ஶ்ரீ சந்த்ரஶேகராஷ்டகம்

|| ஶ்ரீ சந்த்ரஶேகராஷ்டகம் ||

சந்த்³ரஶேக²ர சந்த்³ரஶேக²ர சந்த்³ரஶேக²ர பாஹி மாம் ।
சந்த்³ரஶேக²ர சந்த்³ரஶேக²ர சந்த்³ரஶேக²ர ரக்ஷ மாம் ॥ 1 ॥

ரத்நஸாநுஶராஸநம் ரஜதாத்³ரிஶ்ருங்க³நிகேதநம்
ஶிஞ்ஜிநீக்ருதபந்நகே³ஶ்வரமச்யுதாநலஸாயகம் ।
க்ஷிப்ரத³க்³த⁴புரத்ரயம் த்ரிதி³வாலயைரபி⁴வந்தி³தம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 2 ॥

பஞ்சபாத³பபுஷ்பக³ந்த⁴பதா³ம்பு³ஜத்³வயஶோபி⁴தம்
பா²லலோசநஜாதபாவக த³க்³த⁴மந்மத²விக்³ரஹம் ।
ப⁴ஸ்மதி³க்³த⁴கலேப³ரம் ப⁴வநாஶநம் ப⁴வமவ்யயம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 3 ॥

மத்தவாரணமுக்²யசர்மக்ருதோத்தரீய மநோஹரம்
பங்கஜாஸந பத்³மலோசந பூஜிதாங்க்⁴ரி ஸரோருஹம் ।
தே³வஸிந்து⁴தரங்க³ஶீகர ஸிக்தஶுப்⁴ரஜடாத⁴ரம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 4 ॥

யக்ஷராஜஸக²ம் ப⁴கா³க்ஷஹரம் பு⁴ஜங்க³விபூ⁴ஷணம்
ஶைலராஜஸுதாபரிஷ்க்ருத சாருவாமகலேப³ரம் ।
க்ஷ்வேட³நீலக³ளம் பரஶ்வத²தா⁴ரிணம் ம்ருக³தா⁴ரிணம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 5 ॥

குண்ட³லீக்ருதகுண்ட³லேஶ்வரகுண்ட³லம் வ்ருஷவாஹநம்
நாரதா³தி³முநீஶ்வரஸ்துதவைப⁴வம் பு⁴வநேஶ்வரம் ।
அந்த⁴காந்தகமாஶ்ரிதாமரபாத³பம் ஶமநாந்தகம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 6 ॥

பே⁴ஷஜம் ப⁴வரோகி³ணாமகி²லாபதா³மபஹாரிணம்
த³க்ஷயஜ்ஞவிநாஶநம் த்ரிகு³ணாத்மகம் த்ரிவிளோசநம் ।
பு⁴க்திமுக்திப²லப்ரத³ம் ஸகலாக⁴ஸங்க⁴நிப³ர்ஹணம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 7 ॥

ப⁴க்தவத்ஸலமர்சிதம் நிதி⁴மக்ஷயம் ஹரித³ம்ப³ரம்
ஸர்வபூ⁴தபதிம் பராத்பரமப்ரமேயமநுத்தமம் ।
ஸோமவாருண பூ⁴ஹுதாஶந ஸோமபாநிகி²லாக்ருதிம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 8 ॥

விஶ்வஸ்ருஷ்டிவிதா⁴யிநம் புநரேவ பாலநதத்பரம்
ஸம்ஹரந்தமபிப்ரபஞ்சமஶேஷலோகநிவாஸிநம் ।
க்ரீட³யந்தமஹர்நிஶம் க³ணநாத²யூத²ஸமந்விதம்
சந்த்³ரஶேக²ரமாஶ்ரயே மம கிம் கரிஷ்யதி வை யம꞉ ॥ 9 ॥

ம்ருத்யுபீ⁴தம்ருகண்டு³ஸூநுக்ருதஸ்தவம் ஶிவஸந்நிதௌ⁴
யத்ர குத்ர ச ய꞉ படே²ந்ந ஹி தஸ்ய ம்ருத்யுப⁴யம் ப⁴வேத் ।
பூர்ணமாயுரரோக³தாமகி²லார்த²ஸம்பத³மாத³ரம்
சந்த்³ரஶேக²ர ஏவ தஸ்ய த³தா³தி முக்திமயத்நத꞉ ॥ 10 ॥

[** அதி⁴கஶ்லோகம் –
ஸம்ஸாரஸர்பது³ஷ்டாநாம் ஜந்தூநாமவிவேகிநாம் ।
சந்த்³ரஶேக²ரபாதா³ப்³ஜஸ்மரணம் பரமௌஷத⁴ம் ॥
**]

இதி மார்கண்டே³ய க்ருத ஶ்ரீசந்த்³ரஶேக²ராஷ்டகம் ।

Found a Mistake or Error? Report it Now