ஶ்ரீ விஷ்ணு பாதா³தி³கேஶாந்தவர்ணன ஸ்தோத்ரம்

|| ஶ்ரீ விஷ்ணு பாதா³தி³கேஶாந்தவர்ணன ஸ்தோத்ரம் ||

லக்ஷ்மீப⁴ர்துர்பு⁴ஜாக்³ரே க்ருதவஸதி ஸிதம் யஸ்ய ரூபம் விஶாலம்
நீலாத்³ரேஸ்துங்க³ஶ்ருங்க³ஸ்தி²தமிவ ரஜநீநாத²பி³ம்ப³ம் விபா⁴தி ।
பாயாந்ந꞉ பாஞ்சஜந்ய꞉ ஸ தி³திஸுதகுலத்ராஸநை꞉ பூரயந்ஸ்வை-
-ர்நித்⁴வாநைர்நீரதௌ³க⁴த்⁴வநிபரிப⁴வதை³ரம்ப³ரம் கம்பு³ராஜ꞉ ॥ 1 ॥

ஆஹுர்யஸ்ய ஸ்வரூபம் க்ஷணமுக²மகி²லம் ஸூரய꞉ காலமேதம்
த்⁴வாந்தஸ்யைகாந்தமந்தம் யத³பி ச பரமம் ஸர்வதா⁴ம்நாம் ச தா⁴ம ।
சக்ரம் தச்சக்ரபாணேர்தி³திஜதநுக³ளத்³ரக்ததா⁴ராக்ததா⁴ரம்
ஶஶ்வந்நோ விஶ்வவந்த்³யம் விதரது விபுலம் ஶர்ம த⁴ர்மாம்ஶுஶோப⁴ம் ॥ 2 ॥

அவ்யாந்நிர்கா⁴தகோ⁴ரோ ஹரிபு⁴ஜபவநாமர்ஶநாத்⁴மாதமூர்தே-
-ரஸ்மாந்விஸ்மேரநேத்ரத்ரித³ஶநுதிவச꞉ஸாது⁴காரை꞉ ஸுதார꞉ ।
ஸர்வம் ஸம்ஹர்துமிச்சோ²ரரிகுலபு⁴வந ஸ்பா²ரவிஷ்பா²ரநாத³꞉
ஸம்யத்கல்பாந்தஸிந்தௌ⁴ ஶரஸலிலக⁴டாவார்முச꞉ கார்முகஸ்ய ॥ 3 ॥

ஜீமூதஶ்யாமபா⁴ஸா முஹுரபி ப⁴க³வத்³பா³ஹுநா மோஹயந்தீ
யுத்³தே⁴ஷூத்³தூ⁴யமாநா ஜ²டிதி தடிதி³வாலக்ஷ்யதே யஸ்ய மூர்தி꞉ ।
ஸோ(அ)ஸிஸ்த்ராஸாகுலாக்ஷத்ரித³ஶரிபுவபு꞉ஶோணிதாஸ்வாத³த்ருப்தோ
நித்யாநந்தா³ய பூ⁴யாந்மது⁴மத²நமநோநந்த³நோ நந்த³கோ ந꞉ ॥ 4 ॥

கம்ராகாரா முராரே꞉ கரகமலதலேநாநுராகா³த்³க்³ருஹீதா
ஸம்யக்³வ்ருத்தா ஸ்தி²தாக்³ரே ஸபதி³ ந ஸஹதே த³ர்ஶநம் யா பரேஷாம் ।
ராஜந்தீ தை³த்யஜீவாஸவமத³முதி³தா லோஹிதாலேபநார்த்³ரா
காமம் தீ³ப்தாம்ஶுகாந்தா ப்ரதி³ஶது த³யிதேவாஸ்ய கௌமோத³கீ ந꞉ ॥ 5 ॥

யோ விஶ்வப்ராணபூ⁴தஸ்தநுரபி ச ஹரேர்யாநகேதுஸ்வரூபோ
யம் ஸஞ்சிந்த்யைவ ஸத்³ய꞉ ஸ்வயமுரக³வதூ⁴வர்க³க³ர்பா⁴꞉ பதந்தி ।
சஞ்சச்சண்டோ³ருதுண்ட³த்ருடிதப²ணிவஸாரக்தபங்காங்கிதஸ்யம்
வந்தே³ ச²ந்தோ³மயம் தம் க²க³பதிமமலஸ்வர்ணவர்ணம் ஸுபர்ணம் ॥ 6 ॥

