ্মশানৱাসী ভগৱান্খচৰো গোচৰোঽৰ্দনঃ ॥ ৩৩॥

অভিৱাদ্যো মহাকৰ্মা তপস্ৱী ভূতভাৱনঃ ।
উন্মত্তৱেষপ্ৰচ্ছন্নঃ সৰ্ৱলোকপ্ৰজাপতিঃ ॥ ৩৪॥

মহাৰূপো মহাকায়ো ৱৃষৰূপো মহায়শাঃ ।
মহাত্মা সৰ্ৱভূতাত্মা ৱিশ্ৱৰূপো মহাহনুঃ ॥ ৩৫॥

লোকপালোঽন্তৰ্হিতাত্মা প্ৰসাদো হয়গৰ্দভিঃ ।
পৱিত্ৰং চ মহাংশ্চৈৱ নিয়মো নিয়মাশ্ৰিতঃ ॥ ৩৬॥

সৰ্ৱকৰ্মা স্ৱয়ম্ভূত আদিৰাদিকৰো নিধিঃ ।
সহস্ৰাক্ষো ৱিশালাক্ষঃ সোমো নক্ষত্ৰসাধকঃ ॥ ৩৭॥

চন্দ্ৰঃ সূৰ্যঃ শনিঃ কেতুৰ্গ্ৰহো গ্ৰহপতিৰ্ৱৰঃ ।
অত্ৰিৰত্ৰ্যানমস্কৰ্তা মৃগবাণাৰ্পণোঽনঘঃ ॥ ৩৮॥

মহাতপা ঘোৰতপা অদীনো দীনসাধকঃ ।
সংৱৎসৰকৰো মন্ত্ৰঃ প্ৰমাণং পৰমং তপঃ ॥ ৩৯॥

যোগী যোজ্যো মহাবীজো মহাৰেতা মহাবলঃ ।
সুৱৰ্ণৰেতাঃ সৰ্ৱজ্ঞঃ সুবীজো বীজৱাহনঃ ॥ ৪০॥

দশবাহুস্ত্ৱনিমিষো নীলকণ্ঠ উমাপতিঃ ।
ৱিশ্ৱৰূপঃ স্ৱয়ংশ্ৰেষ্ঠো বলৱীৰো বলো গণঃ ॥ ৪১॥

গণকৰ্তা গণপতিৰ্দিগ্ৱাসাঃ কাম এৱ চ ।
মন্ত্ৰৱিৎপৰমো মন্ত্ৰঃ সৰ্ৱভাৱকৰো হৰঃ ॥ ৪২॥

কমণ্ডলুধৰো ধন্ৱী বাণহস্তঃ কপালৱান্ ।
অশনী শতঘ্নী খড্গী পট্টিশী চায়ুধী মহান্ ॥ ৪৩॥

স্ৰুৱহস্তঃ সুৰূপশ্চ তেজস্তেজস্কৰো নিধিঃ ।
উষ্ণীষী চ সুৱক্ত্ৰশ্চ উদগ্ৰো ৱিনতস্তথা ॥ ৪৪॥

দীৰ্ঘশ্চ হৰিকেশশ্চ সুতীৰ্থঃ কৃষ্ণ এৱ চ ।
শৃগালৰূপঃ সিদ্ধাৰ্থো মুণ্ডঃ সৰ্ৱশুভঙ্কৰঃ ॥ ৪৫॥

অজশ্চ বহুৰূপশ্চ গন্ধধাৰী কপৰ্দ্যপি ।
ঊৰ্ধ্ৱৰেতা ঊৰ্ধ্ৱলিঙ্গ ঊৰ্ধ্ৱশায়ী নভঃস্থলঃ ॥ ৪৬॥

ত্ৰিজটী চীৰৱাসাশ্চ ৰুদ্ৰঃ সেনাপতিৰ্ৱিভুঃ ।
অহশ্চৰো নক্তঞ্চৰস্তিগ্মমন্যুঃ সুৱৰ্চসঃ ॥ ৪৭॥

গজহা দৈত্যহা কালো লোকধাতা গুণাকৰঃ ।
সিংহশাৰ্দূলৰূপশ্চ আৰ্দ্ৰচৰ্মাম্বৰাৱৃতঃ ॥ ৪৮॥

কালয়োগী মহানাদঃ সৰ্ৱকামশ্চতুষ্পথঃ ।
নিশাচৰঃ প্ৰেতচাৰী ভূতচাৰী মহেশ্ৱৰঃ ॥ ৪৯॥

বহুভূতো বহুধৰঃ স্ৱৰ্ভানুৰমিতো গতিঃ ।
নৃত্যপ্ৰিয়ো নিত্যনৰ্তো নৰ্তকঃ সৰ্ৱলালসঃ ॥ ৫০॥

ঘোৰো মহাতপাঃ পাশো নিত্যো গিৰিৰুহো নভঃ ।
সহস্ৰহস্তো ৱিজয়ো ৱ্যৱসায়ো হ্যতন্দ্ৰিতঃ ॥ ৫১॥

