|| Sri Gayatri Aksharavalli Stotram ||
tatkāraṁ campakaṁ pītaṁ brahmaviṣṇuśivātmakam |
śāntaṁ padmāsanārūḍhaṁ dhyāyēt svasthāna saṁsthitam || 1 ||
sakāraṁ cintayēcchāntaṁ atasīpuṣpasannibham |
padmamadhyasthitaṁ kāmyamupapātakanāśanam || 2 ||
vikāraṁ kapilaṁ cintyaṁ kamalāsanasaṁsthitam |
dhyāyēcchāntaṁ dvijaśrēṣṭhō mahāpātakanāśanam || 3 ||
tukāraṁ cintayētprājña indranīlasamaprabham |
nirdahētsarvaduḥkhastu graharōgasamudbhavam || 4 ||
vakāraṁ vahnidīptābhaṁ cintayitvā vicakṣaṇaḥ |
bhrūṇahatyākr̥taṁ pāpaṁ takṣaṇādēva nāśayēt || 5 ||
rēkāraṁ vimalaṁ dhyāyēcchuddhasphaṭikasannibham |
pāpaṁ naśyati tat kṣipramagamyāgamanōdbhavam || 6 ||
ṇikāraṁ cintayēdyōgī vidyudvallīsamaprabham |
abhakṣyabhakṣajaṁ pāpaṁ tatkṣaṇādēva naśyati || 7 ||
yaṅkāraṁ tārakāvarṇaminduśēkharabhūṣitam |
yōgināṁ varadaṁ dhyāyēdbrahmahatyāghanāśanam || 8 ||
bhakāraṁ kr̥ṣṇavarṇaṁ tu nīlamēghasamaprabham |
dhyātvā puruṣahatyādi pāpaṁ nāśayati dvijaḥ || 9 ||
rgōkāraṁ raktavarṇaṁ tu kamalāsana saṁsthitam |
taṁ gōhatyākr̥taṁ pāpaṁ nāśayēcca vicintayan || 10 ||
dēkāraṁ makaraśyāmaṁ kamalāsanasaṁsthitam |
cintayētsatataṁ yōgī strīhatyādahanaṁ param || 11 ||
vakāraṁ śuklavarṇaṁ tu jājīpuṣpasamaprabham |
guruhatyā kr̥taṁ pāpaṁ dhyātvā dahati tatkṣaṇāt || 12 ||
syakāraṁ ca tadā pītaṁ suvarṇa sadr̥śaprabham |
manasā cintitaṁ pāpaṁ dhyātvā dahati niścayam || 13 ||
dhīkāraṁ cintayēcchubhraṁ kundapuṣpasamaprabham |
pitr̥mātr̥vadhātpāpānmucyatē nātra saṁśayaḥ || 14 ||
makāraṁ padmarāgābhāṁ cintayēddīptatējasam |
pūrvajanmārjitaṁ pāpaṁ tatkṣaṇādēva naśyati || 15 ||
hikāraṁ śaṅkhavarṇaṁ ca pūrṇacandrasamaprabham |
aśēṣapāpadahanaṁ dhyāyēnnityaṁ vicakṣaṇaḥ || 16 ||
dhikāraṁ pāṇḍuraṁ dhyāyētpadmasyōparisaṁsthitam |
pratigrahakr̥taṁ pāpaṁ tatkṣaṇādēva naśyati || 17 ||
yōkāraṁ raktavarṇaṁ tu indragōpasamaprabham |
dhyātvā prāṇivadhaṁ pāpaṁ dahatyagnirivēndhanam || 18 ||
dvitīyaccaiva yaḥ prāktō yōkārō raktasannibhaḥ |
nirdahētsarvapāpāni nānyaiḥ pāpaiśca lipyatē || 19 ||
nakāraṁ tu mukhaṁ pūrvamādityōdayasannibham |
sakr̥ddhyātvā dvijaśrēṣṭha sagacchēdaiśvaraṁ param || 20 ||
nīlōtpaladalaśyāmaṁ prakāraṁ dakṣiṇānanam |
sakr̥ddhyātvā dvijaśrēṣṭha sagacchēdvaiṣṇavaṁ padam || 21 ||
śvētavarṇaṁ tu tatpītaṁ cōkāraṁ paścimānanam |
sakr̥ddhyātvā dvijaśrēṣṭha rudrēṇa sahamōdatē || 22 ||
śuklavarṇēndusaṅkāśaṁ dakāraṁ cōttarānanam |
sakr̥ddhyātvā dvijaśrēṣṭha sagacchēdbrahmaṇaḥpadam || 23 ||
yātkārastu śiraḥ prōktaścaturthavadanaprabhaḥ |
pratyakṣa phaladō brahmā viṣṇu rudrātmakaḥ smr̥taḥ || 24 ||
ēvaṁ dhyātvā tu mēdhāvī japaṁ hōmaṁ karōti yaḥ |
na bhavētpātakaṁ tasya amr̥taṁ kiṁ na vidyatē |
sākṣādbhavatyasau brahmā svayambhūḥ paramēśvaraḥ || 25 ||
iti śrī gāyatryakṣaravallī stōtram |
Found a Mistake or Error? Report it Now
