|| ಶ್ರೀ ವಿಷ್ಣೋಃ ಷೋಡಶನಾಮ ಸ್ತೋತ್ರಂ ||
ಔಷಧೇ ಚಿಂತಯೇದ್ವಿಷ್ಣುಂ ಭೋಜನೇ ಚ ಜನಾರ್ದನಮ್ |
ಶಯನೇ ಪದ್ಮನಾಭಂ ಚ ವಿವಾಹೇ ಚ ಪ್ರಜಾಪತಿಮ್ || ೧ ||
ಯುದ್ಧೇ ಚಕ್ರಧರಂ ದೇವಂ ಪ್ರವಾಸೇ ಚ ತ್ರಿವಿಕ್ರಮಮ್ |
ನಾರಾಯಣಂ ತನುತ್ಯಾಗೇ ಶ್ರೀಧರಂ ಪ್ರಿಯಸಂಗಮೇ || ೨ ||
ದುಸ್ಸ್ವಪ್ನೇ ಸ್ಮರ ಗೋವಿಂದಂ ಸಂಕಟೇ ಮಧುಸೂದನಮ್ |
ಕಾನನೇ ನಾರಸಿಂಹಂ ಚ ಪಾವಕೇ ಜಲಶಾಯಿನಮ್ || ೩ ||
ಜಲಮಧ್ಯೇ ವರಾಹಂ ಚ ಪರ್ವತೇ ರಘುನಂದನಮ್ |
ಗಮನೇ ವಾಮನಂ ಚೈವ ಸರ್ವಕಾಲೇಷು ಮಾಧವಮ್ || ೪ ||
ಷೋಡಶೈತಾನಿ ನಾಮಾನಿ ಪ್ರಾತರೂತ್ಥಾಯ ಯಃ ಪಠೇತ್ |
ಸರ್ವಪಾಪವಿನಿರ್ಮುಕ್ತೋ ವಿಷ್ಣುಲೋಕೇ ಮಹೀಯತೇ || ೫ ||
Found a Mistake or Error? Report it Now