অধৰ্ষণো ধৰ্ষণাত্মা যজ্ঞহা কামনাশকঃ ।
দক্ষয়াগাপহাৰী চ সুসহো মধ্যমস্তথা ॥ ৫২॥

তেজোপহাৰী বলহা মুদিতোঽৰ্থোঽজিতোঽৱৰঃ ।
গম্ভীৰঘোষা গম্ভীৰো গম্ভীৰবলৱাহনঃ ॥ ৫৩॥

ন্যগ্ৰোধৰূপো ন্যগ্ৰোধো ৱৃক্ষপৰ্ণস্থিতিৰ্ৱিভুঃ ।
সুতীক্ষ্ণদশনশ্চৈৱ মহাকায়ো মহাননঃ ॥ ৫৪॥

ৱিষ্ৱক্সেনো হৰিৰ্যজ্ঞঃ সংয়ুগাপীডৱাহনঃ ।
তীক্ষ্ণতাপশ্চ হৰ্যশ্ৱঃ সহায়ঃ কৰ্মকালৱিৎ ॥ ৫৫॥

ৱিষ্ণুপ্ৰসাদিতো যজ্ঞঃ সমুদ্ৰো ৱডৱামুখঃ ।
হুতাশনসহায়শ্চ প্ৰশান্তাত্মা হুতাশনঃ ॥ ৫৬॥

উগ্ৰতেজা মহাতেজা জন্যো ৱিজয়কালৱিৎ ।
জ্যোতিষাময়নং সিদ্ধিঃ সৰ্ৱৱিগ্ৰহ এৱ চ ॥ ৫৭॥

শিখী মুণ্ডী জটী জ্ৱালী মূৰ্তিজো মূৰ্ধগো বলী ।
ৱেণৱী পণৱী তালী খলী কালকটঙ্কটঃ ॥ ৫৮॥

নক্ষত্ৰৱিগ্ৰহমতিৰ্গুণবুদ্ধিৰ্লয়ো গমঃ ।
প্ৰজাপতিৰ্ৱিশ্ৱবাহুৰ্ৱিভাগঃ সৰ্ৱগোমুখঃ ॥ ৫৯॥

ৱিমোচনঃ সুসৰণো হিৰণ্যকৱচোদ্ভৱঃ ।
মেঢ্ৰজো বলচাৰী চ মহীচাৰী স্ৰুতস্তথা ॥ ৬০॥

সৰ্ৱতূৰ্যনিনাদী চ সৰ্ৱাতোদ্যপৰিগ্ৰহঃ ।
ৱ্যালৰূপো গুহাৱাসী গুহো মালী তৰঙ্গৱিৎ ॥ ৬১॥

ত্ৰিদশস্ত্ৰিকালধৃক্কৰ্মসৰ্ৱবন্ধৱিমোচনঃ ।
বন্ধনস্ত্ৱসুৰেন্দ্ৰাণাং যুধি শত্ৰুৱিনাশনঃ ॥ ৬২॥

সাঙ্খ্যপ্ৰসাদো দুৰ্ৱাসাঃ সৰ্ৱসাধুনিষেৱিতঃ ।
প্ৰস্কন্দনো ৱিভাগজ্ঞো অতুল্যো যজ্ঞভাগৱিৎ ॥ ৬৩॥

সৰ্ৱৱাসঃ সৰ্ৱচাৰী দুৰ্ৱাসা ৱাসৱোঽমৰঃ ।
হৈমো হেমকৰো যজ্ঞঃ সৰ্ৱধাৰী ধৰোত্তমঃ ॥ ৬৪॥

লোহিতাক্ষো মহাক্ষশ্চ ৱিজয়াক্ষো ৱিশাৰদঃ ।
সঙ্গ্ৰহো নিগ্ৰহঃ কৰ্তা সৰ্পচীৰনিৱাসনঃ ॥ ৬৫॥

মুখ্যোঽমুখ্যশ্চ দেহশ্চ কাহলিঃ সৰ্ৱকামদঃ ।
সৰ্ৱকাসপ্ৰসাদশ্চ সুবলো বলৰূপধৃৎ ॥ ৬৬॥

সৰ্ৱকামৱৰশ্চৈৱ সৰ্ৱদঃ সৰ্ৱতোমুখঃ ।
আকাশনিৰ্ৱিৰূপশ্চ নিপাতী হ্যৱশঃ খগঃ ॥ ৬৭॥

ৰৌদ্ৰৰূপোংঽশুৰাদিত্যো বহুৰশ্মিঃ সুৱৰ্চসী ।
ৱসুৱেগো মহাৱেগো মনোৱেগো নিশাচৰঃ ॥ ৬৮॥

সৰ্ৱৱাসী শ্ৰিয়াৱাসী উপদেশকৰোঽকৰঃ ।
মুনিৰাত্মনিৰালোকঃ সম্ভগ্নশ্চ সহস্ৰদঃ ॥ ৬৯॥

পক্ষী চ পক্ষৰূপশ্চ অতিদীপ্তো ৱিশাম্পতিঃ ।
উন্মাদো মদনঃ কামো হ্যশ্ৱত্থোঽৰ্থকৰো যশঃ ॥ ৭০॥

ৱামদেৱশ্চ ৱামশ্চ প্ৰাগ্দক্ষিণশ্চ ৱামনঃ ।
সিদ্ধয়োগী মহৰ্ষিশ্চ সিদ্ধাৰ্থঃ সিদ্ধসাধকঃ ॥ ৭১॥

ভিক্ষুশ্চ ভিক্ষুৰূপশ্চ ৱিপণো মৃদুৰৱ্যযঃ ।
মহাসেনো ৱিশাখশ্চ ষষ্টিভাগো গৱাম্পতিঃ ॥ ৭২॥

