ଶ୍ରୀ ଶିବସହସ୍ରନାମ ସ୍ତୋତ୍ରମ୍
ମହାଭାରତାନ୍ତର୍ଗତମ୍
ତତଃ ସ ପ୍ରୟତୋ ଭୂତ୍ୱା ମମ ତାତ ଯୁଧିଷ୍ଠିର ।
ପ୍ରାଞ୍ଜଲିଃ ପ୍ରାହ ବିପ୍ରର୍ଷିର୍ନାମସଙ୍ଗ୍ରହମାଦିତଃ ॥ ୧॥
ଉପମନ୍ୟୁରୁବାଚ
ବ୍ରହ୍ମପ୍ରୋକ୍ତୈରୃଷିପ୍ରୋକ୍ତୈର୍ୱେଦବେଦାଙ୍ଗସମ୍ଭବୈଃ ।
ସର୍ୱଲୋକେଷୁ ବିଖ୍ୟାତଂ ସ୍ତୁତ୍ୟଂ ସ୍ତୋଷ୍ୟାମି ନାମଭିଃ ॥ ୨॥
ମହଦ୍ଭିର୍ୱିହିତୈଃ ସତ୍ୟୈଃ ସିଦ୍ଧୈଃ ସର୍ୱାର୍ଥସାଧକୈଃ ।
ଋଷିଣା ତଣ୍ଡିନା ଭକ୍ତ୍ୟା କୃତୈର୍ୱେଦକୃତାତ୍ମନା ॥ ୩॥
ଯଥୋକ୍ତୈଃ ସାଧୁଭିଃ ଖ୍ୟାତୈର୍ମୁନିଭିସ୍ତତ୍ତ୍ୱଦର୍ଶିଭିଃ ।
ପ୍ରବରଂ ପ୍ରଥମଂ ସ୍ୱର୍ଗ୍ୟଂ ସର୍ୱଭୂତହିତଂ ଶୁଭମ୍ ॥ ୪॥
ଶ୍ରୁତେଃ ସର୍ୱତ୍ର ଜଗତି ବ୍ରହ୍ମଲୋକାବତାରିତୈଃ ।
ସତ୍ୟୈସ୍ତତ୍ପରମଂ ବ୍ରହ୍ମ ବ୍ରହ୍ମପ୍ରୋକ୍ତଂ ସନାତନମ୍ ।
ବକ୍ଷ୍ୟେ ଯଦୁକୁଲଶ୍ରେଷ୍ଠ ଶୃଣୁଷ୍ୱାବହିତୋ ମମ ॥ ୫॥
ବରୟୈନଂ ଭବଂ ଦେବଂ ଭକ୍ତସ୍ତ୍ୱଂ ପରମେଶ୍ୱରମ୍ ।
ତେନ ତେ ଶ୍ରାବୟିଷ୍ୟାମି ଯତ୍ତଦ୍ବ୍ରହ୍ମ ସନାତନମ୍ ॥ ୬॥
ନ ଶକ୍ୟଂ ବିସ୍ତରାତ୍କୃତ୍ସ୍ନଂ ବକ୍ତୁଂ ସର୍ୱସ୍ୟ କେନଚିତ୍ ।
ଯୁକ୍ତେନାପି ବିଭୂତୀନାମପି ବର୍ଷଶତୈରପି ॥ ୭॥
ଯସ୍ୟାଦିର୍ମଧ୍ୟମନ୍ତଂ ଚ ସୁରୈରପି ନ ଗମ୍ୟତେ ।
କସ୍ତସ୍ୟ ଶକ୍ନୁୟାଦ୍ୱକ୍ତୁଂ ଗୁଣାନ୍କାର୍ତ୍ସ୍ନ୍ୟେନ ମାଧବ ॥ ୮॥
କିନ୍ତୁ ଦେବସ୍ୟ ମହତଃ ସଙ୍କ୍ଷିପ୍ତାର୍ଥପଦାକ୍ଷରମ୍ ।
ଶକ୍ତିତଶ୍ଚରିତଂ ବକ୍ଷ୍ୟେ ପ୍ରସାଦାତ୍ତସ୍ୟ ଧୀମତଃ ॥ ୯॥
ଅପ୍ରାପ୍ୟ ତୁ ତତୋଽନୁଜ୍ଞାଂ ନ ଶକ୍ୟଃ ସ୍ତୋତୁମୀଶ୍ୱରଃ ।
ଯଦା ତେନାଭ୍ୟନୁଜ୍ଞାତଃ ସ୍ତୁତୋ ବୈ ସ ତଦା ମୟା ॥ ୧୦॥
ଅନାଦିନିଧନସ୍ୟାହଂ ଜଗଦ୍ୟୋନେର୍ମହାତ୍ମନଃ ।
ନାମ୍ନାଂ କଞ୍ଚିତ୍ସମୁଦ୍ଦେଶଂ ବକ୍ଷ୍ୟାମ୍ୟବ୍ୟକ୍ତୟୋନିନଃ ॥ ୧୧॥
ବରଦସ୍ୟ ବରେଣ୍ୟସ୍ୟ ବିଶ୍ୱରୂପସ୍ୟ ଧୀମତଃ ।
ଶୃଣୁ ନାମ୍ନାଂ ଚୟଂ କୃଷ୍ଣ ଯଦୁକ୍ତଂ ପଦ୍ମୟୋନିନା ॥ ୧୨॥
ଦଶ ନାମସହସ୍ରାଣି ଯାନ୍ୟାହ ପ୍ରପିତାମହଃ ।
ତାନି ନିର୍ମଥ୍ୟ ମନସା ଦଧ୍ନୋ ଘୃତମିବୋଦ୍ଧୃତମ୍ ॥ ୧୩॥
ଗିରେଃ ସାରଂ ଯଥା ହେମ ପୁଷ୍ପସାରଂ ଯଥା ମଧୁ ।
ଘୃତାତ୍ସାରଂ ଯଥା ମଣ୍ଡସ୍ତଥୈତତ୍ସାରମୁଦ୍ଧୃତମ୍। ୧୪॥
ସର୍ୱପାପାପହମିଦଂ ଚତୁର୍ୱେଦସମନ୍ୱିତମ୍ ।
ପ୍ରୟତ୍ନେନାଧିଗନ୍ତବ୍ୟଂ ଧାର୍ୟଂ ଚ ପ୍ରୟତାତ୍ମନା ॥ ୧୫॥
ମାଙ୍ଗଲ୍ୟଂ ପୌଷ୍ଟିକଂ ଚୈବ ରକ୍ଷୋଘ୍ନଂ ପାବନଂ ମହତ୍ ॥ ୧୬॥
ଇଦଂ ଭକ୍ତାୟ ଦାତବ୍ୟଂ ଶ୍ରଦ୍ଦଧାନାସ୍ତିକାୟ ଚ ।
ନାଶ୍ରଦ୍ଦଧାନରୂପାୟ ନାସ୍ତିକାୟାଜିତାତ୍ମନେ ॥ ୧୭॥
ଯଶ୍ଚାଭ୍ୟସୂୟତେ ଦେବଂ କାରଣାତ୍ମାନମୀଶ୍ୱରମ୍ ।
ସ କୃଷ୍ଣ ନରକଂ ଯାତି ସହପୂର୍ୱୈଃ ସହାତ୍ମଜୈଃ ॥ ୧୮॥
ଇଦଂ ଧ୍ୟାନମିଦଂ ଯୋଗମିଦଂ ଧ୍ୟେୟମନୁତ୍ତମମ୍ ।
ଇଦଂ ଜପ୍ୟମିଦଂ ଜ୍ଞାନଂ ରହସ୍ୟମିଦମୁତ୍ତମ୍ ॥ ୧୯॥
ଯଂ ଜ୍ଞାତ୍ୱା ଅନ୍ତକାଲେଽପି ଗଚ୍ଛେତ ପରମାଂ ଗତିମ୍ ।
ପବିତ୍ରଂ ମଙ୍ଗଲଂ ମେଧ୍ୟଂ କଲ୍ୟାଣମିଦମୁତ୍ତମମ୍ ॥ ୨୦॥
ଇଦଂ ବ୍ରହ୍ମା ପୁରା କୃତ୍ୱା ସର୍ୱଲୋକପିତାମହଃ ।
ସର୍ୱସ୍ତବାନାଂ ରାଜତ୍ୱେ ଦିବ୍ୟାନାଂ ସମକଲ୍ପୟତ୍ ॥ ୨୧॥
ତଦା ପ୍ରଭୃତି ଚୈବାୟମୀଶ୍ୱରସ୍ୟ ମହାତ୍ମନଃ ।
ସ୍ତବରାଜ ଇତି ଖ୍ୟାତୋ ଜଗତ୍ୟମରପୂଜିତଃ ॥ ୨୨॥
ବ୍ରହ୍ମଲୋକାଦୟଂ ସ୍ୱର୍ଗେ ସ୍ତବରାଜୋଽବତାରିତଃ ।
