ગિરીશ સ્તોત્રમ્

|| ગિરીશ સ્તોત્રમ્ ||

શિરોગાઙ્ગવાસં જટાજૂટભાસં
મનોજાદિનાશં સદાદિગ્વિકાસમ્ .
હરં ચામ્બિકેશં શિવેશં મહેશં
શિવં ચન્દ્રભાલં ગિરીશં પ્રણૌમિ ..

સદાવિઘ્નદારં ગલે નાગહારં
મનોજપ્રહારં તનૌભસ્મભારમ્ .
મહાપાપહારં પ્રભું કાન્તિધારં
શિવં ચન્દ્રભાલં ગિરીશં પ્રણૌમિ ..

શિવં વિશ્વનાથં પ્રભું ભૂતનાથં
સુરેશાદિનાથં જગન્નાથનાથમ્ .
રતીનાથનાશઙ્કરન્દેવનાથં
શિવં ચન્દ્રભાલં ગિરીશં પ્રણૌમિ ..

ધનેશાદિતોષં સદાશત્રુકોષં
મહામોહશોષં જનાન્નિત્યપોષમ્ .
મહાલોભરોષં શિવાનિત્યજોષં
શિવં ચન્દ્રભાલં ગિરીશં પ્રણૌમિ ..

લલાટે ચ બાલં શિવં દુષ્ટકાલં
સદાભક્તપાલં દધાનઙ્કપાલમ્ .
મહાકાલકાલસ્વરૂપં કરાલં
શિવં ચન્દ્રભાલં ગિરીશં પ્રણૌમિ ..

પરબ્રહ્મરૂપં વિચિત્રસ્વરૂપં
સુરાણાં સુભૂપં મહાશાન્તરૂપમ્ .
ગિરીન્દ્રાત્મજા સઙ્ગૃહીતાર્ધરૂપં
શિવં ચન્દ્રભાલં ગિરીશં પ્રણૌમિ ..

સદાગઙ્ગપાનં સુમોક્ષાદિદાનં
સ્વભક્તાદિમાનં પ્રભું સર્વજ્ઞાનમ્ .
ડમરું ત્રિશૂલં કરાભ્યાં દધાનં
શિવં ચન્દ્રભાલં ગિરીશં પ્રણૌમિ ..

અજિનાદિ ગોહં રતીનાથમોહં
સદાશત્રુદ્રોહં શિવં નિર્વિમોહમ્ .
વિભું સર્વકાલેશ્વરં કામદ્રોહં
શિવં ચન્દ્રભાલં ગિરીશં પ્રણૌમિ ..

દ્વિજન્માનુસેવં પ્રભું દેવદેવં
સદાભૂતસેવં ગણેશાદિદેવમ્ .
પતઙ્ગાદિદેવં હિરણ્યાદિદેવં
શિવં ચન્દ્રભાલં ગિરીશં પ્રણૌમિ ..

અદેવપ્રમારં શિવં સર્વસારં
નરાણાં વિભારં ગણેશાદિપારમ્ .
મહારોષહારં હ્યલઙ્કારધારં
શિવં ચન્દ્રભાલં ગિરીશં પ્રણૌમિ ..

નરોયસ્ત્રિકાલે પઠેદ્ભક્તિયુક્તઃ
શિવં પ્રાપ્ય સદ્યસ્ત્રિલોકે પ્રસિદ્ધમ્ .
ધનં ધાન્યપુત્રં કુટુમ્બાદિયુક્તં
સમાસાદ્યમિત્રં સુમુક્તિં વ્રજેત્સઃ ..

ઇતિ શ્રીમિશ્રકુઞ્જવિહારિણાકૃતં ગિરીશસ્તોત્રં સમ્પૂર્ણમ્ .

Read in More Languages:

• marathiशिवलीलामृत – अकरावा अध्याय 11
• hindiशिव वर्णमाला स्तोत्र
• sanskritदारिद्र्य दहन शिव स्तोत्रम्
• sanskritउपमन्युकृत शिवस्तोत्रम्
• hindiउमा महेश्वर स्तोत्रम हिन्दी अर्थ सहित
• bengaliদ্বাদশ জ্যোতির্লিঙ্গ স্তোত্রম
• kannadaದ್ವಾದಶ ಜ್ಯೋತಿರ್ಲಿಂಗ ಸ್ತೋತ್ರಮ್
• odiaଦ୍ଵାଦଶ ଜ୍ଯୋତିର୍ଲିଂଗ ସ୍ତୋତ୍ରମ୍
• bengaliগিরীশ স্তোত্রম্
• tamilதுவாதச ஜோதிர்லிங்க ஸ்தோத்திரம்
• gujaratiદ્વાદશ જ્યોતિર્લિંગ સ્તોત્રમ્
• sanskritविश्वनाथाष्टकस्तोत्रम्
• teluguశివ పంచాక్షర స్తోతం
• sanskritश्री शिवसहस्रनाम स्तोत्रम्
• malayalamശ്രീ ശിവമാനസപൂജാ സ്തോത്രം

Found a Mistake or Error? Report it Now