ৱজ্ৰহস্তশ্চ ৱিষ্কম্ভী চমূস্তম্ভন এৱ চ ।
ৱৃত্তাৱৃত্তকৰস্তালো মধুৰ্মধুকলোচনঃ ॥ ৭৩॥

ৱাচস্পত্যো ৱাজসনো নিত্যমাশ্ৰমপূজিতঃ ।
ব্ৰহ্মচাৰী লোকচাৰী সৰ্ৱচাৰী ৱিচাৰৱিৎ ॥ ৭৪॥

ঈশান ঈশ্ৱৰঃ কালো নিশাচাৰী পিনাকৱান্ ।
নিমিত্তস্থো নিমিত্তং চ নন্দিৰ্নন্দিকৰো হৰিঃ ॥ ৭৫॥

নন্দীশ্ৱৰশ্চ নন্দী চ নন্দনো নন্দিৱৰ্ধনঃ ।
ভগহাৰী নিহন্তা চ কালো ব্ৰহ্মা পিতামহঃ ॥ ৭৬॥

চতুৰ্মুখো মহালিঙ্গশ্চাৰুলিঙ্গস্তথৈৱ চ ।
লিঙ্গাধ্যক্ষঃ সুৰাধ্যক্ষো যোগাধ্যক্ষো যুগাৱহঃ ॥ ৭৭॥

বীজাধ্যক্ষো বীজকৰ্তা অৱ্যাত্মাঽনুগতো বলঃ ।
ইতিহাসঃ সকল্পশ্চ গৌতমোঽথ নিশাকৰঃ ॥ ৭৮॥

দম্ভো হ্যদম্ভো ৱৈদম্ভো ৱশ্যো ৱশকৰঃ কলিঃ ।
লোককৰ্তা পশুপতিৰ্মহাকৰ্তা হ্যনৌষধঃ ॥ ৭৯॥

অক্ষৰং পৰমং ব্ৰহ্ম বলৱচ্ছক্ৰ এৱ চ ।
নীতিৰ্হ্যনীতিঃ শুদ্ধাত্মা শুদ্ধো মান্যো গতাগতঃ ॥ ৮০॥

বহুপ্ৰসাদঃ সুস্ৱপ্নো দৰ্পণোঽথ ত্ৱমিত্ৰজিৎ ।
ৱেদকাৰো মন্ত্ৰকাৰো ৱিদ্ৱান্সমৰমৰ্দনঃ ॥ ৮১॥

মহামেঘনিৱাসী চ মহাঘোৰো ৱশীকৰঃ ।
অগ্নিৰ্জ্ৱালো মহাজ্ৱালো অতিধূম্ৰো হুতো হৱিঃ ॥ ৮২॥

ৱৃষণঃ শঙ্কৰো নিত্যং ৱৰ্চস্ৱী ধূমকেতনঃ ।
নীলস্তথাঙ্গলুব্ধশ্চ শোভনো নিৰৱগ্ৰহঃ ॥ ৮৩॥

স্ৱস্তিদঃ স্ৱস্তিভাৱশ্চ ভাগী ভাগকৰো লঘুঃ ।
উৎসঙ্গশ্চ মহাঙ্গশ্চ মহাগৰ্ভপৰায়ণঃ ॥ ৮৪॥

কৃষ্ণৱৰ্ণঃ সুৱৰ্ণশ্চ ইন্দ্ৰিয়ং সৰ্ৱদেহিনাম্ ।
মহাপাদো মহাহস্তো মহাকায়ো মহায়শাঃ ॥ ৮৫॥

মহামূৰ্ধা মহামাত্ৰো মহানেত্ৰো নিশালয়ঃ ।
মহান্তকো মহাকৰ্ণো মহোষ্ঠশ্চ মহাহনুঃ ॥ ৮৬॥

মহানাসো মহাকম্বুৰ্মহাগ্ৰীৱঃ শ্মশানভাক্ ।
মহাৱক্ষা মহোৰস্কো হ্যন্তৰাত্মা মৃগালয়ঃ ॥ ৮৭॥

লম্বনো লম্বিতোষ্ঠশ্চ মহামায়ঃ পয়োনিধিঃ ।
মহাদন্তো মহাদংষ্ট্ৰো মহাজিহ্ৱো মহামুখঃ ॥ ৮৮॥

মহানখো মহাৰোমা মহাকেশো মহাজটঃ ।
প্ৰসন্নশ্চ প্ৰসাদশ্চ প্ৰত্যযো গিৰিসাধনঃ ॥ ৮৯॥

স্নেহনোঽস্নেহনশ্চৈৱ অজিতশ্চ মহামুনিঃ ।
ৱৃক্ষাকাৰো ৱৃক্ষকেতুৰনলো ৱায়ুৱাহনঃ ॥ ৯০॥

গণ্ডলী মেৰুধামা চ দেৱাধিপতিৰেৱ চ ।
অথৰ্ৱশীৰ্ষঃ সামাস্য ঋক্সহস্ৰামিতেক্ষণঃ ॥ ৯১॥

যজুঃপাদভুজো গুহ্যঃ প্ৰকাশো জঙ্গমস্তথা ।
অমোঘাৰ্থঃ প্ৰসাদশ্চ অভিগম্যঃ সুদৰ্শনঃ ॥ ৯২॥