விஷ்ணோர்விஶ்வேஶ்வரஸ்ய ப்ரவரஶயநக்ருத்ஸர்வலோகைகத⁴ர்தா
ஸோ(அ)நந்த꞉ ஸர்வபூ⁴த꞉ ப்ருது²விமலயஶா꞉ ஸர்வவேதை³ஶ்ச வேத்³ய꞉ ।
பாதா விஶ்வஸ்ய ஶஶ்வத்ஸகலஸுரரிபுத்⁴வம்ஸந꞉ பாபஹந்தா
ஸர்வஜ்ஞ꞉ ஸர்வஸாக்ஷீ ஸகலவிஷப⁴யாத்பாது போ⁴கீ³ஶ்வரோ ந꞉ ॥ 7 ॥

வாக்³பூ⁴கை³ர்யாதி³பே⁴தை³ர்விது³ரிஹ முநயோ யாம் யதீ³யைஶ்ச பும்ஸாம்
காருண்யார்த்³ரை꞉ கடாக்ஷை꞉ ஸக்ருத³பி பதிதை꞉ ஸம்பத³꞉ ஸ்யு꞉ ஸமக்³ரா꞉ ।
குந்தே³ந்து³ஸ்வச்ச²மந்த³ஸ்மிதமது⁴ரமுகா²ம்போ⁴ருஹாம் ஸுந்த³ராங்கீ³ம்
வந்தே³ வந்த்³யாமஶேஷைரபி முரபி⁴து³ரோமந்தி³ராமிந்தி³ராம் தாம் ॥ 8 ॥

யா ஸூதே ஸத்த்வஜாலம் ஸகலமபி ஸதா³ ஸம்நிதா⁴நேந பும்ஸோ
த⁴த்தே யா தத்த்வயோகா³ச்சரமசரமித³ம் பூ⁴தயே பூ⁴தஜாதம் ।
தா⁴த்ரீம் ஸ்தா²த்ரீம் ஜநித்ரீம் ப்ரக்ருதிமவிக்ருதிம் விஶ்வஶக்திம் விதா⁴த்ரீம்
விஷ்ணோர்விஶ்வாத்மநஸ்தாம் விபுலகு³ணமயீம் ப்ராணநாதா²ம் ப்ரணௌமி ॥ 9 ॥

யேப்⁴யோ(அ)ஸூயத்³பி⁴ருச்சை꞉ ஸபதி³ பத³முரு த்யஜ்யதே தை³த்யவர்கை³-
-ர்யேபோ⁴ த⁴ர்தும் ச மூர்த்⁴நா ஸ்ப்ருஹயதி ஸததம் ஸர்வகீ³ர்வாணவர்க³꞉ ।
நித்யம் நிர்மூலயேயுர்நிசிததரமமீ ப⁴க்திநிக்⁴நாத்மநாம் ந꞉
பத்³மாக்ஷஸ்யாங்க்⁴ரிபத்³மத்³வயதலநிலயா꞉ பாம்ஸவ꞉ பாபபங்கம் ॥ 10 ॥

ரேகா² லேகா²தி³வந்த்³யாஶ்சரணதலக³தாஶ்சக்ரமத்ஸ்யாதி³ரூபா꞉
ஸ்நிக்³தா⁴꞉ ஸூக்ஷ்மா꞉ ஸுஜாதா ம்ருது³ளலிததரக்ஷௌமஸூத்ராயமாணா꞉ ।
த³த்³யுர்நோ மங்க³ளாநி ப்⁴ரமரப⁴ரஜுஷா கோமளேநாப்³தி⁴ஜாயா꞉
கம்ரேணாம்ரேட்³யமாநா꞉ கிஸலயம்ருது³நா பாணிநா சக்ரபாணே꞉ ॥ 11 ॥

யஸ்மாதா³க்ராமதோ த்³யாம் க³ருட³மணிஶிலாகேதுத³ண்டா³யமாநா
தா³ஶ்ச்யோதந்தீ ப³பா⁴ஸே ஸுரஸரித³மலா வைஜயந்தீவ காந்தா ।
பூ⁴மிஷ்டோ² யஸ்ததா²ந்யோ பு⁴வநக்³ருஹப்³ருஹத்ஸ்தம்ப⁴ஶோபா⁴ம் த³தௌ⁴ ந꞉
பாதாமேதௌ பாயோஜோத³ரளலிததலௌ பங்கஜாக்ஷஸ்ய பாதௌ³ ॥ 12 ॥

