നരസിംഹ പഞ്ചരത്ന സ്തോത്രം

|| നരസിംഹ പഞ്ചരത്ന സ്തോത്രം ||

ഭവനാശനൈകസമുദ്യമം കരുണാകരം സുഗുണാലയം
നിജഭക്തതാരണരക്ഷണായ ഹിരണ്യകശ്യപുഘാതിനം.

ഭവമോഹദാരണകാമനാശനദുഃഖവാരണഹേതുകം
ഭജപാവനം സുഖസാഗരം നരസിംഹമദ്വയരൂപിണം.

ഗുരുസാർവഭൗമമർഘാതകം മുനിസംസ്തുതം സുരസേവിതം
അതിശാന്തിവാരിധിമപ്രമേയമനാമയം ശ്രിതരക്ഷണം.

ഭവമോക്ഷദം ബഹുശോഭനം മുഖപങ്കജം നിജശാന്തിദം
ഭജപാവനം സുഖസാഗരം നരസിംഹമദ്വയരൂപിണം.

നിജരൂപകം വിതതം ശിവം സുവിദർശനായഹിതത്ക്ഷണം
അതിഭക്തവത്സലരൂപിണം കില ദാരുതഃ സുസമാഗതം.

അവിനാശിനം നിജതേജസം ശുഭകാരകം ബലരൂപിണം
ഭജപാവനം സുഖസാഗരം നരസിംഹമദ്വയരൂപിണം.

അവികാരിണം മധുഭാഷിണം ഭവതാപഹാരണകോവിദം
സുജനൈഃ സുകാമിതദായിനം നിജഭക്തഹൃത്സുവിരാജിതം.

അതിവീരധീരപരാക്രമോത്കടരൂപിണം പരമേശ്വരം
ഭജപാവനം സുഖസാഗരം നരസിംഹമദ്വയരൂപിണം.

ജഗതോഽസ്യ കാരണമേവ സച്ചിദനന്തസൗഖ്യമഖണ്ഡിതം
സുവിധായിമംഗലവിഗ്രഹം തമസഃ പരം സുമഹോജ്വലം.

നിജരൂപമിത്യതിസുന്ദരം ഖലുസംവിഭാവ്യ ഹൃദിസ്ഥിതം
ഭജപാവനം സുഖസാഗരം നരസിംഹമദ്വയരൂപിണം.
പഞ്ചരത്നാത്മകം സ്തോത്രം ശ്രീനൃസിംഹസ്യ പാവനം.
യേ പഠന്തി മുദാ ഭക്ത്യാ ജീവന്മുക്താ ഭവന്തി തേ.

Found a Mistake or Error? Report it Now