উপকাৰঃ প্ৰিয়ঃ সৰ্ৱঃ কনকঃ কাঞ্চনচ্ছৱিঃ ।
নাভিৰ্নন্দিকৰো ভাৱঃ পুষ্কৰস্থপতিঃ স্থিৰঃ ॥ ৯৩॥

দ্ৱাদশস্ত্ৰাসনশ্চাদ্যো যজ্ঞো যজ্ঞসমাহিতঃ ।
নক্তং কলিশ্চ কালশ্চ মকৰঃ কালপূজিতঃ ॥ ৯৪॥

সগণো গণকাৰশ্চ ভূতৱাহনসাৰথিঃ ।
ভস্মশয়ো ভস্মগোপ্তা ভস্মভূতস্তৰুৰ্গণঃ ॥ ৯৫॥

লোকপালস্তথা লোকো মহাত্মা সৰ্ৱপূজিতঃ ।
শুক্লস্ত্ৰিশুক্লঃ সম্পন্নঃ শুচিৰ্ভূতনিষেৱিতঃ ॥ ৯৬॥

আশ্ৰমস্থঃ ক্ৰিয়াৱস্থো ৱিশ্ৱকৰ্মমতিৰ্ৱৰঃ ।
ৱিশালশাখস্তাম্ৰোষ্ঠো হ্যম্বুজালঃ সুনিশ্চলঃ ॥ ৯৭॥

কপিলঃ কপিশঃ শুক্ল আয়ুশ্চৈৱি পৰোঽপৰঃ ।
গন্ধৰ্ৱো হ্যদিতিস্তাৰ্ক্ষ্যঃ সুৱিজ্ঞেয়ঃ সুশাৰদঃ ॥ ৯৮॥

পৰশ্ৱধায়ুধো দেৱ অনুকাৰী সুবান্ধৱঃ ।
তুম্বৱীণো মহাক্ৰোধ ঊৰ্ধ্ৱৰেতা জলেশয়ঃ ॥ ৯৯॥

উগ্ৰো ৱংশকৰো ৱংশো ৱংশনাদো হ্যনিন্দিতঃ ।
সৰ্ৱাঙ্গৰূপো মায়াৱী সুহৃদো হ্যনিলোঽনলঃ ॥ ১০০॥

বন্ধনো বন্ধকৰ্তা চ সুবন্ধনৱিমোচনঃ ।
স যজ্ঞাৰিঃ স কামাৰিৰ্মহাদংষ্ট্ৰো মহায়ুধঃ ॥ ১০১॥

বহুধানিন্দিতঃ শৰ্ৱঃ শঙ্কৰঃ শঙ্কৰোঽধনঃ ।
অমৰেশো মহাদেৱো ৱিশ্ৱদেৱঃ সুৰাৰিহা ॥ ১০২॥

অহিৰ্বুধ্ন্যোঽনিলাভশ্চ চেকিতানো হৱিস্তথা ।
অজৈকপাচ্চ কাপালী ত্ৰিশঙ্কুৰজিতঃ শিৱঃ ॥ ১০৩॥

ধন্ৱন্তৰিৰ্ধূমকেতুঃ স্কন্দো ৱৈশ্ৰৱণস্তথা ।
ধাতা শক্ৰশ্চ ৱিষ্ণুশ্চ মিত্ৰস্ত্ৱষ্টা ধ্ৰুৱো ধৰঃ ॥ ১০৪॥

প্ৰভাৱঃ সৰ্ৱগো ৱায়ুৰৰ্যমা সৱিতা ৰৱিঃ ।
উষঙ্গুশ্চ ৱিধাতা চ মান্ধাতা ভূতভাৱনঃ ॥ ১০৫॥

ৱিভুৰ্ৱৰ্ণৱিভাৱী চ সৰ্ৱকামগুণাৱহঃ ।
পদ্মনাভো মহাগৰ্ভশ্চন্দ্ৰৱক্ত্ৰোঽনিলোঽনলঃ ॥ ১০৬॥

বলৱাংশ্চোপশান্তশ্চ পুৰাণঃ পুণ্যচঞ্চুৰী ।
কুৰুকৰ্তা কুৰুৱাসী কুৰুভূতো গুণৌষধঃ ॥ ১০৭॥

সৰ্ৱাশয়ো দৰ্ভচাৰী সৰ্ৱেষাং প্ৰাণিনাং পতিঃ ।
দেৱদেৱঃ সুখাসক্তঃ সদসৎসৰ্ৱৰত্নৱিৎ ॥ ১০৮॥

কৈলাসগিৰিৱাসী চ হিমৱদ্গিৰিসংশ্ৰয়ঃ ।
কূলহাৰী কূলকৰ্তা বহুৱিদ্যো বহুপ্ৰদঃ ॥ ১০৯॥

ৱণিজো ৱৰ্ধকী ৱৃক্ষো বকুলশ্চন্দনশ্ছদঃ ।
সাৰগ্ৰীৱো মহাজত্ৰুৰলোলশ্চ মহৌষধঃ ॥ ১১০॥

সিদ্ধাৰ্থকাৰী সিদ্ধাৰ্থশ্ছন্দোৱ্যাকৰণোত্তৰঃ ।
সিংহনাদঃ সিংহদংষ্ট্ৰঃ সিংহগঃ সিংহৱাহনঃ ॥ ১১১॥