ଯତସ୍ତଣ୍ଡିଃ ପୁରା ପ୍ରାପ ତେନ ତଣ୍ଡିକୃତୋଽଭବତ୍ ॥ ୨୩॥
ସ୍ୱର୍ଗାଚ୍ଚୈବାତ୍ର ଭୂର୍ଲୋକଂ ତଣ୍ଡିନା ହ୍ୟବତାରିତଃ ।
ସର୍ୱମଙ୍ଗଲମାଙ୍ଗଲ୍ୟଂ ସର୍ୱପାପପ୍ରଣାଶନମ୍ ॥ ୨୪॥
ନିଗଦିଷ୍ୟେ ମହାବାହୋ ସ୍ତବାନାମୁତ୍ତମଂ ସ୍ତବମ୍ ।
ବ୍ରହ୍ମଣାମପି ଯଦ୍ବ୍ରହ୍ମ ପରାଣାମପି ଯତ୍ପରମ୍ ॥ ୨୫॥
ତେଜସାମପି ଯତ୍ତେଜସ୍ତପସାମପି ଯତ୍ତପଃ ।
ଶାନ୍ତୀନାମପି ଯା ଶାନ୍ତିର୍ଦ୍ୟୁତୀନାମପି ଯା ଦ୍ୟୁତିଃ ॥ ୨୬॥
ଦାନ୍ତାନାମପି ଯୋ ଦାନ୍ତୋ ଧୀମତାମପି ଯା ଚ ଧୀଃ ।
ଦେବାନାମପି ଯୋ ଦେବୋ ଋଷୀଣାମପି ଯସ୍ତ୍ୱୃଷିଃ ॥ ୨୭॥
ଯଜ୍ଞାନାମପି ଯୋ ଯଜ୍ଞଃ ଶିବାନାମପି ଯଃ ଶିବଃ ।
ରୁଦ୍ରାଣାମପି ଯୋ ରୁଦ୍ରଃ ପ୍ରଭା ପ୍ରଭବତାମପି ॥ ୨୮॥
ଯୋଗିନାମପି ଯୋ ଯୋଗୀ କାରଣାନାଂ ଚ କାରଣମ୍ ।
ଯତୋ ଲୋକାଃ ସମ୍ଭବନ୍ତି ନ ଭବନ୍ତି ଯତଃ ପୁନଃ ॥ ୨୯॥
ସର୍ୱଭୂତାତ୍ମଭୂତସ୍ୟ ହରସ୍ୟାମିତତେଜସଃ ।
ଅଷ୍ଟୋତ୍ତରସହସ୍ରଂ ତୁ ନାମ୍ନାଂ ଶର୍ୱସ୍ୟ ମେ ଶୃଣୁ ।
ଯଚ୍ଛ୍ରୁତ୍ୱା ମନୁଜବ୍ୟାଘ୍ର ସର୍ୱାନ୍କାମାନବାପ୍ସ୍ୟସି ॥ ୩୦॥
(ଅଥ ସହସ୍ରନାମସ୍ତୋତ୍ରମ୍ ।)
ଓଁ ସ୍ଥିରଃ ସ୍ଥାଣୁଃ ପ୍ରଭୁର୍ଭୀମଃ ପ୍ରବରୋ ବରଦୋ ବରଃ ।
ସର୍ୱାତ୍ମା ସର୍ୱବିଖ୍ୟାତଃ ସର୍ୱଃ ସର୍ୱକରୋ ଭବଃ ॥ ୩୧॥
ଜଟୀ ଚର୍ମୀ ଶିଖୀ ଖଡ୍ଗୀ ସର୍ୱାଙ୍ଗଃ ସର୍ୱଭାବନଃ ।
ହରଶ୍ଚ ହରିଣାକ୍ଷଶ୍ଚ ସର୍ୱଭୂତହରଃ ପ୍ରଭୁଃ ॥ ୩୨॥
ପ୍ରବୃତ୍ତିଶ୍ଚ ନିବୃତ୍ତିଶ୍ଚ ନିୟତଃ ଶାଶ୍ୱତୋ ଧ୍ରୁବଃ ।
ଶ୍ମଶାନବାସୀ ଭଗବାନ୍ଖଚରୋ ଗୋଚରୋଽର୍ଦନଃ ॥ ୩୩॥
ଅଭିବାଦ୍ୟୋ ମହାକର୍ମା ତପସ୍ୱୀ ଭୂତଭାବନଃ ।
ଉନ୍ମତ୍ତବେଷପ୍ରଚ୍ଛନ୍ନଃ ସର୍ୱଲୋକପ୍ରଜାପତିଃ ॥ ୩୪॥
ମହାରୂପୋ ମହାକାୟୋ ବୃଷରୂପୋ ମହାୟଶାଃ ।
ମହାତ୍ମା ସର୍ୱଭୂତାତ୍ମା ବିଶ୍ୱରୂପୋ ମହାହନୁଃ ॥ ୩୫॥
ଲୋକପାଲୋଽନ୍ତର୍ହିତାତ୍ମା ପ୍ରସାଦୋ ହୟଗର୍ଦଭିଃ ।
ପବିତ୍ରଂ ଚ ମହାଂଶ୍ଚୈବ ନିୟମୋ ନିୟମାଶ୍ରିତଃ ॥ ୩୬॥
ସର୍ୱକର୍ମା ସ୍ୱୟମ୍ଭୂତ ଆଦିରାଦିକରୋ ନିଧିଃ ।
ସହସ୍ରାକ୍ଷୋ ବିଶାଲାକ୍ଷଃ ସୋମୋ ନକ୍ଷତ୍ରସାଧକଃ ॥ ୩୭॥
ଚନ୍ଦ୍ରଃ ସୂର୍ୟଃ ଶନିଃ କେତୁର୍ଗ୍ରହୋ ଗ୍ରହପତିର୍ୱରଃ ।
ଅତ୍ରିରତ୍ର୍ୟାନମସ୍କର୍ତା ମୃଗବାଣାର୍ପଣୋଽନଘଃ ॥ ୩୮॥
ମହାତପା ଘୋରତପା ଅଦୀନୋ ଦୀନସାଧକଃ ।
ସଂବତ୍ସରକରୋ ମନ୍ତ୍ରଃ ପ୍ରମାଣଂ ପରମଂ ତପଃ ॥ ୩୯॥
ଯୋଗୀ ଯୋଜ୍ୟୋ ମହାବୀଜୋ ମହାରେତା ମହାବଲଃ ।
ସୁବର୍ଣରେତାଃ ସର୍ୱଜ୍ଞଃ ସୁବୀଜୋ ବୀଜବାହନଃ ॥ ୪୦॥
ଦଶବାହୁସ୍ତ୍ୱନିମିଷୋ ନୀଲକଣ୍ଠ ଉମାପତିଃ ।
ବିଶ୍ୱରୂପଃ ସ୍ୱୟଂଶ୍ରେଷ୍ଠୋ ବଲବୀରୋ ବଲୋ ଗଣଃ ॥ ୪୧॥
ଗଣକର୍ତା ଗଣପତିର୍ଦିଗ୍ୱାସାଃ କାମ ଏବ ଚ ।
ମନ୍ତ୍ରବିତ୍ପରମୋ ମନ୍ତ୍ରଃ ସର୍ୱଭାବକରୋ ହରଃ ॥ ୪୨॥
କମଣ୍ଡଲୁଧରୋ ଧନ୍ୱୀ ବାଣହସ୍ତଃ କପାଲବାନ୍ ।
ଅଶନୀ ଶତଘ୍ନୀ ଖଡ୍ଗୀ ପଟ୍ଟିଶୀ ଚାୟୁଧୀ ମହାନ୍ ॥ ୪୩॥
ସ୍ରୁବହସ୍ତଃ ସୁରୂପଶ୍ଚ ତେଜସ୍ତେଜସ୍କରୋ ନିଧିଃ ।
ଉଷ୍ଣୀଷୀ ଚ ସୁବକ୍ତ୍ରଶ୍ଚ ଉଦଗ୍ରୋ ବିନତସ୍ତଥା ॥ ୪୪॥
ଦୀର୍ଘଶ୍ଚ ହରିକେଶଶ୍ଚ ସୁତୀର୍ଥଃ କୃଷ୍ଣ ଏବ ଚ ।
ଶୃଗାଲରୂପଃ ସିଦ୍ଧାର୍ଥୋ ମୁଣ୍ଡଃ ସର୍ୱଶୁଭଙ୍କରଃ ॥ ୪୫॥
ଅଜଶ୍ଚ ବହୁରୂପଶ୍ଚ ଗନ୍ଧଧାରୀ କପର୍ଦ୍ୟପି ।
ଊର୍ଧ୍ୱରେତା ଊର୍ଧ୍ୱଲିଙ୍ଗ ଊର୍ଧ୍ୱଶାୟୀ ନଭଃସ୍ଥଲଃ ॥ ୪୬॥
