শ্ৰী বটুক ভৈৰৱ হৃদয়ম্

|| শ্ৰী বটুক ভৈৰৱ হৃদয়ম্ ||

পূৰ্ৱপীঠিকা

কৈলাশশিখৰাসীনং দেৱদেৱং জগদ্গুৰুম্ ।
দেৱী পপ্ৰচ্ছ সৰ্ৱজ্ঞং শঙ্কৰং ৱৰদং শিৱম্ ॥

॥ শ্ৰীদেৱ্যুৱাচ ॥

দেৱদেৱ পৰেশান ভক্ত্তাভীষ্টপ্ৰদায়ক ।
প্ৰব্ৰূহি মে মহাভাগ গোপ্যং যদ্যপি ন প্ৰভো ॥

বটুকস্যৈৱ হৃদয়ং সাধকানাং হিতায় চ ।

॥ শ্ৰীশিৱ উৱাচ ॥

শৃণু দেৱি প্ৰৱক্ষ্যামি হৃদয়ং বটুকস্য চ ॥

গুহ্যাদ্গুহ্যতৰং গুহ্যং তচ্ছৃণুষ্ৱ তু মধ্যমে ।
হৃদয়াস্যাস্য দেৱেশি বৃহদাৰণ্যকো ঋষিঃ ॥

ছন্দোঽনুষ্টুপ্ সমাখ্যাতো দেৱতা বটুকঃ স্মৃতঃ ।
প্ৰয়োগাভীষ্টসিদ্ধয়ৰ্থং ৱিনিয়োগঃ প্ৰকীৰ্তিতঃ ॥

॥ সৱিধি হৃদয়স্তোত্ৰস্য ৱিনিয়োগঃ ॥

ওঁ অস্য শ্ৰীবটুকভৈৰৱহৃদয়স্তোত্ৰস্য শ্ৰীবৃহদাৰণ্যক ঋষিঃ ।
অনুষ্টুপ্ ছন্দঃ । শ্ৰীবটুকভৈৰৱঃ দেৱতা ।
অভীষ্টসিদ্ধ্যৰ্থং পাঠে ৱিনিয়োগঃ ॥

॥ অথ ঋষ্যাদিন্যাসঃ ॥

শ্ৰী বৃহদাৰণ্যকঋষয়ে নমঃ শিৰসি ।
অনুষ্টুপ্ছন্দসে নমঃ মুখে ।
শ্ৰীবটুকভৈৰৱদেৱতায়ৈ নমঃ হৃদয়ে ।
অভীষ্টসিদ্ধ্যৰ্থং পাঠে ৱিনিয়োগায় নমঃ সৰ্ৱাঙ্গে ॥

॥ ইতি ঋষ্যাদিন্যাসঃ ॥

ওঁ প্ৰণৱেশঃ শিৰঃ পাতু ললাটে প্ৰমথাধিপঃ ।
কপোলৌ কামৱপুষো ভ্ৰূভাগে ভৈৰৱেশ্ৱৰঃ ॥

নেত্ৰয়োৰ্ৱহ্নিনয়নো নাসিকায়ামঘাপহঃ ।
ঊৰ্ধ্ৱোষ্ঠে দীৰ্ঘনয়নো হ্যধৰোষ্ঠে ভয়াশনঃ ॥

চিবুকে ভালনয়নো গণ্ডয়োশ্চন্দ্ৰশেখৰঃ ।
মুখান্তৰে মহাকালো ভীমাক্ষো মুখমণ্ডলে ॥

গ্ৰীৱায়াং ৱীৰভদ্ৰোঽৱ্যাদ্ ঘণ্টিকায়াং মহোদৰঃ ।
নীলকণ্ঠো গণ্ডদেশে জিহ্ৱায়াং ফণিভূষণঃ ॥

দশনে ৱজ্ৰদশনো তালুকে হ্যমৃতেশ্ৱৰঃ ।
দোৰ্দণ্ডে ৱজ্ৰদণ্ডো মে স্কন্ধয়োঃ স্কন্দৱল্লভঃ ॥

কূৰ্পৰে কঞ্জনয়নো ফণৌ ফেৎকাৰিণীপতিঃ ।
অঙ্গুলীষু মহাভীমো নখেষু অঘহাঽৱতু ॥

কক্ষে ৱ্যাঘ্ৰাসনো পাতু কট্যাং মাতঙ্গচৰ্মণী ।
কুক্ষৌ কামেশ্ৱৰঃ পাতু ৱস্তিদেশে স্মৰান্তকঃ ॥

শূলপাণিৰ্লিঙ্গদেশে গুহ্যে গুহ্যেশ্ৱৰোঽৱতু ।
জঙ্ঘায়াং ৱজ্ৰদমনো জঘনে জৃম্ভকেশ্ৱৰঃ ॥

পাদৌ জ্ঞানপ্ৰদঃ পাতু ধনদশ্চাঙ্গুলীষু চ ।
দিগ্ৱাসো ৰোমকূপেষু সন্ধিদেশে সদাশিৱঃ ॥

পূৰ্ৱাশাং কামপীঠস্থঃ উড্ডীশস্থোঽগ্নিকোণকে ।
যাম্যাং জালন্ধৰস্থো মে নৈৰৃত্যাং কোটিপীঠগঃ ॥

ৱাৰুণ্যাং ৱজ্ৰপীঠস্থো ৱায়ৱ্যাং কুলপীঠগঃ ।
উদীচ্যাং ৱাণপীঠস্থঃ ঐশান্যামিন্দুপীঠগঃ ॥

ঊৰ্ধ্ৱং বীজেন্দ্ৰপীঠস্থঃ খেটস্থো ভূতলোঽৱতু ।
ৰুৰুঃ শয়ানেঽৱতু মাং চণ্ডো ৱাদে সদাঽৱতু ॥

গমনে তীৱ্ৰনয়নঃ আসীনে ভূতৱল্লভঃ ।
যুদ্ধকালে মহাভীমো ভয়কালে ভৱান্তকঃ ॥

ৰক্ষ ৰক্ষ পৰেশান ভীমদংষ্ট্ৰ ভয়াপহ ।
মহাকাল মহাকাল ৰক্ষ মাং কালসঙ্কটাৎ ॥

॥ ফলশ্ৰুতিঃ ॥

ইতীদং হৃদয়ং দিৱ্যং সৰ্ৱপাপপ্ৰণাশনম্ ।
সৰ্ৱসম্পৎপ্ৰদং ভদ্ৰে সৰ্ৱসিদ্ধিফলপ্ৰদম্ ॥

॥ ইতি শ্ৰীবটুকভৈৰৱহৃদয়স্তোত্ৰং সম্পূৰ্ণম্ ॥

Read in More Languages:

• bengaliশ্রী বটুক ভৈরব হৃদয়ম
• malayalamശ്രീ ബതുക് ഭൈരവ് ഹൃദയം
• kannadaಶ್ರೀ ಬಟುಕ್ ಭೈರವ್ ಹೃದಯಂ
• tamilஸ்ரீ படுக் பைரவ ஹிருதயம்
• odiaଶ୍ରୀ ବାଟୁକ୍ ଭ ରବ ହ୍ରଦୟା
• punjabiਸ਼੍ਰੀ ਬਟੁਕ ਭੈਰਵ ਹਿਰਦੈ
• sanskritश्री बटुक भैरव हृदयम्
• teluguశ్రీ బతుక్ భైరవ హృదయ
• gujaratiશ્રી બટુક ભૈરવ હૃદયમ્

Found a Mistake or Error? Report it Now