ஆக்ராமத்³ப்⁴யாம் த்ரிலோகீமஸுரஸுரபதீ தத்க்ஷணாதே³வ நீதௌ
யாப்⁴யாம் வைரோசநீந்த்³ரௌ யுக³பத³பி விபத்ஸம்பதோ³ரேகதா⁴ம꞉ ।
தாப்⁴யாம் தாம்ரோத³ராப்⁴யாம் முஹுரஹமஜிதஸ்யாஞ்சிதாப்⁴யாமுபா⁴ப்⁴யாம்
ப்ராஜ்யைஶ்வர்யப்ரதா³ப்⁴யாம் ப்ரணதிமுபக³த꞉ பாத³பங்கேருஹாப்⁴யாம் ॥ 13 ॥

யேப்⁴யோ வர்ணஶ்சதுர்த²ஶ்சரமத உத³பூ⁴தா³தி³ஸர்கே³ ப்ரஜாநாம்
ஸாஹஸ்ரீ சாபி ஸங்க்²யா ப்ரகடமபி⁴ஹிதா ஸர்வவேதே³ஷு யேஷாம் ।
ப்ராப்தா விஶ்வம்ப⁴ரா யைரதிவிதததநோர்விஶ்வமூர்தேர்விராஜோ
விஷ்ணோஸ்தேப்⁴யோ மஹத்³ப்⁴ய꞉ ஸததமபி நமோ(அ)ஸ்த்வங்க்⁴ரிபங்கேருஹேப்⁴ய꞉ ॥ 14 ॥

விஷ்ணோ꞉ பாத³த்³வயாக்³ரே விமலநக²மணிப்⁴ராஜிதா ராஜதே யா
ராஜீவஸ்யேவ ரம்யா ஹிமஜலகணிகாலங்க்ருதாக்³ரா த³ளாலீ ।
அஸ்மாகம் விஸ்மயார்ஹாண்யகி²லஜநமந ப்ரார்த²நீயா ஹி ஸேயம்
த³த்³யாதா³த்³யாநவத்³யா ததிரதிருசிரா மங்க³ளாந்யங்கு³ளீநாம் ॥ 15 ॥

யஸ்யாம் த்³ருஷ்ட்வாமலாயாம் ப்ரதிக்ருதிமமரா꞉ ஸம்ப⁴வந்த்யாநமந்த꞉
ஸேந்த்³ரா꞉ ஸாந்த்³ரீக்ருதேர்ஷ்யாஸ்த்வபரஸுரகுலாஶங்கயாதங்கவந்த꞉ ।
ஸா ஸத்³ய꞉ ஸாதிரேகாம் ஸகலஸுக²கரீம் ஸம்பத³ம் ஸாத⁴யேந்ந-
-ஶ்சஞ்சச்சார்வம்ஶுசக்ரா சரணநலிநயோஶ்சக்ரபாணேர்நகா²லீ ॥ 16 ॥

பாதா³ம்போ⁴ஜந்மஸேவாஸமவநதஸுரவ்ராதபா⁴ஸ்வத்கிரீட-
-ப்ரத்யுப்தோச்சாவசாஶ்மப்ரவரகரக³ணைஶ்சிந்திதம் யத்³விபா⁴தி ।
நம்ராங்கா³நாம் ஹரேர்நோ ஹரிது³பலமஹாகூர்மஸௌந்த³ர்யஹாரி-
-ச்சா²யம் ஶ்ரேய꞉ப்ரதா³யி ப்ரபத³யுக³மித³ம் ப்ராபயேத்பாபமந்தம் ॥ 17 ॥

ஶ்ரீமத்யௌ சாருவ்ருத்தே கரபரிமளநாநந்த³ஹ்ருஷ்டே ரமாயா꞉
ஸௌந்த³ர்யாட்⁴யேந்த்³ரநீலோபலரசிதமஹாத³ண்ட³யோ꞉ காந்திசோரே ।
ஸூரீந்த்³ரை꞉ ஸ்தூயமாநே ஸுரகுலஸுக²தே³ ஸூதி³தாராதிஸங்கே⁴
ஜங்கே⁴ நாராயணீயே முஹுரபி ஜயதாமஸ்மத³ம்ஹோ ஹரந்த்யௌ ॥ 18 ॥

ஸம்யக்ஸாஹ்யம் விதா⁴தும் ஸமமிவ ஸததம் ஜங்க⁴யோ꞉ கி²ந்நயோர்யே
பா⁴ரீபூ⁴தோருத³ண்ட³த்³வயப⁴ரணக்ருதோத்தம்ப⁴பா⁴வம் ப⁴ஜேதே ।
சித்தாத³ர்ஶம் நிதா⁴தும் மஹிதமிவ ஸதாம் தே ஸமுத்³ராயமாநே
வ்ருத்தாகாரே வித⁴த்தாம் ஹ்யதி³ முத³மஜிதஸ்யாநிஶம் ஜாநுநீ ந꞉ ॥ 19 ॥