ତ୍ରିଜଟୀ ଚୀରବାସାଶ୍ଚ ରୁଦ୍ରଃ ସେନାପତିର୍ୱିଭୁଃ ।
ଅହଶ୍ଚରୋ ନକ୍ତଞ୍ଚରସ୍ତିଗ୍ମମନ୍ୟୁଃ ସୁବର୍ଚସଃ ॥ ୪୭॥
ଗଜହା ଦୈତ୍ୟହା କାଲୋ ଲୋକଧାତା ଗୁଣାକରଃ ।
ସିଂହଶାର୍ଦୂଲରୂପଶ୍ଚ ଆର୍ଦ୍ରଚର୍ମାମ୍ବରାବୃତଃ ॥ ୪୮॥
କାଲୟୋଗୀ ମହାନାଦଃ ସର୍ୱକାମଶ୍ଚତୁଷ୍ପଥଃ ।
ନିଶାଚରଃ ପ୍ରେତଚାରୀ ଭୂତଚାରୀ ମହେଶ୍ୱରଃ ॥ ୪୯॥
ବହୁଭୂତୋ ବହୁଧରଃ ସ୍ୱର୍ଭାନୁରମିତୋ ଗତିଃ ।
ନୃତ୍ୟପ୍ରିୟୋ ନିତ୍ୟନର୍ତୋ ନର୍ତକଃ ସର୍ୱଲାଲସଃ ॥ ୫୦॥
ଘୋରୋ ମହାତପାଃ ପାଶୋ ନିତ୍ୟୋ ଗିରିରୁହୋ ନଭଃ ।
ସହସ୍ରହସ୍ତୋ ବିଜୟୋ ବ୍ୟବସାୟୋ ହ୍ୟତନ୍ଦ୍ରିତଃ ॥ ୫୧॥
ଅଧର୍ଷଣୋ ଧର୍ଷଣାତ୍ମା ଯଜ୍ଞହା କାମନାଶକଃ ।
ଦକ୍ଷୟାଗାପହାରୀ ଚ ସୁସହୋ ମଧ୍ୟମସ୍ତଥା ॥ ୫୨॥
ତେଜୋପହାରୀ ବଲହା ମୁଦିତୋଽର୍ଥୋଽଜିତୋଽବରଃ ।
ଗମ୍ଭୀରଘୋଷା ଗମ୍ଭୀରୋ ଗମ୍ଭୀରବଲବାହନଃ ॥ ୫୩॥
ନ୍ୟଗ୍ରୋଧରୂପୋ ନ୍ୟଗ୍ରୋଧୋ ବୃକ୍ଷପର୍ଣସ୍ଥିତିର୍ୱିଭୁଃ ।
ସୁତୀକ୍ଷ୍ଣଦଶନଶ୍ଚୈବ ମହାକାୟୋ ମହାନନଃ ॥ ୫୪॥
ବିଷ୍ୱକ୍ସେନୋ ହରିର୍ୟଜ୍ଞଃ ସଂୟୁଗାପୀଡବାହନଃ ।
ତୀକ୍ଷ୍ଣତାପଶ୍ଚ ହର୍ୟଶ୍ୱଃ ସହାୟଃ କର୍ମକାଲବିତ୍ ॥ ୫୫॥
ବିଷ୍ଣୁପ୍ରସାଦିତୋ ଯଜ୍ଞଃ ସମୁଦ୍ରୋ ବଡବାମୁଖଃ ।
ହୁତାଶନସହାୟଶ୍ଚ ପ୍ରଶାନ୍ତାତ୍ମା ହୁତାଶନଃ ॥ ୫୬॥
ଉଗ୍ରତେଜା ମହାତେଜା ଜନ୍ୟୋ ବିଜୟକାଲବିତ୍ ।
ଜ୍ୟୋତିଷାମୟନଂ ସିଦ୍ଧିଃ ସର୍ୱବିଗ୍ରହ ଏବ ଚ ॥ ୫୭॥
ଶିଖୀ ମୁଣ୍ଡୀ ଜଟୀ ଜ୍ୱାଲୀ ମୂର୍ତିଜୋ ମୂର୍ଧଗୋ ବଲୀ ।
ବେଣବୀ ପଣବୀ ତାଲୀ ଖଲୀ କାଲକଟଙ୍କଟଃ ॥ ୫୮॥
ନକ୍ଷତ୍ରବିଗ୍ରହମତିର୍ଗୁଣବୁଦ୍ଧିର୍ଲୟୋ ଗମଃ ।
ପ୍ରଜାପତିର୍ୱିଶ୍ୱବାହୁର୍ୱିଭାଗଃ ସର୍ୱଗୋମୁଖଃ ॥ ୫୯॥
ବିମୋଚନଃ ସୁସରଣୋ ହିରଣ୍ୟକବଚୋଦ୍ଭବଃ ।
ମେଢ୍ରଜୋ ବଲଚାରୀ ଚ ମହୀଚାରୀ ସ୍ରୁତସ୍ତଥା ॥ ୬୦॥
ସର୍ୱତୂର୍ୟନିନାଦୀ ଚ ସର୍ୱାତୋଦ୍ୟପରିଗ୍ରହଃ ।
ବ୍ୟାଲରୂପୋ ଗୁହାବାସୀ ଗୁହୋ ମାଲୀ ତରଙ୍ଗବିତ୍ ॥ ୬୧॥
ତ୍ରିଦଶସ୍ତ୍ରିକାଲଧୃକ୍କର୍ମସର୍ୱବନ୍ଧବିମୋଚନଃ ।
ବନ୍ଧନସ୍ତ୍ୱସୁରେନ୍ଦ୍ରାଣାଂ ଯୁଧି ଶତ୍ରୁବିନାଶନଃ ॥ ୬୨॥
ସାଙ୍ଖ୍ୟପ୍ରସାଦୋ ଦୁର୍ୱାସାଃ ସର୍ୱସାଧୁନିଷେବିତଃ ।
ପ୍ରସ୍କନ୍ଦନୋ ବିଭାଗଜ୍ଞୋ ଅତୁଲ୍ୟୋ ଯଜ୍ଞଭାଗବିତ୍ ॥ ୬୩॥
ସର୍ୱବାସଃ ସର୍ୱଚାରୀ ଦୁର୍ୱାସା ବାସବୋଽମରଃ ।
ହୈମୋ ହେମକରୋ ଯଜ୍ଞଃ ସର୍ୱଧାରୀ ଧରୋତ୍ତମଃ ॥ ୬୪॥
ଲୋହିତାକ୍ଷୋ ମହାକ୍ଷଶ୍ଚ ବିଜୟାକ୍ଷୋ ବିଶାରଦଃ ।
ସଙ୍ଗ୍ରହୋ ନିଗ୍ରହଃ କର୍ତା ସର୍ପଚୀରନିବାସନଃ ॥ ୬୫॥
ମୁଖ୍ୟୋଽମୁଖ୍ୟଶ୍ଚ ଦେହଶ୍ଚ କାହଲିଃ ସର୍ୱକାମଦଃ ।
ସର୍ୱକାସପ୍ରସାଦଶ୍ଚ ସୁବଲୋ ବଲରୂପଧୃତ୍ ॥ ୬୬॥
ସର୍ୱକାମବରଶ୍ଚୈବ ସର୍ୱଦଃ ସର୍ୱତୋମୁଖଃ ।
ଆକାଶନିର୍ୱିରୂପଶ୍ଚ ନିପାତୀ ହ୍ୟବଶଃ ଖଗଃ ॥ ୬୭॥
ରୌଦ୍ରରୂପୋଂଽଶୁରାଦିତ୍ୟୋ ବହୁରଶ୍ମିଃ ସୁବର୍ଚସୀ ।
ବସୁବେଗୋ ମହାବେଗୋ ମନୋବେଗୋ ନିଶାଚରଃ ॥ ୬୮॥
ସର୍ୱବାସୀ ଶ୍ରିୟାବାସୀ ଉପଦେଶକରୋଽକରଃ ।
ମୁନିରାତ୍ମନିରାଲୋକଃ ସମ୍ଭଗ୍ନଶ୍ଚ ସହସ୍ରଦଃ ॥ ୬୯॥
ପକ୍ଷୀ ଚ ପକ୍ଷରୂପଶ୍ଚ ଅତିଦୀପ୍ତୋ ବିଶାମ୍ପତିଃ ।
ଉନ୍ମାଦୋ ମଦନଃ କାମୋ ହ୍ୟଶ୍ୱତ୍ଥୋଽର୍ଥକରୋ ଯଶଃ ॥ ୭୦॥
ବାମଦେବଶ୍ଚ ବାମଶ୍ଚ ପ୍ରାଗ୍ଦକ୍ଷିଣଶ୍ଚ ବାମନଃ ।
ସିଦ୍ଧୟୋଗୀ ମହର୍ଷିଶ୍ଚ ସିଦ୍ଧାର୍ଥଃ ସିଦ୍ଧସାଧକଃ ॥ ୭୧॥