প্ৰভাৱাত্মা জগৎকালস্থালো লোকহিতস্তৰুঃ ।
সাৰঙ্গো নৱচক্ৰাঙ্গঃ কেতুমালী সভাৱনঃ ॥ ১১২॥

ভূতালয়ো ভূতপতিৰহোৰাত্ৰমনিন্দিতঃ ॥ ১১৩॥

ৱাহিতা সৰ্ৱভূতানাং নিলয়শ্চ ৱিভুৰ্ভৱঃ ।
অমোঘঃ সংয়তো হ্যশ্ৱো ভোজনঃ প্ৰাণধাৰণঃ ॥ ১১৪॥

ধৃতিমান্মতিমান্দক্ষঃ সৎকৃতশ্চ যুগাধিপঃ ।
গোপালিৰ্গোপতিৰ্গ্ৰামো গোচৰ্মৱসনো হৰিঃ। ১১৫॥

হিৰণ্যবাহুশ্চ তথা গুহাপালঃ প্ৰৱেশিনাম্ ।
প্ৰকৃষ্টাৰিৰ্মহাহৰ্ষো জিতকামো জিতেন্দ্ৰিয়ঃ ॥ ১১৬॥

গান্ধাৰশ্চ সুৱাসশ্চ তপঃসক্তো ৰতিৰ্নৰঃ ।
মহাগীতো মহানৃত্যো হ্যপ্সৰোগণসেৱিতঃ ॥ ১১৭॥

মহাকেতুৰ্মহাধাতুৰ্নৈকসানুচৰশ্চলঃ ।
আৱেদনীয় আদেশঃ সৰ্ৱগন্ধসুখাৱহঃ ॥ ১১৮॥

তোৰণস্তাৰণো ৱাতঃ পৰিধী পতিখেচৰঃ ।
সংয়োগো ৱৰ্ধনো ৱৃদ্ধো অতিৱৃদ্ধো গুণাধিকঃ ॥ ১১৯॥

নিত্য আত্মসহায়শ্চ দেৱাসুৰপতিঃ পতিঃ ।
যুক্তশ্চ যুক্তবাহুশ্চ দেৱো দিৱি সুপৰ্ৱণঃ ॥ ১২০॥

আষাঢশ্চ সুষাণ্ঢশ্চ ধ্ৰুৱোঽথ হৰিণো হৰঃ ।
ৱপুৰাৱৰ্তমানেভ্যো ৱসুশ্ৰেষ্ঠো মহাপথঃ ॥ ১২১॥

শিৰোহাৰী ৱিমৰ্শশ্চ সৰ্ৱলক্ষণলক্ষিতঃ ।
অক্ষশ্চ ৰথয়োগী চ সৰ্ৱয়োগী মহাবলঃ ॥ ১২২॥

সমাম্নায়োঽসমাম্নায়স্তীৰ্থদেৱো মহাৰথঃ ।
নিৰ্জীৱো জীৱনো মন্ত্ৰঃ শুভাক্ষো বহুকৰ্কশঃ ॥ ১২৩॥

ৰত্নপ্ৰভূতো ৰত্নাঙ্গো মহাৰ্ণৱনিপানৱিৎ ।
মূলং ৱিশালো হ্যমৃতো ৱ্যক্তাৱ্যক্তস্তপোনিধিঃ ॥ ১২৪॥

আৰোহণোঽধিৰোহশ্চ শীলধাৰী মহায়শাঃ ।
সেনাকল্পো মহাকল্পো যোগো যুগকৰো হৰিঃ ॥ ১২৫॥

যুগৰূপো মহাৰূপো মহানাগহনো ৱধঃ ।
ন্যায়নিৰ্ৱপণঃ পাদঃ পণ্ডিতো হ্যচলোপমঃ ॥ ১২৬॥

বহুমালো মহামালঃ শশী হৰসুলোচনঃ ।
ৱিস্তাৰো লৱণঃ কূপস্ত্ৰিয়ুগঃ সফলোদয়ঃ ॥ ১২৭॥

ত্ৰিলোচনো ৱিষণ্ণাঙ্গো মণিৱিদ্ধো জটাধৰঃ ।
বিন্দুৰ্ৱিসৰ্গঃ সুমুখঃ শৰঃ সৰ্ৱায়ুধঃ সহঃ ॥ ১২৮॥

নিৱেদনঃ সুখাজাতঃ সুগন্ধাৰো মহাধনুঃ ।
গন্ধপালী চ ভগৱানুত্থানঃ সৰ্ৱকৰ্মণাম্ ॥ ১২৯॥

মন্থানো বহুলো ৱায়ুঃ সকলঃ সৰ্ৱলোচনঃ ।
তলস্তালঃ কৰস্থালী ঊৰ্ধ্ৱসংহননো মহান্ ॥ ১৩০॥

ছত্ৰং সুচ্ছত্ৰো ৱিখ্যাতো লোকঃ সৰ্ৱাশ্ৰয়ঃ ক্ৰমঃ ।
মুণ্ডো ৱিৰূপো ৱিকৃতো দণ্ডী কুণ্ডী ৱিকুৰ্ৱণঃ। ১৩১॥

হৰ্যক্ষঃ ককুভো ৱজ্ৰো শতজিহ্ৱঃ সহস্ৰপাৎ ।
সহস্ৰমূৰ্ধা দেৱেন্দ্ৰঃ সৰ্ৱদেৱময়ো গুৰুঃ ॥ ১৩২॥