தே³வோ பீ⁴திம் விதா⁴து꞉ ஸபதி³ வித³த⁴தௌ கைடபா⁴க்²யம் மது⁴ம் சா-
-ப்யாரோப்யாரூட⁴க³ர்வாவதி⁴ஜலதி⁴ யயோராதி³தை³த்யௌ ஜகா⁴ந ।
வ்ருத்தாவந்யோந்யதுல்யௌ சதுரமுபசயம் பி³ப்⁴ரதாவப்⁴ரநீலா-
-வூரூ சாரூ ஹரேஸ்தௌ முத³மதிஶயிநீம் மாநஸே நோ வித⁴த்தாம் ॥ 20 ॥

பீதேந த்³யோததே யச்சதுரபரிஹிதேநாம்ப³ரேணாத்யுதா³ரம்
ஜாதாலங்காரயோக³ம் ஜலமிவ ஜலதே⁴ர்பா³ட³பா³க்³நிப்ரபா⁴பி⁴꞉ ।
ஏதத்பாதித்யதா³ந்நோ ஜக⁴நமதிக⁴நாதே³நஸோ மாநநீயம்
ஸாதத்யேநைவ சேதோவிஷயமவதரத்பாது பீதாம்ப³ரஸ்ய ॥ 21 ॥

யஸ்யா தா³ம்நா த்ரிதா⁴ம்நோ ஜக⁴நகலிதயா ப்⁴ராஜதே(அ)ங்க³ம் யதா²ப்³தே⁴-
-ர்மத்⁴யஸ்தோ² மந்த³ராத்³ரிர்பு⁴ஜக³பதிமஹாபோ⁴க³ஸம்நத்³த⁴மத்⁴ய꞉ ।
காஞ்சீ ஸா காஞ்சநாபா⁴ மணிவரகிரணைருல்லஸத்³பி⁴꞉ ப்ரதீ³ப்தா
கல்யாம் கல்யாணதா³த்ரீம் மம மதிமநிஶம் கம்ரரூபாம் கரோது ॥ 22 ॥

உந்நம்ரம் கம்ரமுச்சைருபசிதமுத³பூ⁴த்³யத்ர பத்ரைர்விசித்ரை꞉
பூர்வம் கீ³ர்வாணபூஜ்யம் கமலஜமது⁴பஸ்யாஸ்பத³ம் தத்பயோஜம் ।
யஸ்மிந்நீலாஶ்மநீலைஸ்தரளருசிஜலை꞉ பூரிதே கேலிபு³த்³த்⁴யா
நாலீகாக்ஷஸ்ய நாபீ⁴ஸரஸி வஸது நஶ்சித்தஹம்ஸஶ்சிராய ॥ 23 ॥

பாதாலம் யஸ்ய நாலம் வலயமபி தி³ஶாம் பத்ரபங்க்தீர்நகே³ந்த்³ரா-
-ந்வித்³வாம்ஸ꞉ கேஸராளீர்விது³ரிஹ விபுலாம் கர்ணிகாம் ஸ்வர்ணஶைலம் ।
பூ⁴யாத்³கா³யத்ஸ்வயம்பூ⁴மது⁴கரப⁴வநம் பூ⁴மயம் காமத³ம் நோ
நாலீகம் நாபி⁴பத்³மாகரப⁴வமுரு தந்நாக³ஶய்யஸ்ய ஶௌரே꞉ ॥ 24 ॥

ஆதௌ³ கல்பஸ்ய யஸ்மாத்ப்ரப⁴வதி விததம் விஶ்வமேதத்³விகல்பை꞉
கல்பாந்தே யஸ்ய சாந்த ப்ரவிஶதி ஸகலம் ஸ்தா²வரம் ஜங்க³மம் ச ।
அத்யந்தாசிந்த்யமூர்தேஶ்சிரதரமஜிதஸ்யாந்தரிக்ஷஸ்வரூபே
தஸ்மிந்நஸ்மாகமந்த꞉கரணமதிமுதா³ க்ரீட³தாத்க்ரோட³பா⁴கே³ ॥ 25 ॥

காந்த்யம்ப⁴꞉பூரபூர்ணே லஸத³ஸிதவலீப⁴ங்க³பா⁴ஸ்வத்தரங்கே³
க³ம்பீ⁴ராகாரநாபீ⁴சதுரதரமஹாவர்தஶோபி⁴ந்யுதா³ரே ।
க்ரீட³த்வாநத்³வஹேமோத³ரநஹநமஹாபா³ட³பா³க்³நிப்ரபா⁴ட்⁴யே
காமம் தா³மோத³ரீயோத³ரஸலிலநிதௌ⁴ சித்தமத்ஸ்யஶ்சிரம் ந꞉ ॥ 26 ॥