ଭିକ୍ଷୁଶ୍ଚ ଭିକ୍ଷୁରୂପଶ୍ଚ ବିପଣୋ ମୃଦୁରବ୍ୟଯଃ ।
ମହାସେନୋ ବିଶାଖଶ୍ଚ ଷଷ୍ଟିଭାଗୋ ଗବାମ୍ପତିଃ ॥ ୭୨॥
ବଜ୍ରହସ୍ତଶ୍ଚ ବିଷ୍କମ୍ଭୀ ଚମୂସ୍ତମ୍ଭନ ଏବ ଚ ।
ବୃତ୍ତାବୃତ୍ତକରସ୍ତାଲୋ ମଧୁର୍ମଧୁକଲୋଚନଃ ॥ ୭୩॥
ବାଚସ୍ପତ୍ୟୋ ବାଜସନୋ ନିତ୍ୟମାଶ୍ରମପୂଜିତଃ ।
ବ୍ରହ୍ମଚାରୀ ଲୋକଚାରୀ ସର୍ୱଚାରୀ ବିଚାରବିତ୍ ॥ ୭୪॥
ଈଶାନ ଈଶ୍ୱରଃ କାଲୋ ନିଶାଚାରୀ ପିନାକବାନ୍ ।
ନିମିତ୍ତସ୍ଥୋ ନିମିତ୍ତଂ ଚ ନନ୍ଦିର୍ନନ୍ଦିକରୋ ହରିଃ ॥ ୭୫॥
ନନ୍ଦୀଶ୍ୱରଶ୍ଚ ନନ୍ଦୀ ଚ ନନ୍ଦନୋ ନନ୍ଦିବର୍ଧନଃ ।
ଭଗହାରୀ ନିହନ୍ତା ଚ କାଲୋ ବ୍ରହ୍ମା ପିତାମହଃ ॥ ୭୬॥
ଚତୁର୍ମୁଖୋ ମହାଲିଙ୍ଗଶ୍ଚାରୁଲିଙ୍ଗସ୍ତଥୈବ ଚ ।
ଲିଙ୍ଗାଧ୍ୟକ୍ଷଃ ସୁରାଧ୍ୟକ୍ଷୋ ଯୋଗାଧ୍ୟକ୍ଷୋ ଯୁଗାବହଃ ॥ ୭୭॥
ବୀଜାଧ୍ୟକ୍ଷୋ ବୀଜକର୍ତା ଅବ୍ୟାତ୍ମାଽନୁଗତୋ ବଲଃ ।
ଇତିହାସଃ ସକଲ୍ପଶ୍ଚ ଗୌତମୋଽଥ ନିଶାକରଃ ॥ ୭୮॥
ଦମ୍ଭୋ ହ୍ୟଦମ୍ଭୋ ବୈଦମ୍ଭୋ ବଶ୍ୟୋ ବଶକରଃ କଲିଃ ।
ଲୋକକର୍ତା ପଶୁପତିର୍ମହାକର୍ତା ହ୍ୟନୌଷଧଃ ॥ ୭୯॥
ଅକ୍ଷରଂ ପରମଂ ବ୍ରହ୍ମ ବଲବଚ୍ଛକ୍ର ଏବ ଚ ।
ନୀତିର୍ହ୍ୟନୀତିଃ ଶୁଦ୍ଧାତ୍ମା ଶୁଦ୍ଧୋ ମାନ୍ୟୋ ଗତାଗତଃ ॥ ୮୦॥
ବହୁପ୍ରସାଦଃ ସୁସ୍ୱପ୍ନୋ ଦର୍ପଣୋଽଥ ତ୍ୱମିତ୍ରଜିତ୍ ।
ବେଦକାରୋ ମନ୍ତ୍ରକାରୋ ବିଦ୍ୱାନ୍ସମରମର୍ଦନଃ ॥ ୮୧॥
ମହାମେଘନିବାସୀ ଚ ମହାଘୋରୋ ବଶୀକରଃ ।
ଅଗ୍ନିର୍ଜ୍ୱାଲୋ ମହାଜ୍ୱାଲୋ ଅତିଧୂମ୍ରୋ ହୁତୋ ହବିଃ ॥ ୮୨॥
ବୃଷଣଃ ଶଙ୍କରୋ ନିତ୍ୟଂ ବର୍ଚସ୍ୱୀ ଧୂମକେତନଃ ।
ନୀଲସ୍ତଥାଙ୍ଗଲୁବ୍ଧଶ୍ଚ ଶୋଭନୋ ନିରବଗ୍ରହଃ ॥ ୮୩॥
ସ୍ୱସ୍ତିଦଃ ସ୍ୱସ୍ତିଭାବଶ୍ଚ ଭାଗୀ ଭାଗକରୋ ଲଘୁଃ ।
ଉତ୍ସଙ୍ଗଶ୍ଚ ମହାଙ୍ଗଶ୍ଚ ମହାଗର୍ଭପରାୟଣଃ ॥ ୮୪॥
କୃଷ୍ଣବର୍ଣଃ ସୁବର୍ଣଶ୍ଚ ଇନ୍ଦ୍ରିୟଂ ସର୍ୱଦେହିନାମ୍ ।
ମହାପାଦୋ ମହାହସ୍ତୋ ମହାକାୟୋ ମହାୟଶାଃ ॥ ୮୫॥
ମହାମୂର୍ଧା ମହାମାତ୍ରୋ ମହାନେତ୍ରୋ ନିଶାଲୟଃ ।
ମହାନ୍ତକୋ ମହାକର୍ଣୋ ମହୋଷ୍ଠଶ୍ଚ ମହାହନୁଃ ॥ ୮୬॥
ମହାନାସୋ ମହାକମ୍ବୁର୍ମହାଗ୍ରୀବଃ ଶ୍ମଶାନଭାକ୍ ।
ମହାବକ୍ଷା ମହୋରସ୍କୋ ହ୍ୟନ୍ତରାତ୍ମା ମୃଗାଲୟଃ ॥ ୮୭॥
ଲମ୍ବନୋ ଲମ୍ବିତୋଷ୍ଠଶ୍ଚ ମହାମାୟଃ ପୟୋନିଧିଃ ।
ମହାଦନ୍ତୋ ମହାଦଂଷ୍ଟ୍ରୋ ମହାଜିହ୍ୱୋ ମହାମୁଖଃ ॥ ୮୮॥
ମହାନଖୋ ମହାରୋମା ମହାକେଶୋ ମହାଜଟଃ ।
ପ୍ରସନ୍ନଶ୍ଚ ପ୍ରସାଦଶ୍ଚ ପ୍ରତ୍ୟଯୋ ଗିରିସାଧନଃ ॥ ୮୯॥
ସ୍ନେହନୋଽସ୍ନେହନଶ୍ଚୈବ ଅଜିତଶ୍ଚ ମହାମୁନିଃ ।
ବୃକ୍ଷାକାରୋ ବୃକ୍ଷକେତୁରନଲୋ ବାୟୁବାହନଃ ॥ ୯୦॥
ଗଣ୍ଡଲୀ ମେରୁଧାମା ଚ ଦେବାଧିପତିରେବ ଚ ।
ଅଥର୍ୱଶୀର୍ଷଃ ସାମାସ୍ୟ ଋକ୍ସହସ୍ରାମିତେକ୍ଷଣଃ ॥ ୯୧॥
ଯଜୁଃପାଦଭୁଜୋ ଗୁହ୍ୟଃ ପ୍ରକାଶୋ ଜଙ୍ଗମସ୍ତଥା ।
ଅମୋଘାର୍ଥଃ ପ୍ରସାଦଶ୍ଚ ଅଭିଗମ୍ୟଃ ସୁଦର୍ଶନଃ ॥ ୯୨॥
ଉପକାରଃ ପ୍ରିୟଃ ସର୍ୱଃ କନକଃ କାଞ୍ଚନଚ୍ଛବିଃ ।
ନାଭିର୍ନନ୍ଦିକରୋ ଭାବଃ ପୁଷ୍କରସ୍ଥପତିଃ ସ୍ଥିରଃ ॥ ୯୩॥
ଦ୍ୱାଦଶସ୍ତ୍ରାସନଶ୍ଚାଦ୍ୟୋ ଯଜ୍ଞୋ ଯଜ୍ଞସମାହିତଃ ।
ନକ୍ତଂ କଲିଶ୍ଚ କାଲଶ୍ଚ ମକରଃ କାଲପୂଜିତଃ ॥ ୯୪॥
ସଗଣୋ ଗଣକାରଶ୍ଚ ଭୂତବାହନସାରଥିଃ ।
ଭସ୍ମଶୟୋ ଭସ୍ମଗୋପ୍ତା ଭସ୍ମଭୂତସ୍ତରୁର୍ଗଣଃ ॥ ୯୫॥
ଲୋକପାଲସ୍ତଥା ଲୋକୋ ମହାତ୍ମା ସର୍ୱପୂଜିତଃ ।
