।। वटसावित्रीची आरती ।।
अश्वपती पुसता झाला । नारद सांगताती तयाला ।।
अल्पायुषी सत्यवंत । सावित्रीनें का प्रणीला ।।
आणखी वर वरी बाळे । मनीं निश्चय जो केला ।।
आरती वडराजा ।। १ ।।
दयावंत यमदूजा । सत्यवंत ही सावित्री ।।
भावे करीन मी पूजा । आरती वडराजा ।। धृ।।
ज्येष्ठामास त्रयोदशी । करिती पूजन वडाशीं ।।
त्रिरात्र व्रत करूनीया । जिंकी तूं सत्यवंताशी ।
आरती वडराजा ।। २ ।।
स्वर्गावरी जाऊनियां । अग्निखांब कचळीला ।।
धर्मराजा उचकला। हत्या घालील जीवाला ।
येई ग पतिव्रते ।। पती नेई गे आपुला ।।
आरती वडराजा ।। ३ ।।
जाऊनियां यमापाशीं । मागतसे आपुला पती ।।
चारी वर देऊनियां । दयावंता द्यावा पती ।।
आरती वडराजा ।। ४ ।।
पतिव्रते तुझी कीर्ति । ऐकुनी ज्या नारी ।।
तुझें व्रतें आचरती । तुझी भुवनें पावती ।।
आरती वडराजा ।। ५ ।।
पतिव्रते तुझी स्तुती । त्रिभुवनी ज्या करिती ।।
स्वर्गी पुष्पवृष्टी । करुनियां आणिलासी आपुला पती ।
अभय देऊनियां । पतिव्रते तारी त्यासी ।। ६ ।।
- hindiमाता पार्वती – आरती
- marathiमंगलागौरी नाम तुझे – मंगळागौरीची आरती
- marathiश्रीहरितालिकेची आरती
- englishParvati Mata Aarti
- hindiश्री गौरी माँ की आरती
- englishShri Gauri Maa Aarti
- hindiश्री पार्वती जी की आरती
Found a Mistake or Error? Report it Now