நாபீ⁴நாலீகமூலாத³தி⁴கபரிமளோந்மோஹிதாநாமலீநாம்
மாலா நீலேவ யாந்தீ ஸ்பு²ரதி ருசிமதீ வக்த்ரபத்³மோந்முகீ² யா ।
ரம்யா ஸா ரோமராஜிர்மஹிதருசிகரீ மத்⁴யபா⁴க³ஸ்ய விஷ்ணோ-
-ஶ்சித்தஸ்தா² மா விரம்ஸீச்சிரதரமுசிதாம் ஸாத⁴யந்தீ ஶ்ரியம் ந꞉ ॥ 27 ॥

ஸம்ஸ்தீர்ணம் கௌஸ்துபா⁴ம்ஶுப்ரஸரகிஸலயைர்முக்³த⁴முக்தாப²லாட்⁴யம்
ஶ்ரீவத்ஸோல்லாஸி பு²ல்லப்ரதிநவவநமாலாங்கி ராஜத்³பு⁴ஜாந்தம் ।
வக்ஷ꞉ ஶ்ரீவ்ருக்ஷகாந்தம் மது⁴கரநிகரஶ்யாமளம் ஶார்ங்க³பாணே꞉
ஸம்ஸாராத்⁴வஶ்ரமார்தைருபவநமிவ யத்ஸேவிதம் தத்ப்ரபத்³யே ॥ 28 ॥

காந்தம் வக்ஷோ நிதாந்தம் வித³த⁴தி³வ க³ளம் காளிமா காலஶத்ரோ-
-ரிந்தோ³ர்பி³ம்ப³ம் யதா²ங்கோ மது⁴ப இவ தரோர்மஞ்ஜரீம் ராஜதே ய꞉ ।
ஶ்ரீமாந்நித்யம் விதே⁴யாத³விரளமிலித꞉ கௌஸ்துப⁴ஶ்ரீப்ரதாநை꞉
ஶ்ரீவத்ஸ꞉ ஶ்ரீபதே꞉ ஸ ஶ்ரிய இவ த³யிதோ வத்ஸ உச்சை꞉ஶ்ரியம் ந꞉ ॥ 29 ॥

ஸம்பூ⁴யாம்போ⁴தி⁴மத்⁴யாத்ஸபதி³ ஸஹஜயா ய꞉ ஶ்ரியா ஸம்நித⁴த்தே
நீலே நாராயணோர꞉ஸ்த²லக³க³நதலே ஹாரதாரோபஸேவ்யே ।
ஆஶா꞉ ஸர்வா꞉ ப்ரகாஶா வித³த⁴த³பித³த⁴ச்சாத்மபா⁴ஸாந்யதேஜா-
-ஸ்யாஶ்சர்யஸ்யாகரோ நோ த்³யுமணிரிவ மணி꞉ கௌஸ்துப⁴꞉ ஸோ(அ)ஸ்துபூ⁴த்யை ॥ 30 ॥

யா வாயாவாநுகூல்யாத்ஸரதி மணிருசா பா⁴ஸமாநா ஸமாநா
ஸாகம் ஸாகம்பமம்ஸே வஸதி வித³த⁴தீ வாஸுப⁴த்³ரம் ஸுப⁴த்³ரம் ।
ஸாரம் ஸாரங்க³ஸங்கை⁴ர்முக²ரிதகுஸுமா மேசகாந்தா ச காந்தா
மாலா மாலாலிதாஸ்மாந்ந விரமது ஸுகை²ர்யோஜயந்தீ ஜயந்தீ ॥ 31 ॥

ஹாரஸ்யோருப்ரபா⁴பி⁴꞉ ப்ரதிநவவநமாலாஶுபி⁴꞉ ப்ராம்ஶுரூபை꞉
ஶ்ரீபி⁴ஶ்சாப்யங்க³தா³நாம் கப³லிதருசி யந்நிஷ்கபா⁴பி⁴ஶ்ச பா⁴தி ।
பா³ஹுல்யேநைவ ப³த்³தா⁴ஞ்ஜலிபுடமஜிதஸ்யாபி⁴யாசாமஹே த-
-த்³வந்தா⁴ர்திம் பா³த⁴தாம் நோ ப³ஹுவிஹதிகரீம் ப³ந்து⁴ரம் பா³ஹுமூலம் ॥ 32 ॥