ଶୁକ୍ଲସ୍ତ୍ରିଶୁକ୍ଲଃ ସମ୍ପନ୍ନଃ ଶୁଚିର୍ଭୂତନିଷେବିତଃ ॥ ୯୬॥
ଆଶ୍ରମସ୍ଥଃ କ୍ରିୟାବସ୍ଥୋ ବିଶ୍ୱକର୍ମମତିର୍ୱରଃ ।
ବିଶାଲଶାଖସ୍ତାମ୍ରୋଷ୍ଠୋ ହ୍ୟମ୍ବୁଜାଲଃ ସୁନିଶ୍ଚଲଃ ॥ ୯୭॥
କପିଲଃ କପିଶଃ ଶୁକ୍ଲ ଆୟୁଶ୍ଚୈବି ପରୋଽପରଃ ।
ଗନ୍ଧର୍ୱୋ ହ୍ୟଦିତିସ୍ତାର୍କ୍ଷ୍ୟଃ ସୁବିଜ୍ଞେୟଃ ସୁଶାରଦଃ ॥ ୯୮॥
ପରଶ୍ୱଧାୟୁଧୋ ଦେବ ଅନୁକାରୀ ସୁବାନ୍ଧବଃ ।
ତୁମ୍ବବୀଣୋ ମହାକ୍ରୋଧ ଊର୍ଧ୍ୱରେତା ଜଲେଶୟଃ ॥ ୯୯॥
ଉଗ୍ରୋ ବଂଶକରୋ ବଂଶୋ ବଂଶନାଦୋ ହ୍ୟନିନ୍ଦିତଃ ।
ସର୍ୱାଙ୍ଗରୂପୋ ମାୟାବୀ ସୁହୃଦୋ ହ୍ୟନିଲୋଽନଲଃ ॥ ୧୦୦॥
ବନ୍ଧନୋ ବନ୍ଧକର୍ତା ଚ ସୁବନ୍ଧନବିମୋଚନଃ ।
ସ ଯଜ୍ଞାରିଃ ସ କାମାରିର୍ମହାଦଂଷ୍ଟ୍ରୋ ମହାୟୁଧଃ ॥ ୧୦୧॥
ବହୁଧାନିନ୍ଦିତଃ ଶର୍ୱଃ ଶଙ୍କରଃ ଶଙ୍କରୋଽଧନଃ ।
ଅମରେଶୋ ମହାଦେବୋ ବିଶ୍ୱଦେବଃ ସୁରାରିହା ॥ ୧୦୨॥
ଅହିର୍ବୁଧ୍ନ୍ୟୋଽନିଲାଭଶ୍ଚ ଚେକିତାନୋ ହବିସ୍ତଥା ।
ଅଜୈକପାଚ୍ଚ କାପାଲୀ ତ୍ରିଶଙ୍କୁରଜିତଃ ଶିବଃ ॥ ୧୦୩॥
ଧନ୍ୱନ୍ତରିର୍ଧୂମକେତୁଃ ସ୍କନ୍ଦୋ ବୈଶ୍ରବଣସ୍ତଥା ।
ଧାତା ଶକ୍ରଶ୍ଚ ବିଷ୍ଣୁଶ୍ଚ ମିତ୍ରସ୍ତ୍ୱଷ୍ଟା ଧ୍ରୁବୋ ଧରଃ ॥ ୧୦୪॥
ପ୍ରଭାବଃ ସର୍ୱଗୋ ବାୟୁରର୍ୟମା ସବିତା ରବିଃ ।
ଉଷଙ୍ଗୁଶ୍ଚ ବିଧାତା ଚ ମାନ୍ଧାତା ଭୂତଭାବନଃ ॥ ୧୦୫॥
ବିଭୁର୍ୱର୍ଣବିଭାବୀ ଚ ସର୍ୱକାମଗୁଣାବହଃ ।
ପଦ୍ମନାଭୋ ମହାଗର୍ଭଶ୍ଚନ୍ଦ୍ରବକ୍ତ୍ରୋଽନିଲୋଽନଲଃ ॥ ୧୦୬॥
ବଲବାଂଶ୍ଚୋପଶାନ୍ତଶ୍ଚ ପୁରାଣଃ ପୁଣ୍ୟଚଞ୍ଚୁରୀ ।
କୁରୁକର୍ତା କୁରୁବାସୀ କୁରୁଭୂତୋ ଗୁଣୌଷଧଃ ॥ ୧୦୭॥
ସର୍ୱାଶୟୋ ଦର୍ଭଚାରୀ ସର୍ୱେଷାଂ ପ୍ରାଣିନାଂ ପତିଃ ।
ଦେବଦେବଃ ସୁଖାସକ୍ତଃ ସଦସତ୍ସର୍ୱରତ୍ନବିତ୍ ॥ ୧୦୮॥
କୈଲାସଗିରିବାସୀ ଚ ହିମବଦ୍ଗିରିସଂଶ୍ରୟଃ ।
କୂଲହାରୀ କୂଲକର୍ତା ବହୁବିଦ୍ୟୋ ବହୁପ୍ରଦଃ ॥ ୧୦୯॥
ବଣିଜୋ ବର୍ଧକୀ ବୃକ୍ଷୋ ବକୁଲଶ୍ଚନ୍ଦନଶ୍ଛଦଃ ।
ସାରଗ୍ରୀବୋ ମହାଜତ୍ରୁରଲୋଲଶ୍ଚ ମହୌଷଧଃ ॥ ୧୧୦॥
ସିଦ୍ଧାର୍ଥକାରୀ ସିଦ୍ଧାର୍ଥଶ୍ଛନ୍ଦୋବ୍ୟାକରଣୋତ୍ତରଃ ।
ସିଂହନାଦଃ ସିଂହଦଂଷ୍ଟ୍ରଃ ସିଂହଗଃ ସିଂହବାହନଃ ॥ ୧୧୧॥
ପ୍ରଭାବାତ୍ମା ଜଗତ୍କାଲସ୍ଥାଲୋ ଲୋକହିତସ୍ତରୁଃ ।
ସାରଙ୍ଗୋ ନବଚକ୍ରାଙ୍ଗଃ କେତୁମାଲୀ ସଭାବନଃ ॥ ୧୧୨॥
ଭୂତାଲୟୋ ଭୂତପତିରହୋରାତ୍ରମନିନ୍ଦିତଃ ॥ ୧୧୩॥
ବାହିତା ସର୍ୱଭୂତାନାଂ ନିଲୟଶ୍ଚ ବିଭୁର୍ଭବଃ ।
ଅମୋଘଃ ସଂୟତୋ ହ୍ୟଶ୍ୱୋ ଭୋଜନଃ ପ୍ରାଣଧାରଣଃ ॥ ୧୧୪॥
ଧୃତିମାନ୍ମତିମାନ୍ଦକ୍ଷଃ ସତ୍କୃତଶ୍ଚ ଯୁଗାଧିପଃ ।
ଗୋପାଲିର୍ଗୋପତିର୍ଗ୍ରାମୋ ଗୋଚର୍ମବସନୋ ହରିଃ। ୧୧୫॥
ହିରଣ୍ୟବାହୁଶ୍ଚ ତଥା ଗୁହାପାଲଃ ପ୍ରବେଶିନାମ୍ ।
ପ୍ରକୃଷ୍ଟାରିର୍ମହାହର୍ଷୋ ଜିତକାମୋ ଜିତେନ୍ଦ୍ରିୟଃ ॥ ୧୧୬॥
ଗାନ୍ଧାରଶ୍ଚ ସୁବାସଶ୍ଚ ତପଃସକ୍ତୋ ରତିର୍ନରଃ ।
ମହାଗୀତୋ ମହାନୃତ୍ୟୋ ହ୍ୟପ୍ସରୋଗଣସେବିତଃ ॥ ୧୧୭॥
ମହାକେତୁର୍ମହାଧାତୁର୍ନୈକସାନୁଚରଶ୍ଚଲଃ ।
ଆବେଦନୀୟ ଆଦେଶଃ ସର୍ୱଗନ୍ଧସୁଖାବହଃ ॥ ୧୧୮॥
ତୋରଣସ୍ତାରଣୋ ବାତଃ ପରିଧୀ ପତିଖେଚରଃ ।
ସଂୟୋଗୋ ବର୍ଧନୋ ବୃଦ୍ଧୋ ଅତିବୃଦ୍ଧୋ ଗୁଣାଧିକଃ ॥ ୧୧୯॥
ନିତ୍ୟ ଆତ୍ମସହାୟଶ୍ଚ ଦେବାସୁରପତିଃ ପତିଃ ।
ଯୁକ୍ତଶ୍ଚ ଯୁକ୍ତବାହୁଶ୍ଚ ଦେବୋ ଦିବି ସୁପର୍ୱଣଃ ॥ ୧୨୦॥
ଆଷାଢଶ୍ଚ ସୁଷାଣ୍ଢଶ୍ଚ ଧ୍ରୁବୋଽଥ ହରିଣୋ ହରଃ ।
