श्रीकृष्णभजनाष्टकम्

|| श्रीकृष्णभजनाष्टकम् ||

कंसदलनमुक्तिमिलनभुक्तिभवनकाशितं
दुष्टशकटराहुकपटकालियशठशासितम् ।
दानवमधुकैटभमुरदारुणवकनाशितं
कृष्णचरणपङ्कजसुखदीप्तभजनभासितम् ॥ १॥

ब्रह्मकिरणमुग्धवदनमङ्गलमयवीक्षणं
सान्द्रललितकुञ्जनिकटकेलितरलकारणम् ।
धर्मविनतकर्मनिरतभोगनिकरधारितं
कृष्णचरणपङ्कजसुखदीप्तभजनभासितम् ॥ २॥

पूर्णपुरुषयोगजनकभोगसकलधारकं
दुस्तरभवपारकपटुनाविकहरिनामकम् ।
दुर्जनमुखमर्दनगुणवर्द्धनदरदारितं
कृष्णचरणपङ्कजसुखदीप्तभजनभासितम् ॥ ३॥

वैभवसुखसागरतटशुद्धसलिलशीतलं
स्मितरुचिरफुल्लकमलवेणुनिनदकोमलम् ।
मन्दमलयचन्दनमुखनन्दितशुभवन्दितं
कृष्णचरणपङ्कजसुखदीप्तभजनभासितम् ॥ ४॥

शान्तसरलभक्तविधुरमाधवमधुसूदनं
देवमदनमोहन-अपवर्गविभवधारिणम् ।
गोपयुवतिवल्लभचिरसुन्दरतरलायितं
कृष्णचरणपङ्कजसुखदीप्तभजनभासितम् ॥ ५॥

वल्लवललनासुखमुखचुम्बनरतिविह्वलं
चारुहसनपीतवसनमोहनशशिमण्डलम् ।
वन्यकुसुमनम्रसुषमसज्जितदमधारितं
कृष्णचरणपङ्कजसुखदीप्तभजनभासितम् ॥ ६॥

प्रेमखचितकुञ्जसदनकेलिकुतुकनर्तनं
यामुनतटमण्डलनटपाटवजलखेलनम् ।
लुब्धललितरासकलितकुङ्कुममृदुवासितं
कृष्णचरणपङ्कजसुखदीप्तभजनभासितम् ॥ ७॥

प्रेमकरुणमूर्तितरुणपूर्तिसकलकारकं
भक्तनयनचित्रितनवनाटकनटनायकम् ।
दारुपुरुषनेत्रवलयसर्वभुवनभूषितं
कृष्णचरणपङ्कजसुखदीप्तभजनभासितम् ॥ ८॥

इति नन्दप्रदीप्तकुमारविरचितं श्रीकृष्णभजनाष्टकं सम्पूर्णम् ।

• hindiश्री दामोदर अष्टकम
• malayalamകൃഷ്ണാഷ്ടകം
• punjabiਕ੍ਰੁਰੁਇਸ਼੍ਣਾਸ਼੍ਟਕਮ੍
• gujaratiકૃષ્ણ અષ્ટકમ્
• bengaliকৃষ্ণ অষ্টকম্
• kannadaಕೃಷ್ಣ ಅಷ್ಟಕಮ್
• teluguమధురాష్టకం
• tamilமதுராஷ்டகம்
• hindiश्री कुंजबिहारी अष्टक अर्थ सहित
• hindiश्री कृष्णाष्टकम्
• englishShri Krishnashtakam
• englishShri Achyutashtakam
• englishShri Venu Gopala Ashtakam
• englishShri Bal Mukundashtakam
• englishShri Krishnashtakam

Found a Mistake or Error? Report it Now