সহস্ৰবাহুঃ সৰ্ৱাঙ্গঃ শৰণ্যঃ সৰ্ৱলোককৃৎ ।
পৱিত্ৰং ত্ৰিককুন্মন্ত্ৰঃ কনিষ্ঠঃ কৃষ্ণপিঙ্গলঃ। ১৩৩॥

ব্ৰহ্মদণ্ডৱিনিৰ্মাতা শতঘ্নীপাশশক্তিমান্ ।
পদ্মগৰ্ভো মহাগৰ্ভো ব্ৰহ্মগৰ্ভো জলোদ্ভৱঃ ॥ ১৩৪॥

গভস্তিৰ্ব্ৰহ্মকৃদ্ব্ৰহ্মী ব্ৰহ্মৱিদ্ব্ৰাহ্মণো গতিঃ ।
অনন্তৰূপো নৈকাত্মা তিগ্মতেজাঃ স্ৱয়ম্ভুৱঃ ॥ ১৩৫॥

ঊৰ্ধ্ৱগাত্মা পশুপতিৰ্ৱাতৰংহা মনোজৱঃ ।
চন্দনী পদ্মনালাগ্ৰঃ সুৰভ্যুত্তৰণো নৰঃ ॥ ১৩৬॥

কৰ্ণিকাৰমহাস্ৰগ্ৱী নীলমৌলিঃ পিনাকধৃৎ ।
উমাপতিৰুমাকান্তো জাহ্নৱীধৃগুমাধৱঃ ॥ ১৩৭॥

ৱৰো ৱৰাহো ৱৰদো ৱৰেণ্যঃ সুমহাস্ৱনঃ ।
মহাপ্ৰসাদো দমনঃ শত্ৰুহা শ্ৱেতপিঙ্গলঃ ॥ ১৩৮॥

পীতাত্মা পৰমাত্মা চ প্ৰয়তাত্মা প্ৰধানধৃৎ ।
সৰ্ৱপাৰ্শ্ৱমুখস্ত্ৰ্যক্ষো ধৰ্মসাধাৰণো ৱৰঃ ॥ ১৩৯॥

চৰাচৰাত্মা সূক্ষ্মাত্মা অমৃতো গোৱৃষেশ্ৱৰঃ ।
সাধ্যৰ্ষিৰ্ৱসুৰাদিত্যো ৱিৱস্ৱান্সৱিতাঽমৃতঃ ১৪০॥

ৱ্যাসঃ সৰ্গঃ সুসঙ্ক্ষেপো ৱিস্তৰঃ পৰ্যযো নৰঃ ।
ঋতু সংৱৎসৰো মাসঃ পক্ষঃ সঙ্খ্যাসমাপনঃ ॥ ১৪১॥

কলা কাষ্ঠা লৱা মাত্ৰা মুহূৰ্তাহঃক্ষপাঃ ক্ষণাঃ ।
ৱিশ্ৱক্ষেত্ৰং প্ৰজাবীজং লিঙ্গমাদ্যস্তু নিৰ্গমঃ ॥ ১৪২॥

সদসদ্ৱ্যক্তমৱ্যক্তং পিতা মাতা পিতামহঃ ।
স্ৱৰ্গদ্ৱাৰং প্ৰজাদ্ৱাৰং মোক্ষদ্ৱাৰং ত্ৰিৱিষ্টপম্ ॥ ১৪৩॥

নিৰ্ৱাণং হ্লাদনশ্চৈৱ ব্ৰহ্মলোকঃ পৰা গতিঃ ।
দেৱাসুৰৱিনিৰ্মাতা দেৱাসুৰপৰায়ণঃ ॥ ১৪৪॥

দেৱাসুৰগুৰুৰ্দেৱো দেৱাসুৰনমস্কৃতঃ ।
দেৱাসুৰমহামাত্ৰো দেৱাসুৰগণাশ্ৰয়ঃ ॥ ১৪৫॥

দেৱাসুৰগণাধ্যক্ষো দেৱাসুৰগণাগ্ৰণীঃ ।
দেৱাতিদেৱো দেৱৰ্ষিৰ্দেৱাসুৰৱৰপ্ৰদঃ ॥ ১৪৬॥

দেৱাসুৰেশ্ৱৰো ৱিশ্ৱো দেৱাসুৰমহেশ্ৱৰঃ ।
সৰ্ৱদেৱময়োঽচিন্ত্যো দেৱতাত্মাঽঽত্মসম্ভৱঃ ॥ ১৪৭॥

উদ্ভিত্ত্ৰিৱিক্ৰমো ৱৈদ্যো ৱিৰজো নীৰজোঽমৰঃ ॥

ঈড্যো হস্তীশ্ৱৰো ৱ্যাঘ্ৰো দেৱসিংহো নৰৰ্ষভঃ ॥ ১৪৮॥

ৱিবুধোঽগ্ৰৱৰঃ সূক্ষ্মঃ সৰ্ৱদেৱস্তপোময়ঃ ।
সুয়ুক্তঃ শোভনো ৱজ্ৰী প্ৰাসানাং প্ৰভৱোঽৱ্যযঃ ॥ ১৪৯॥

গুহঃ কান্তো নিজঃ সৰ্গঃ পৱিত্ৰং সৰ্ৱপাৱনঃ ।
শৃঙ্গী শৃঙ্গপ্ৰিয়ো বভ্ৰূ ৰাজৰাজো নিৰাময়ঃ ॥ ১৫০॥