விஶ்வத்ராணைகதீ³க்ஷாஸ்தத³நுகு³ணகு³ணக்ஷத்ரநிர்மாணத³க்ஷா꞉
கர்தாரோ து³ர்நிரூபஸ்பு²டகு³ணயஶஸா கர்மணாமத்³பு⁴தாநாம் ।
ஶார்ங்க³ம் பா³ணம் க்ருபாணம் ப²லகமரிக³தே³ பத்³மஶங்கௌ² ஸஹஸ்ரம்
பி³ப்⁴ராணா꞉ ஶஸ்த்ரஜாலம் மம த³த⁴து ஹரேர்பா³ஹவோ மோஹஹாநிம் ॥ 33 ॥

கண்டா²கல்போத்³க³தைர்ய꞉ கநகமயலஸத்குண்ட³லோத்தை²ருதா³ரை-
-ருத்³யோதை꞉ கௌஸ்துப⁴ஸ்யாப்யுருபி⁴ருபசிதஶ்சித்ரவர்ணோ விபா⁴தி ।
கண்டா²ஶ்லேஷே ரமாயா꞉ கரவலயபதை³ர்முத்³ரிதே ப⁴த்³ரரூபே
வைகுண்டீ²யே(அ)த்ர கண்டே² வஸது மம மதி꞉ குண்ட²பா⁴வம் விஹாய ॥ 34 ॥

பத்³மாநந்த³ப்ரதா³தா பரிலஸத³ருணஶ்ரீபரீதாக்³ரபா⁴க³꞉
காலே காலே ச கம்பு³ப்ரவரஶஶத⁴ராபூரணே ய꞉ ப்ரவீண꞉ ।
வக்த்ராகாஶாந்தரஸ்த²ஸ்திரயதி நிதராம் த³ந்ததாரௌக⁴ஶோபா⁴ம்
ஶ்ரீப⁴ர்துர்த³ந்தவாஸோத்³யுமணிரக⁴தமோநாஶநாயாஸ்த்வஸௌ ந꞉ ॥ 35 ॥

நித்யம் ஸ்நேஹாதிரேகாந்நிஜகமிதுரளம் விப்ரயோகா³க்ஷமா யா
வக்த்ரேந்தோ³ரந்தராளே க்ருதவஸதிரிவாபா⁴தி நக்ஷத்ரராஜி꞉ ।
லக்ஷ்மீகாந்தஸ்ய காந்தாக்ருதிரதிவிளஸந்முக்³த⁴முக்தாவளிஶ்ரீ-
-ர்த³ந்தாலீ ஸந்ததம் ஸா நதிநுதிநிரதாநக்ஷதாந்ரக்ஷதாந்ந꞉ ॥ 36 ॥

ப்³ரஹ்மந்ப்³ரஹ்மண்யஜிஹ்மாம் மதிமபி குருஷே தே³வ ஸம்பா⁴வயே த்வாம்
ஶம்போ⁴ ஶக்ர த்ரிலோகீமவஸி கிமமரைர்நாரதா³த்³யா꞉ ஸுக²ம் வ꞉ ।
இத்த²ம் ஸேவாவநம்ரம் ஸுரமுநிநிகரம் வீக்ஷ்ய விஷ்ணோ꞉ ப்ரஸந்ந-
-ஸ்யாஸ்யேந்தோ³ராஸ்ரவந்தீ வரவசநஸுதா⁴ஹ்லாத³யேந்மாநஸம் ந꞉ ॥ 37 ॥

கர்ணஸ்த²ஸ்வர்ணகம்ரோஜ்ஜ்வலமகரமஹாகுண்ட³லப்ரோததீ³ப்ய-
-ந்மாணிக்யஶ்ரீப்ரதாநை꞉ பரிமிலிதமலிஶ்யாமளம் கோமளம் யத் ।
ப்ரோத்³யத்ஸூர்யாம்ஶுராஜந்மரகதமுகுராகாரசோரம் முராரே-
-ர்கா³டா⁴மாகா³மிநீம் ந꞉ ஶமயது விபத³ம் க³ண்ட³யோர்மண்ட³லம் தத் ॥ 38 ॥

வக்த்ராம்போ⁴ஜே லஸந்தம் முஹுரத⁴ரமணிம் பக்வபி³ம்பா³பி⁴ராமம்
த்³ருஷ்ட்வா த்³ரஷ்டும் ஶுகஸ்ய ஸ்பு²டமவதரதஸ்துண்ட³த³ண்டா³யதே ய꞉ ।
கோ⁴ண꞉ ஶோணீக்ருதாத்மா ஶ்ரவணயுக³ளஸத்குண்ட³லோஸ்ரைர்முராரே꞉
ப்ராணாக்²யஸ்யாநிலஸ்ய ப்ரஸரணஸரணி꞉ ப்ராணதா³நாய ந꞉ ஸ்யாத் ॥ 39 ॥