ବପୁରାବର୍ତମାନେଭ୍ୟୋ ବସୁଶ୍ରେଷ୍ଠୋ ମହାପଥଃ ॥ ୧୨୧॥
ଶିରୋହାରୀ ବିମର୍ଶଶ୍ଚ ସର୍ୱଲକ୍ଷଣଲକ୍ଷିତଃ ।
ଅକ୍ଷଶ୍ଚ ରଥୟୋଗୀ ଚ ସର୍ୱୟୋଗୀ ମହାବଲଃ ॥ ୧୨୨॥
ସମାମ୍ନାୟୋଽସମାମ୍ନାୟସ୍ତୀର୍ଥଦେବୋ ମହାରଥଃ ।
ନିର୍ଜୀବୋ ଜୀବନୋ ମନ୍ତ୍ରଃ ଶୁଭାକ୍ଷୋ ବହୁକର୍କଶଃ ॥ ୧୨୩॥
ରତ୍ନପ୍ରଭୂତୋ ରତ୍ନାଙ୍ଗୋ ମହାର୍ଣବନିପାନବିତ୍ ।
ମୂଲଂ ବିଶାଲୋ ହ୍ୟମୃତୋ ବ୍ୟକ୍ତାବ୍ୟକ୍ତସ୍ତପୋନିଧିଃ ॥ ୧୨୪॥
ଆରୋହଣୋଽଧିରୋହଶ୍ଚ ଶୀଲଧାରୀ ମହାୟଶାଃ ।
ସେନାକଲ୍ପୋ ମହାକଲ୍ପୋ ଯୋଗୋ ଯୁଗକରୋ ହରିଃ ॥ ୧୨୫॥
ଯୁଗରୂପୋ ମହାରୂପୋ ମହାନାଗହନୋ ବଧଃ ।
ନ୍ୟାୟନିର୍ୱପଣଃ ପାଦଃ ପଣ୍ଡିତୋ ହ୍ୟଚଲୋପମଃ ॥ ୧୨୬॥
ବହୁମାଲୋ ମହାମାଲଃ ଶଶୀ ହରସୁଲୋଚନଃ ।
ବିସ୍ତାରୋ ଲବଣଃ କୂପସ୍ତ୍ରିୟୁଗଃ ସଫଲୋଦୟଃ ॥ ୧୨୭॥
ତ୍ରିଲୋଚନୋ ବିଷଣ୍ଣାଙ୍ଗୋ ମଣିବିଦ୍ଧୋ ଜଟାଧରଃ ।
ବିନ୍ଦୁର୍ୱିସର୍ଗଃ ସୁମୁଖଃ ଶରଃ ସର୍ୱାୟୁଧଃ ସହଃ ॥ ୧୨୮॥
ନିବେଦନଃ ସୁଖାଜାତଃ ସୁଗନ୍ଧାରୋ ମହାଧନୁଃ ।
ଗନ୍ଧପାଲୀ ଚ ଭଗବାନୁତ୍ଥାନଃ ସର୍ୱକର୍ମଣାମ୍ ॥ ୧୨୯॥
ମନ୍ଥାନୋ ବହୁଲୋ ବାୟୁଃ ସକଲଃ ସର୍ୱଲୋଚନଃ ।
ତଲସ୍ତାଲଃ କରସ୍ଥାଲୀ ଊର୍ଧ୍ୱସଂହନନୋ ମହାନ୍ ॥ ୧୩୦॥
ଛତ୍ରଂ ସୁଚ୍ଛତ୍ରୋ ବିଖ୍ୟାତୋ ଲୋକଃ ସର୍ୱାଶ୍ରୟଃ କ୍ରମଃ ।
ମୁଣ୍ଡୋ ବିରୂପୋ ବିକୃତୋ ଦଣ୍ଡୀ କୁଣ୍ଡୀ ବିକୁର୍ୱଣଃ। ୧୩୧॥
ହର୍ୟକ୍ଷଃ କକୁଭୋ ବଜ୍ରୋ ଶତଜିହ୍ୱଃ ସହସ୍ରପାତ୍ ।
ସହସ୍ରମୂର୍ଧା ଦେବେନ୍ଦ୍ରଃ ସର୍ୱଦେବମୟୋ ଗୁରୁଃ ॥ ୧୩୨॥
ସହସ୍ରବାହୁଃ ସର୍ୱାଙ୍ଗଃ ଶରଣ୍ୟଃ ସର୍ୱଲୋକକୃତ୍ ।
ପବିତ୍ରଂ ତ୍ରିକକୁନ୍ମନ୍ତ୍ରଃ କନିଷ୍ଠଃ କୃଷ୍ଣପିଙ୍ଗଲଃ। ୧୩୩॥
ବ୍ରହ୍ମଦଣ୍ଡବିନିର୍ମାତା ଶତଘ୍ନୀପାଶଶକ୍ତିମାନ୍ ।
ପଦ୍ମଗର୍ଭୋ ମହାଗର୍ଭୋ ବ୍ରହ୍ମଗର୍ଭୋ ଜଲୋଦ୍ଭବଃ ॥ ୧୩୪॥
ଗଭସ୍ତିର୍ବ୍ରହ୍ମକୃଦ୍ବ୍ରହ୍ମୀ ବ୍ରହ୍ମବିଦ୍ବ୍ରାହ୍ମଣୋ ଗତିଃ ।
ଅନନ୍ତରୂପୋ ନୈକାତ୍ମା ତିଗ୍ମତେଜାଃ ସ୍ୱୟମ୍ଭୁବଃ ॥ ୧୩୫॥
ଊର୍ଧ୍ୱଗାତ୍ମା ପଶୁପତିର୍ୱାତରଂହା ମନୋଜବଃ ।
ଚନ୍ଦନୀ ପଦ୍ମନାଲାଗ୍ରଃ ସୁରଭ୍ୟୁତ୍ତରଣୋ ନରଃ ॥ ୧୩୬॥
କର୍ଣିକାରମହାସ୍ରଗ୍ୱୀ ନୀଲମୌଲିଃ ପିନାକଧୃତ୍ ।
ଉମାପତିରୁମାକାନ୍ତୋ ଜାହ୍ନବୀଧୃଗୁମାଧବଃ ॥ ୧୩୭॥
ବରୋ ବରାହୋ ବରଦୋ ବରେଣ୍ୟଃ ସୁମହାସ୍ୱନଃ ।
ମହାପ୍ରସାଦୋ ଦମନଃ ଶତ୍ରୁହା ଶ୍ୱେତପିଙ୍ଗଲଃ ॥ ୧୩୮॥
ପୀତାତ୍ମା ପରମାତ୍ମା ଚ ପ୍ରୟତାତ୍ମା ପ୍ରଧାନଧୃତ୍ ।
ସର୍ୱପାର୍ଶ୍ୱମୁଖସ୍ତ୍ର୍ୟକ୍ଷୋ ଧର୍ମସାଧାରଣୋ ବରଃ ॥ ୧୩୯॥
ଚରାଚରାତ୍ମା ସୂକ୍ଷ୍ମାତ୍ମା ଅମୃତୋ ଗୋବୃଷେଶ୍ୱରଃ ।
ସାଧ୍ୟର୍ଷିର୍ୱସୁରାଦିତ୍ୟୋ ବିବସ୍ୱାନ୍ସବିତାଽମୃତଃ ୧୪୦॥
ବ୍ୟାସଃ ସର୍ଗଃ ସୁସଙ୍କ୍ଷେପୋ ବିସ୍ତରଃ ପର୍ୟଯୋ ନରଃ ।
ଋତୁ ସଂବତ୍ସରୋ ମାସଃ ପକ୍ଷଃ ସଙ୍ଖ୍ୟାସମାପନଃ ॥ ୧୪୧॥
କଲା କାଷ୍ଠା ଲବା ମାତ୍ରା ମୁହୂର୍ତାହଃକ୍ଷପାଃ କ୍ଷଣାଃ ।
ବିଶ୍ୱକ୍ଷେତ୍ରଂ ପ୍ରଜାବୀଜଂ ଲିଙ୍ଗମାଦ୍ୟସ୍ତୁ ନିର୍ଗମଃ ॥ ୧୪୨॥
ସଦସଦ୍ୱ୍ୟକ୍ତମବ୍ୟକ୍ତଂ ପିତା ମାତା ପିତାମହଃ ।
ସ୍ୱର୍ଗଦ୍ୱାରଂ ପ୍ରଜାଦ୍ୱାରଂ ମୋକ୍ଷଦ୍ୱାରଂ ତ୍ରିବିଷ୍ଟପମ୍ ॥ ୧୪୩॥
ନିର୍ୱାଣଂ ହ୍ଲାଦନଶ୍ଚୈବ ବ୍ରହ୍ମଲୋକଃ ପରା ଗତିଃ ।
ଦେବାସୁରବିନିର୍ମାତା ଦେବାସୁରପରାୟଣଃ ॥ ୧୪୪॥