অভিৰামঃ সুৰগণো ৱিৰামঃ সৰ্ৱসাধনঃ ।
ললাটাক্ষো ৱিশ্ৱদেৱো হৰিণো ব্ৰহ্মৱৰ্চসঃ ॥ ১৫১॥

স্থাৱৰাণাং পতিশ্চৈৱ নিয়মেন্দ্ৰিয়ৱৰ্ধনঃ ।
সিদ্ধাৰ্থঃ সিদ্ধভূতাৰ্থোঽচিন্ত্যঃ সত্যৱ্ৰতঃ শুচিঃ ॥ ১৫২॥

ৱ্ৰতাধিপঃ পৰং ব্ৰহ্ম ভক্তানাং পৰমা গতিঃ ।
ৱিমুক্তো মুক্ততেজাশ্চ শ্ৰীমান্শ্ৰীৱৰ্ধনো জগৎ ॥ ১৫৩॥

(ইতি সহস্ৰনামস্তোত্ৰম্ । )

যথা প্ৰধানং ভগৱানিতি ভক্ত্যা স্তুতো ময়া ।
যন্ন ব্ৰহ্মাদয়ো দেৱা ৱিদুস্তত্ত্ৱেন নৰ্ষয়ঃ ।
স্তোতৱ্যমৰ্চ্যং ৱন্দ্যং চ কঃ স্তোষ্যতি জগৎপতিম্ ॥ ১৫৪॥

ভক্তিং ত্ৱেৱং পুৰস্কৃত্য ময়া যজ্ঞপতিৰ্ৱিভুঃ ।
ততোঽভ্যনুজ্ঞাং সম্প্ৰাপ্য স্তুতো মতিমতাং ৱৰঃ ॥ ১৫৫॥

শিৱমেভিঃ স্তুৱন্দেৱং নামভিঃ পুষ্টিৱৰ্ধনৈঃ ।
নিত্যযুক্তঃ শুচিৰ্ভক্তঃ প্ৰাপ্নোত্যাত্মানমাত্মনা ॥ ১৫৬॥

এতদ্ধি পৰমং ব্ৰহ্ম পৰং ব্ৰহ্মাধিগচ্ছতি ॥ ১৫৭॥

ঋষয়শ্চৈৱ দেৱাশ্চ স্তুৱন্ত্যেতেন তৎপৰম্ ॥ ১৫৮॥

স্তূয়মানো মহাদেৱস্তুষ্যতে নিয়তাত্মভিঃ ।
ভক্তানুকম্পী ভগৱানাত্মসংস্থাকৰো ৱিভুঃ ॥ ১৫৯॥

তথৈৱ চ মনুষ্যেষু যে মনুষ্যাঃ প্ৰধানতঃ ।
আস্তিকাঃ শ্ৰদ্ধধানাশ্চ বহুভিৰ্জন্মভিঃ স্তৱৈঃ ॥ ১৬০॥

ভক্ত্যা হ্যনন্যমীশানং পৰং দেৱং সনাতনম্ ।
কৰ্মণা মনসা ৱাচা ভাৱেনামিততেজসঃ ॥ ১৬১॥

শয়ানা জাগ্ৰমাণাশ্চ ৱ্ৰজন্নুপৱিশংস্তথা ।
উন্মিষন্নিমিষংশ্চৈৱ চিন্তয়ন্তঃ পুনঃপনঃ ॥ ১৬২॥

শৃণ্ৱন্তঃ শ্ৰাৱয়ন্তশ্চ কথয়ন্তশ্চ তে ভৱম্ ।
স্তুৱন্তঃ স্তূয়মানাশ্চ তুষ্যন্তি চ ৰমন্তি চ ॥ ১৬৩॥

জন্মকোটিসহস্ৰেষু নানাসংসাৰয়োনিষু ।
জন্তোৰ্ৱিগতপাপস্য ভৱে ভক্তিঃ প্ৰজায়তে ॥ ১৬৪॥

উৎপন্না চ ভৱে ভক্তিৰনন্যা সৰ্ৱভাৱতঃ ।
ভাৱিনঃ কাৰণে চাস্য সৰ্ৱয়ুক্তস্য সৰ্ৱথা ॥ ১৬৫॥

এতদ্দেৱেষু দুষ্প্ৰাপং মনুষ্যেষু ন লভ্যতে ।
নিৰ্ৱিঘ্না নিশ্চলা ৰুদ্ৰে ভক্তিৰৱ্যভিচাৰিণী ॥ ১৬৬॥

তস্যৈৱ চ প্ৰসাদেন ভক্তিৰুৎপদ্যতে নৄণাম্ ।
যেন যান্তি পৰাং সিদ্ধিং তদ্ভাগৱতচেতসঃ ॥ ১৬৭॥ (যে ন)

যে সৰ্ৱভাৱানুগতাঃ প্ৰপদ্যন্তে মহেশ্ৱৰম্ ।
প্ৰপন্নৱৎসলো দেৱঃ সংসাৰাত্তান্সমুদ্ধৰেৎ ॥ ১৬৮॥

এৱমন্যে ৱিকুৰ্ৱন্তি দেৱাঃ সংসাৰমোচনম্ ।
মনুষ্যাণামৃতে দেৱং নান্যা শক্তিস্তপোবলম্ ॥ ১৬৯॥

