|| ശിവ ആരതീ ||
സര്വേശം പരമേശം ശ്രീപാര്വതീശം വംദേഽഹം വിശ്വേശം ശ്രീപന്നഗേശമ് ।
ശ്രീസാംബം ശംഭും ശിവം ത്രൈലോക്യപൂജ്യം വംദേഽഹം ത്രൈനേത്രം ശ്രീകംഠമീശമ് ॥ 1॥
ഭസ്മാംബരധരമീശം സുരപാരിജാതം ബില്വാര്ചിതപദയുഗലം സോമം സോമേശമ് ।
ജഗദാലയപരിശോഭിതദേവം പരമാത്മം വംദേഽഹം ശിവശംകരമീശം ദേവേശമ് ॥ 2॥
കൈലാസപ്രിയവാസം കരുണാകരമീശം കാത്യായനീവിലസിതപ്രിയവാമഭാഗമ് ।
പ്രണവാര്ചിതമാത്മാര്ചിതം സംസേവിതരൂപം വംദേഽഹം ശിവശംകരമീശം ദേവേശമ് ॥ 3॥
മന്മഥനിജമദദഹനം ദാക്ഷായനീശം നിര്ഗുണഗുണസംഭരിതം കൈവല്യപുരുഷമ് ।
ഭക്താനുഗ്രഹവിഗ്രഹമാനംദജൈകം വംദേഽഹം ശിവശംകരമീശം ദേവേശമ് ॥ 4॥
സുരഗംഗാസംപ്ലാവിതപാവനനിജശിഖരം സമഭൂഷിതശശിബിംബം ജടാധരം ദേവമ് ।
നിരതോജ്ജ്വലദാവാനലനയനഫാലഭാഗം വംദേഽഹം ശിവശംകരമീശം ദേവേശമ് ॥ 5॥
ശശിസൂര്യനേത്രദ്വയമാരാധ്യപുരുഷം സുരകിന്നരപന്നഗമയമീശം സംകാശമ് ।
ശരവണഭവസംപൂജിതനിജപാദപദ്മം വംദേഽഹം ശിവശംകരമീശം ദേവേശമ് ॥ 6॥
ശ്രീശൈലപുരവാസം ഈശം മല്ലീശം ശ്രീകാലഹസ്തീശം സ്വര്ണമുഖീവാസമ് ।
കാംചീപുരമീശം ശ്രീകാമാക്ഷീതേജം വംദേഽഹം ശിവശംകരമീശം ദേവേശമ് ॥ 7॥
ത്രിപുരാംതകമീശം അരുണാചലേശം ദക്ഷിണാമൂര്തിം ഗുരും ലോകപൂജ്യമ് ।
ചിദംബരപുരവാസം പംചലിംഗമൂര്തിം വംദേഽഹം ശിവശംകരമീശം ദേവേശമ് ॥ 8॥
ജ്യോതിര്മയശുഭലിംഗം സംഖ്യാത്രയനാട്യം ത്രയീവേദ്യമാദ്യം പംചാനനമീശമ് ।
വേദാദ്ഭുതഗാത്രം വേദാര്ണവജനിതം വേദാഗ്രം വിശ്വാഗ്രം ശ്രീവിശ്വനാഥമ് ॥ 9॥
Read in More Languages:- hindiशिव जी आरती
- assameseশিৱ জী আৰতী
- tamilஶிவ ஜீ ஆரதீ
- teluguశివ ఆరతీ
- sanskritशिव आरती
- bengaliশিৱ আরতি
- marathiॐ जय शिव ओंकारा आरती
- kannadaಶಿವ ಆರತೀ
- punjabiਸ਼੍ਰੀ ਸ਼ਿਵ ਆਰਤੀ
- gujaratiશિવ આરતી
- odiaଶିଵ ଆରତୀ
- marathiलवथवती विक्राळा – शंकराची आरती
- marathiकर्पूरगौरा गौरीशंकरा – शंकराची आरती
- marathiजेजुरी गड पर्वत – जेजुरीच्या खंडोबाची आरती
- marathiशिव – शंकराची आरती
Found a Mistake or Error? Report it Now