ଦେବାସୁରଗୁରୁର୍ଦେବୋ ଦେବାସୁରନମସ୍କୃତଃ ।
ଦେବାସୁରମହାମାତ୍ରୋ ଦେବାସୁରଗଣାଶ୍ରୟଃ ॥ ୧୪୫॥
ଦେବାସୁରଗଣାଧ୍ୟକ୍ଷୋ ଦେବାସୁରଗଣାଗ୍ରଣୀଃ ।
ଦେବାତିଦେବୋ ଦେବର୍ଷିର୍ଦେବାସୁରବରପ୍ରଦଃ ॥ ୧୪୬॥
ଦେବାସୁରେଶ୍ୱରୋ ବିଶ୍ୱୋ ଦେବାସୁରମହେଶ୍ୱରଃ ।
ସର୍ୱଦେବମୟୋଽଚିନ୍ତ୍ୟୋ ଦେବତାତ୍ମାଽଽତ୍ମସମ୍ଭବଃ ॥ ୧୪୭॥
ଉଦ୍ଭିତ୍ତ୍ରିବିକ୍ରମୋ ବୈଦ୍ୟୋ ବିରଜୋ ନୀରଜୋଽମରଃ ॥
ଈଡ୍ୟୋ ହସ୍ତୀଶ୍ୱରୋ ବ୍ୟାଘ୍ରୋ ଦେବସିଂହୋ ନରର୍ଷଭଃ ॥ ୧୪୮॥
ବିବୁଧୋଽଗ୍ରବରଃ ସୂକ୍ଷ୍ମଃ ସର୍ୱଦେବସ୍ତପୋମୟଃ ।
ସୁୟୁକ୍ତଃ ଶୋଭନୋ ବଜ୍ରୀ ପ୍ରାସାନାଂ ପ୍ରଭବୋଽବ୍ୟଯଃ ॥ ୧୪୯॥
ଗୁହଃ କାନ୍ତୋ ନିଜଃ ସର୍ଗଃ ପବିତ୍ରଂ ସର୍ୱପାବନଃ ।
ଶୃଙ୍ଗୀ ଶୃଙ୍ଗପ୍ରିୟୋ ବଭ୍ରୂ ରାଜରାଜୋ ନିରାମୟଃ ॥ ୧୫୦॥
ଅଭିରାମଃ ସୁରଗଣୋ ବିରାମଃ ସର୍ୱସାଧନଃ ।
ଲଲାଟାକ୍ଷୋ ବିଶ୍ୱଦେବୋ ହରିଣୋ ବ୍ରହ୍ମବର୍ଚସଃ ॥ ୧୫୧॥
ସ୍ଥାବରାଣାଂ ପତିଶ୍ଚୈବ ନିୟମେନ୍ଦ୍ରିୟବର୍ଧନଃ ।
ସିଦ୍ଧାର୍ଥଃ ସିଦ୍ଧଭୂତାର୍ଥୋଽଚିନ୍ତ୍ୟଃ ସତ୍ୟବ୍ରତଃ ଶୁଚିଃ ॥ ୧୫୨॥
ବ୍ରତାଧିପଃ ପରଂ ବ୍ରହ୍ମ ଭକ୍ତାନାଂ ପରମା ଗତିଃ ।
ବିମୁକ୍ତୋ ମୁକ୍ତତେଜାଶ୍ଚ ଶ୍ରୀମାନ୍ଶ୍ରୀବର୍ଧନୋ ଜଗତ୍ ॥ ୧୫୩॥
(ଇତି ସହସ୍ରନାମସ୍ତୋତ୍ରମ୍ । )
ଯଥା ପ୍ରଧାନଂ ଭଗବାନିତି ଭକ୍ତ୍ୟା ସ୍ତୁତୋ ମୟା ।
ଯନ୍ନ ବ୍ରହ୍ମାଦୟୋ ଦେବା ବିଦୁସ୍ତତ୍ତ୍ୱେନ ନର୍ଷୟଃ ।
ସ୍ତୋତବ୍ୟମର୍ଚ୍ୟଂ ବନ୍ଦ୍ୟଂ ଚ କଃ ସ୍ତୋଷ୍ୟତି ଜଗତ୍ପତିମ୍ ॥ ୧୫୪॥
ଭକ୍ତିଂ ତ୍ୱେବଂ ପୁରସ୍କୃତ୍ୟ ମୟା ଯଜ୍ଞପତିର୍ୱିଭୁଃ ।
ତତୋଽଭ୍ୟନୁଜ୍ଞାଂ ସମ୍ପ୍ରାପ୍ୟ ସ୍ତୁତୋ ମତିମତାଂ ବରଃ ॥ ୧୫୫॥
ଶିବମେଭିଃ ସ୍ତୁବନ୍ଦେବଂ ନାମଭିଃ ପୁଷ୍ଟିବର୍ଧନୈଃ ।
ନିତ୍ୟଯୁକ୍ତଃ ଶୁଚିର୍ଭକ୍ତଃ ପ୍ରାପ୍ନୋତ୍ୟାତ୍ମାନମାତ୍ମନା ॥ ୧୫୬॥
ଏତଦ୍ଧି ପରମଂ ବ୍ରହ୍ମ ପରଂ ବ୍ରହ୍ମାଧିଗଚ୍ଛତି ॥ ୧୫୭॥
ଋଷୟଶ୍ଚୈବ ଦେବାଶ୍ଚ ସ୍ତୁବନ୍ତ୍ୟେତେନ ତତ୍ପରମ୍ ॥ ୧୫୮॥
ସ୍ତୂୟମାନୋ ମହାଦେବସ୍ତୁଷ୍ୟତେ ନିୟତାତ୍ମଭିଃ ।
ଭକ୍ତାନୁକମ୍ପୀ ଭଗବାନାତ୍ମସଂସ୍ଥାକରୋ ବିଭୁଃ ॥ ୧୫୯॥
ତଥୈବ ଚ ମନୁଷ୍ୟେଷୁ ଯେ ମନୁଷ୍ୟାଃ ପ୍ରଧାନତଃ ।
ଆସ୍ତିକାଃ ଶ୍ରଦ୍ଧଧାନାଶ୍ଚ ବହୁଭିର୍ଜନ୍ମଭିଃ ସ୍ତବୈଃ ॥ ୧୬୦॥
ଭକ୍ତ୍ୟା ହ୍ୟନନ୍ୟମୀଶାନଂ ପରଂ ଦେବଂ ସନାତନମ୍ ।
କର୍ମଣା ମନସା ବାଚା ଭାବେନାମିତତେଜସଃ ॥ ୧୬୧॥
ଶୟାନା ଜାଗ୍ରମାଣାଶ୍ଚ ବ୍ରଜନ୍ନୁପବିଶଂସ୍ତଥା ।
ଉନ୍ମିଷନ୍ନିମିଷଂଶ୍ଚୈବ ଚିନ୍ତୟନ୍ତଃ ପୁନଃପନଃ ॥ ୧୬୨॥
ଶୃଣ୍ୱନ୍ତଃ ଶ୍ରାବୟନ୍ତଶ୍ଚ କଥୟନ୍ତଶ୍ଚ ତେ ଭବମ୍ ।
ସ୍ତୁବନ୍ତଃ ସ୍ତୂୟମାନାଶ୍ଚ ତୁଷ୍ୟନ୍ତି ଚ ରମନ୍ତି ଚ ॥ ୧୬୩॥
ଜନ୍ମକୋଟିସହସ୍ରେଷୁ ନାନାସଂସାରୟୋନିଷୁ ।
ଜନ୍ତୋର୍ୱିଗତପାପସ୍ୟ ଭବେ ଭକ୍ତିଃ ପ୍ରଜାୟତେ ॥ ୧୬୪॥
ଉତ୍ପନ୍ନା ଚ ଭବେ ଭକ୍ତିରନନ୍ୟା ସର୍ୱଭାବତଃ ।
ଭାବିନଃ କାରଣେ ଚାସ୍ୟ ସର୍ୱୟୁକ୍ତସ୍ୟ ସର୍ୱଥା ॥ ୧୬୫॥
ଏତଦ୍ଦେବେଷୁ ଦୁଷ୍ପ୍ରାପଂ ମନୁଷ୍ୟେଷୁ ନ ଲଭ୍ୟତେ ।
ନିର୍ୱିଘ୍ନା ନିଶ୍ଚଲା ରୁଦ୍ରେ ଭକ୍ତିରବ୍ୟଭିଚାରିଣୀ ॥ ୧୬୬॥
ତସ୍ୟୈବ ଚ ପ୍ରସାଦେନ ଭକ୍ତିରୁତ୍ପଦ୍ୟତେ ନୄଣାମ୍ ।
ଯେନ ଯାନ୍ତି ପରାଂ ସିଦ୍ଧିଂ ତଦ୍ଭାଗବତଚେତସଃ ॥ ୧୬୭॥ (ଯେ ନ)