ইতি তেনেন্দ্ৰকল্পেন ভগৱান্সদসৎপতিঃ ।
কৃত্তিৱাসাঃ স্তুতঃ কৃষ্ণ তণ্ডিনা শুভবুদ্ধিনা ॥ ১৭০॥

স্তৱমেতং ভগৱতো ব্ৰহ্মা স্ৱয়মধাৰয়ৎ ।
গীয়তে চ স বুদ্ধ্যেত ব্ৰহ্মা শঙ্কৰসন্নিধৌ ॥ ১৭১॥

ইদং পুণ্যং পৱিত্ৰং চ সৰ্ৱদা পাপনাশনম্ ।
যোগদং মোক্ষদং চৈৱ স্ৱৰ্গদং তোষদং তথা ॥ ১৭২॥

এৱমেতৎপঠন্তে য একভক্ত্যা তু শঙ্কৰম্ ।
যা গতিঃ সাঙ্খ্যযোগানাং ৱ্ৰজন্ত্যেতাং গতিং তদা ॥ ১৭৩॥

স্তৱমেতং প্ৰয়ত্নেন সদা ৰুদ্ৰস্য সন্নিধৌ ।
অব্দমেকং চৰেদ্ভক্তঃ প্ৰাপ্নুয়াদীপ্সিতং ফলম্ ॥ ১৭৪॥

এতদ্ৰহস্যং পৰমং ব্ৰহ্মণো হৃদি সংস্থিতম্ ।
ব্ৰহ্মা প্ৰোৱাচ শক্ৰায় শক্ৰঃ প্ৰোৱাচ মৃত্যৱে ॥ ১৭৫॥

মৃত্যুঃ প্ৰোৱাচ ৰুদ্ৰেভ্যো ৰুদ্ৰেভ্যস্তণ্ডিমাগমৎ ।
মহতা তপসা প্ৰাপ্তস্তণ্ডিনা ব্ৰহ্মসদ্মনি ॥ ১৭৬॥

তণ্ডিঃ প্ৰোৱাচ শুক্ৰায় গৌতমায় চ ভাৰ্গৱঃ ।
ৱৈৱস্ৱতায় মনৱে গৌতমঃ প্ৰাহ মাধৱ ॥ ১৭৭॥

নাৰায়ণায় সাধ্যায় সমাধিষ্ঠায় ধীমতে ।
যমায় প্ৰাহ ভগৱান্সাধ্যো নাৰায়ণোঽচ্যুতঃ ॥ ১৭৮॥

নাচিকেতায় ভগৱানাহ ৱৈৱস্ৱতো যমঃ ।
মাৰ্কণ্ডেয়ায় ৱাৰ্ষ্ণেয় নাচিকেতোঽভ্যভাষত ॥ ১৭৯॥

মাৰ্কণ্ডেয়ান্ময়া প্ৰাপ্তো নিয়মেন জনাৰ্দন ।
তৱাপ্যহমমিত্ৰঘ্ন স্তৱং দদ্যাং হ্যৱিশ্ৰুতম্ ॥ ১৮০॥

স্ৱৰ্গ্যমাৰোগ্যমায়ুষ্যং ধন্যং ৱেদেন সংমিতম্ ।
নাস্য ৱিঘ্নং ৱিকুৰ্ৱন্তি দানৱা যক্ষৰাক্ষসাঃ ॥ ১৮১॥

পিশাচা যাতুধানা ৱা গুহ্যকা ভুজগা অপি ।
যঃ পঠেত শুচিঃ পাৰ্থ ব্ৰহ্মচাৰী জিতেন্দ্ৰিয়ঃ ।
অভগ্নয়োগো ৱৰ্ষং তু সোঽশ্ৱমেধফলং লভেৎ ॥ ১৮২॥

ইতি শ্ৰীমন্মহাভাৰতে অনুশাসনপৰ্ৱণি দানধৰ্মপৰ্ৱণি
অষ্টচত্ৱাৰিংশোঽধ্যায়ঃ ॥ ৪৮ ॥

শ্ৰীমহাদেৱসহস্ৰনামস্তোত্ৰং সমাপ্তম্ ।

Read in More Languages:

• sanskritश्री शिव सहस्रनामावली
• punjabiਸ਼੍ਰੀ ਸ਼ਿਵਸਹਸ੍ਰਨਾਮ ਸ੍ਤੋਤ੍ਰਮ੍
• bengaliশ্রী শিবসহস্রনাম স্তোত্রম্
• odiaଶ୍ରୀ ଶିବସହସ୍ରନାମ ସ୍ତୋତ୍ରମ୍
• teluguశ్రీ శివసహస్రనామ స్తోత్రం
• tamilஶ்ரீ ஶிவஸஹஸ்ரநாம ஸ்தோத்ரம்
• kannadaಶ್ರೀ ಶಿವಸಹಸ್ರನಾಮ ಸ್ತೋತ್ರಂ
• gujaratiશ્રી શિવસહસ્રનામ સ્તોત્રમ્
• malayalamശ്രീ ശിവസഹസ്രനാമ സ്തോത്രം
• hindiश्री दक्षिणामूर्ति सहस्रनामावलि
• sanskritश्री अर्धनारीश्वर सहस्रनामावली
• sanskritरुद्रयामल भगवान शिव सहस्रनामावली
• sanskritमहाकाल सहस्रनामावली
• sanskritकालभैरव सहस्रनामावली

Found a Mistake or Error? Report it Now