विष्णु पंचक स्तोत्र PDF हिन्दी

विष्णु पंचक स्तोत्र हिन्दी Lyrics

|| विष्णु पंचक स्तोत्र ||

उद्यद्भानुसहस्रभास्वर- परव्योमास्पदं निर्मल-
ज्ञानानन्दघनस्वरूप- ममलज्ञानादिभिः षड्गुणैः।

जुष्टं सूरिजनाधिपं धृतरथाङ्गाब्जं सुभूषोज्ज्वलं
श्रीभूसेव्यमनन्त- भोगिनिलयं श्रीवासुदेवं भजे।

आमोदे भुवने प्रमोद उत सम्मोदे च सङ्कर्षणं
प्रद्युम्नं च तथाऽनिरुद्धमपि तान् सृष्टिस्थिती चाप्ययम्।

कुर्वाणान् मतिमुख्यषड्गुणवरै- र्युक्तांस्त्रियुग्मात्मकै-
र्व्यूहाधिष्ठितवासुदेवमपि तं क्षीराब्धिनाथं भजे।

वेदान्वेषणमन्दराद्रिभरण- क्ष्मोद्धारणस्वाश्रित-
प्रह्लादावनभूमिभिक्षण- जगद्विक्रान्तयो यत्क्रियाः।

दुष्टक्षत्रनिबर्हणं दशमुखाद्युन्मूलनं कर्षणं
कालिन्द्या अतिपापकंसनिधनं यत्क्रीडितं तं नुमः।

यो देवादिचतुर्विधेष्टजनिषु ब्रह्माण्डकोशान्तरे
सम्भक्तेषु चराचरेषु निवसन्नास्ते सदाऽन्तर्बहिः।

विष्णुं तं निखिलेष्वणुष्वणुतरं भूयस्सु भूयस्तरं
स्वाङ्गुष्ठप्रमितं च योगिहृदयेष्वासीनमीशं भजे।

श्रीरङ्गस्थलवेङ्कटाद्रि- करिगिर्यादौ शतेऽष्टोत्तरे
स्थाने ग्रामनिकेतनेषु च सदा सान्निध्यमासेदुषे।

अर्चारूपिणमर्च- काभिमतितः स्वीकुर्वते विग्रहं
पूजां चाखिलवाञ्छितान् वितरते श्रीशाय तस्मै नमः।

प्रातर्विष्णोः परत्वादिपञ्चकस्तुतिमुत्तमाम्।
पठन् प्राप्नोति भगवद्भक्तिं वरदनिर्मिताम्।