தி³க்காலௌ வேத³யந்தௌ ஜக³தி முஹுரிமௌ ஸஞ்சரந்தௌ ரவீந்தூ³
த்ரைலோக்யாளோகதீ³பாவபி⁴த³த⁴தி யயோரேவ ரூபம் முநீந்த்³ரா꞉ ।
அஸ்மாநப்³ஜப்ரபே⁴ தே ப்ரசுரதரக்ருபாநிர்ப⁴ரம் ப்ரேக்ஷமாணே
பாதாமாதாம்ரஶுக்லாஸிதருசிருசிரே பத்³மநேத்ரஸ்ய நேத்ரே ॥ 40 ॥

பாதாத்பாதாலபாதாத்பதக³பதிக³தேர்ப்⁴ரூயுக³ம் பு⁴க்³நமத்⁴யம்
யேநேஷச்சாலிதேந ஸ்வபத³நியமிதா꞉ ஸாஸுரா தே³வஸங்கா⁴꞉ ।
ந்ருத்யல்லாலாடரங்கே³ ரஜநிகரதநோரர்த⁴க²ண்டா³வதா³தே
காலவ்யாளத்³வயம் வா விளஸதி ஸமயா வாலிகாமாதரம் ந꞉ ॥ 41 ॥

லக்ஷ்மாகாராளகாளிஸ்பு²ரத³ளிகஶஶாங்கார்த⁴ஸந்த³ர்ஶமீல-
-ந்நேத்ராம்போ⁴ஜப்ரபோ³தோ⁴த்ஸுகநிப்⁴ருததராளீநப்⁴ருங்க³ச்ச²டாபே⁴ ।
லக்ஷ்மீநாத²ஸ்ய லக்ஷ்யீக்ருதவிபு³த⁴க³ணாபாங்க³பா³ணாஸநார்த⁴-
-ச்சா²யே நோ பூ⁴ரிபூ⁴திப்ரஸவகுஶலதே ப்⁴ரூலதே பாலயேதாம் ॥ 42 ॥

ரூக்ஷஸ்மாரேக்ஷுசாபச்யுதஶரநிகரக்ஷீணலக்ஷ்மீகடாக்ஷ-
-ப்ரோத்பு²ல்லத்பத்³மமாலாவிளஸிதமஹிதஸ்பா²டிகைஶாநலிங்க³ம் ।
பூ⁴யாத்³பூ⁴யோ விபூ⁴த்யை மம பு⁴வநபதேர்ப்⁴ரூலதாத்³வந்த்³வமத்⁴யா-
-து³த்த²ம் தத்புண்ட்³ரமூர்த்⁴வம் ஜநிமரணதம꞉க²ண்ட³நம் மண்ட³நம் ச ॥ 43 ॥

பீடீ²பூ⁴தாலகாந்தே க்ருதமகுடமஹாதே³வலிங்க³ப்ரதிஷ்டே²
லாலாடே நாட்யரங்கே³ விகடதரதடே கைடபா⁴ரேஶ்சிராய ।
ப்ரோத்³தா⁴ட்யைவாத்மதந்த்³ரீப்ரகடபடகுடீம் ப்ரஸ்பு²ரந்தீம் ஸ்பு²டாங்க³ம்
பட்வீயம் பா⁴வநாக்²யாம் சடுலமதிநடீ நாடிகாம் நாடயேந்ந꞉ ॥ 44 ॥

மாலாலீவாலிதா⁴ம்ந꞉ குவலயகலிதா ஶ்ரீபதே꞉ குந்தலாலீ
காளிந்த்³யாருஹ்ய மூர்த்⁴நோ க³ளதி ஹரஶிர꞉ஸ்வர்து⁴நீஸ்பர்த⁴யா நு ।
ராஹுர்வா யாதி வக்த்ரம் ஸகலஶஶிகலாப்⁴ராந்திலோலாந்தராத்மா
லோகைராளோக்யதே யா ப்ரதி³ஶது ஸததம் ஸாகி²லம் மங்க³ளம் ந꞉ ॥ 45 ॥

ஸுப்தாகாரா꞉ ப்ரஸுப்தே ப⁴க³வதி விபு³தை⁴ரப்யத்³ருஷ்டஸ்வரூபா
வ்யாப்தவ்யோமாந்தராளாஸ்தரளமணிருசா ரஞ்ஜிதா꞉ ஸ்பஷ்டபா⁴ஸ꞉ ।
தே³ஹச்சா²யோத்³க³மாபா⁴ ரிபுவபுரகு³ருப்லோஷரோஷாக்³நிதூ⁴ம்யா꞉
கேஶா꞉ கேஶித்³விஷோ நோ வித³த⁴து விபுலக்லேஶபாஶப்ரணாஶம் ॥ 46 ॥