ଯେ ସର୍ୱଭାବାନୁଗତାଃ ପ୍ରପଦ୍ୟନ୍ତେ ମହେଶ୍ୱରମ୍ ।
ପ୍ରପନ୍ନବତ୍ସଲୋ ଦେବଃ ସଂସାରାତ୍ତାନ୍ସମୁଦ୍ଧରେତ୍ ॥ ୧୬୮॥
ଏବମନ୍ୟେ ବିକୁର୍ୱନ୍ତି ଦେବାଃ ସଂସାରମୋଚନମ୍ ।
ମନୁଷ୍ୟାଣାମୃତେ ଦେବଂ ନାନ୍ୟା ଶକ୍ତିସ୍ତପୋବଲମ୍ ॥ ୧୬୯॥
ଇତି ତେନେନ୍ଦ୍ରକଲ୍ପେନ ଭଗବାନ୍ସଦସତ୍ପତିଃ ।
କୃତ୍ତିବାସାଃ ସ୍ତୁତଃ କୃଷ୍ଣ ତଣ୍ଡିନା ଶୁଭବୁଦ୍ଧିନା ॥ ୧୭୦॥
ସ୍ତବମେତଂ ଭଗବତୋ ବ୍ରହ୍ମା ସ୍ୱୟମଧାରୟତ୍ ।
ଗୀୟତେ ଚ ସ ବୁଦ୍ଧ୍ୟେତ ବ୍ରହ୍ମା ଶଙ୍କରସନ୍ନିଧୌ ॥ ୧୭୧॥
ଇଦଂ ପୁଣ୍ୟଂ ପବିତ୍ରଂ ଚ ସର୍ୱଦା ପାପନାଶନମ୍ ।
ଯୋଗଦଂ ମୋକ୍ଷଦଂ ଚୈବ ସ୍ୱର୍ଗଦଂ ତୋଷଦଂ ତଥା ॥ ୧୭୨॥
ଏବମେତତ୍ପଠନ୍ତେ ଯ ଏକଭକ୍ତ୍ୟା ତୁ ଶଙ୍କରମ୍ ।
ଯା ଗତିଃ ସାଙ୍ଖ୍ୟଯୋଗାନାଂ ବ୍ରଜନ୍ତ୍ୟେତାଂ ଗତିଂ ତଦା ॥ ୧୭୩॥
ସ୍ତବମେତଂ ପ୍ରୟତ୍ନେନ ସଦା ରୁଦ୍ରସ୍ୟ ସନ୍ନିଧୌ ।
ଅବ୍ଦମେକଂ ଚରେଦ୍ଭକ୍ତଃ ପ୍ରାପ୍ନୁୟାଦୀପ୍ସିତଂ ଫଲମ୍ ॥ ୧୭୪॥
ଏତଦ୍ରହସ୍ୟଂ ପରମଂ ବ୍ରହ୍ମଣୋ ହୃଦି ସଂସ୍ଥିତମ୍ ।
ବ୍ରହ୍ମା ପ୍ରୋବାଚ ଶକ୍ରାୟ ଶକ୍ରଃ ପ୍ରୋବାଚ ମୃତ୍ୟବେ ॥ ୧୭୫॥
ମୃତ୍ୟୁଃ ପ୍ରୋବାଚ ରୁଦ୍ରେଭ୍ୟୋ ରୁଦ୍ରେଭ୍ୟସ୍ତଣ୍ଡିମାଗମତ୍ ।
ମହତା ତପସା ପ୍ରାପ୍ତସ୍ତଣ୍ଡିନା ବ୍ରହ୍ମସଦ୍ମନି ॥ ୧୭୬॥
ତଣ୍ଡିଃ ପ୍ରୋବାଚ ଶୁକ୍ରାୟ ଗୌତମାୟ ଚ ଭାର୍ଗବଃ ।
ବୈବସ୍ୱତାୟ ମନବେ ଗୌତମଃ ପ୍ରାହ ମାଧବ ॥ ୧୭୭॥
ନାରାୟଣାୟ ସାଧ୍ୟାୟ ସମାଧିଷ୍ଠାୟ ଧୀମତେ ।
ଯମାୟ ପ୍ରାହ ଭଗବାନ୍ସାଧ୍ୟୋ ନାରାୟଣୋଽଚ୍ୟୁତଃ ॥ ୧୭୮॥
ନାଚିକେତାୟ ଭଗବାନାହ ବୈବସ୍ୱତୋ ଯମଃ ।
ମାର୍କଣ୍ଡେୟାୟ ବାର୍ଷ୍ଣେୟ ନାଚିକେତୋଽଭ୍ୟଭାଷତ ॥ ୧୭୯॥
ମାର୍କଣ୍ଡେୟାନ୍ମୟା ପ୍ରାପ୍ତୋ ନିୟମେନ ଜନାର୍ଦନ ।
ତବାପ୍ୟହମମିତ୍ରଘ୍ନ ସ୍ତବଂ ଦଦ୍ୟାଂ ହ୍ୟବିଶ୍ରୁତମ୍ ॥ ୧୮୦॥
ସ୍ୱର୍ଗ୍ୟମାରୋଗ୍ୟମାୟୁଷ୍ୟଂ ଧନ୍ୟଂ ବେଦେନ ସଂମିତମ୍ ।
ନାସ୍ୟ ବିଘ୍ନଂ ବିକୁର୍ୱନ୍ତି ଦାନବା ଯକ୍ଷରାକ୍ଷସାଃ ॥ ୧୮୧॥
ପିଶାଚା ଯାତୁଧାନା ବା ଗୁହ୍ୟକା ଭୁଜଗା ଅପି ।
ଯଃ ପଠେତ ଶୁଚିଃ ପାର୍ଥ ବ୍ରହ୍ମଚାରୀ ଜିତେନ୍ଦ୍ରିୟଃ ।
ଅଭଗ୍ନୟୋଗୋ ବର୍ଷଂ ତୁ ସୋଽଶ୍ୱମେଧଫଲଂ ଲଭେତ୍ ॥ ୧୮୨॥
ଇତି ଶ୍ରୀମନ୍ମହାଭାରତେ ଅନୁଶାସନପର୍ୱଣି ଦାନଧର୍ମପର୍ୱଣି
ଅଷ୍ଟଚତ୍ୱାରିଂଶୋଽଧ୍ୟାୟଃ ॥ ୪୮ ॥
ଶ୍ରୀମହାଦେବସହସ୍ରନାମସ୍ତୋତ୍ରଂ ସମାପ୍ତମ୍ ।
Read in More Languages:- sanskritकालभैरव सहस्रनामावली
- sanskritश्री शिव सहस्रनामावली
- punjabiਸ਼੍ਰੀ ਸ਼ਿਵਸਹਸ੍ਰਨਾਮ ਸ੍ਤੋਤ੍ਰਮ੍
- bengaliশ্রী শিবসহস্রনাম স্তোত্রম্
- assameseশ্ৰী শিৱসহস্ৰনাম স্তোত্ৰম্
- teluguశ్రీ శివసహస్రనామ స్తోత్రం
- tamilஶ்ரீ ஶிவஸஹஸ்ரநாம ஸ்தோத்ரம்
- kannadaಶ್ರೀ ಶಿವಸಹಸ್ರನಾಮ ಸ್ತೋತ್ರಂ
- gujaratiશ્રી શિવસહસ્રનામ સ્તોત્રમ્
- malayalamശ്രീ ശിവസഹസ്രനാമ സ്തോത്രം
- hindiश्री दक्षिणामूर्ति सहस्रनामावलि
- sanskritश्री अर्धनारीश्वर सहस्रनामावली
- sanskritरुद्रयामल भगवान शिव सहस्रनामावली
- sanskritमहाकाल सहस्रनामावली
Found a Mistake or Error? Report it Now