யத்ர ப்ரத்யுப்தரத்நப்ரவரபரிலஸத்³பூ⁴ரிரோசிஷ்ப்ரதாந-
-ஸ்பூ²ர்த்யாம் மூர்திர்முராரேர்த்³யுமணிஶதசிதவ்யோமவத்³து³ர்நிரீக்ஷ்யா ।
குர்வத்பாரேபயோதி⁴ ஜ்வலத³க்ருஶஶிகா²பா⁴ஸ்வதௌ³ர்வாக்³நிஶங்காம்
ஶஶ்வந்ந꞉ ஶர்ம தி³ஶ்யாத்கலிகலுஷதம꞉பாடநம் தத்கிரீடம் ॥ 47 ॥

ப்⁴ராந்த்வா ப்⁴ராந்த்வா யத³ந்தஸ்த்ரிபு⁴வநகு³ருரப்யப்³த³கோடீரநேகா
க³ந்தும் நாந்தம் ஸமர்தோ² ப்⁴ரமர இவ புநர்நாபி⁴நாலீகநாலாத் ।
உந்மஜ்ஜந்நூர்ஜிதஶ்ரீஸ்த்ரிபு⁴வநமபரம் நிர்மமே தத்ஸத்³ருக்ஷம்
தே³ஹாம்போ⁴தி⁴꞉ ஸ தே³யாந்நிரவதி⁴ரம்ருதம் தை³த்யவித்³வேஷிணோ ந꞉ ॥ 48 ॥

மத்ஸ்ய꞉ கூர்மோ வராஹோ நரஹரிணபதிர்வாமநோ ஜாமத³க்³ந்ய꞉
காகுத்ஸ்த²꞉ கம்ஸகா⁴தீ மநஸிஜவிஜயீ யஶ்ச கல்கிர்ப⁴விஷ்யந் ।
விஷ்ணோரம்ஶாவதரா பு⁴வநஹிதகரா த⁴ர்மஸம்ஸ்தா²பநார்தா²꞉
பாயாஸுர்மாம் த ஏதே கு³ருதரகருணாபா⁴ரகி²ந்நாஶயா யே ॥ 49 ॥

யஸ்மாத்³வாசோ நிவ்ருத்தா꞉ ஸமமபி மநஸா லக்ஷணாமீக்ஷமாணா꞉
ஸ்வார்தா²லாபா⁴த்பரார்த²வ்யபக³மகத²நஶ்லாகி⁴நோ வேத³வாதா³꞉ ।
நித்யாநந்த³ம் ஸ்வஸம்விந்நிரவதி⁴விமலஸ்வாந்தஸங்க்ராந்தபி³ம்ப³-
-ச்சா²யாபத்யாபி நித்யம் ஸுக²யதி யமிநோ யத்தத³வ்யாந்மஹோ ந꞉ ॥ 50 ॥

ஆபாதா³தா³ ச ஶீர்ஷாத்³வபுரித³மநக⁴ம் வைஷ்ணவம் ய꞉ ஸ்வசித்தே
த⁴த்தே நித்யம் நிரஸ்தாகி²லகலிகலுஷ ஸந்ததாந்த꞉ ப்ரமோத³ம் ।
ஜுஹ்வஜ்ஜிஹ்வாக்ருஶாநௌ ஹரிசரிதஹவி꞉ ஸ்தோத்ரமந்த்ராநுபாடை²-
-ஸ்தத்பாதா³ம்போ⁴ருஹாப்⁴யாம் ஸததமபி நமஸ்குர்மஹே நிர்மலாப்⁴யாம் ॥ 51 ॥

மோதா³த்பாதா³தி³கேஶஸ்துதிமிதிரசிதா கீர்தயித்வா த்ரிதா⁴ம்ந
பாதா³ப்³ஜத்³வந்த்³வஸேவாஸமயநதமதிர்மஸ்தகேநாநமேத்³ய ।
உந்முச்யைவாத்மநைநோநிசயகவசக பஞ்சதாமேத்ய பா⁴நோ-
-ர்பி³ம்பா³ந்தர்கோ³சர ஸ ப்ரவிஶதி பரமாநந்த³மாத்மஸ்வரூபம் ॥ 52 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீ விஷ்ணு பாதா³தி³கேஶாந்தவர்ணண ஸ்தோத்ரம் ஸம்பூர்ணம் ।

Found a Mistake or Error? Report it Now