দুর্গা মানস পূজা ষ্টোরম

॥ শ্রীদুর্গামানস পূজা ॥

শ্রী গণেশায় নমঃ ।

উদ্যচ্চন্দনকুঙ্কুমারুণপয়োধারাভিরাপ্লাবিতাং
নানানর্ঘ্যমণিপ্রবালঘটিতাং দত্তাং গৃহাণাম্বিকে ।
আমৃষ্টাং সুরসুন্দরীভিরভিতো হস্তাম্বুজৈর্ভক্তিতো
মাতঃ সুন্দরি ভক্তকল্পলতিকে শ্রীপাদুকামাদরাৎ ॥

দেবেন্দ্রাদিভিরর্চিতং সুরগণৈরাদায় সিংহাসনং
চঞ্চৎকাঞ্চনসঞ্চয়াভিরচিতং চারুপ্রভাভাস্বরম্ ।
এতচ্চম্পককেতকীপরিমলং তৈলং মহানির্মলং
গন্ধোদ্বর্তনমাদরেণ তরুণীদত্তং গৃহাণাম্বিকে ॥

পশ্চাদ্দেবি গৃহাণ শম্ভুগৃহিণি শ্রীসুন্দরি প্রায়শো
গন্ধদ্রব্যসমূহনির্ভরতরং ধাত্রীফলং নির্মলম্ ।
তৎকেশান্ পরিশোধ্য কঙ্কতিকয়া মন্দাকিনীস্রোতসি
স্নাত্বা প্রোজ্জ্বলগন্ধকং ভবতু হে শ্রীসুন্দরি ত্বন্মুদে ॥

সুরাধিপতিকামিনীকরসরোজনালীধৃতাং
সচন্দনসকুঙ্কুমাগুরুভরেণ বিভ্রাজিতাম্ ।
মহাপরিমলোজ্জ্বলাং সরসশুদ্ধকস্তূরিকাং
গৃহাণ বরদায়িনি ত্রিপুরসুন্দরি শ্রীপ্রদে ॥

গন্ধর্বামরকিন্নরপ্রিয়তমাসন্তানহস্তাম্বুজ-
প্রস্তারৈর্ধ্রিয়মাণমুত্তমতরং কাশ্মীরজাপিঞ্জরম্ ।
মাতর্ভাস্বরভানুমণ্ডললসৎকান্তিপ্রদানোজ্জ্বলং
চৈতন্নির্মলমাতনোতু বসনং শ্রীসুন্দরি ত্বন্মুদম্ ॥

স্বর্ণাকল্পিতকুণ্ডলে শ্রুতিয়ুগে হস্তাম্বুজে মুদ্রিকা
মধ্যে সারসনা নিতম্বফলকে মঞ্জীরমঙ্ঘ্রিদ্বয়ে ।
হারো বক্ষসি কঙ্কণৌ ক্বণরণৎকারৌ করদ্বন্দ্বকে
বিন্যস্তং মুকুটং শিরস্যনুদিনং দত্তোন্মদং স্তূয়তাম্ ॥

গ্রীবায়াং ধৃতকান্তিকান্তপটলং গ্রৈবেয়কং সুন্দরং
সিন্দূরং বিলসল্ললাটফলকে সৌন্দর্যমুদ্রাধরম্ ।
রাজৎকজ্জলমুজ্জ্বলোৎপলদলশ্রীমোচনে লোচনে
তদ্দিব্যৌষধিনির্মিতং রচয়তু শ্রীশাম্ভবি শ্রীপ্রদে ॥

অমন্দতরমন্দরোন্মথিতদুগ্ধসিন্ধূদ্ভবং
নিশাকরকরোপমং ত্রিপুরসুন্দরি শ্রীপ্রদে ।
গৃহাণ মুখমীক্ষতুং মুকুরবিম্বমাবিদ্রুমৈ-
র্বিনির্মিতমধচ্ছিদে রতিকরাম্বুজস্থায়িনম্ ॥

কস্তূরীদ্রবচন্দনাগুরুসুধাধারাভিরাপ্লাবিতং
চঞ্চচ্চম্পকপাটলাদিসুরভির্দ্রব্যৈঃ সুগন্ধীকৃতম্ ।
দেবস্ত্রীগণমস্তকস্থিতমহারত্নাদিকুম্ভব্রজৈ-
রম্ভঃশাম্ভবি সম্ভ্রমেণ বিমলং দত্তং গৃহাণাম্বিকে ॥

কহ্লারোৎপলনাগকেসরসরোজাখ্যাবলীমালতী-
মল্লীকৈরবকেতকাদিকুসুমৈ রক্তাশ্বমারাদিভিঃ ।
পুষ্পৈর্মাল্যভরেণ বৈ সুরভিণা নানারসস্রোতসা
তাম্রাম্ভোজনিবাসিনীং ভগবতীং শ্রীচণ্ডিকাং পূজয়ে ॥

মাংসীগুগ্গুলচন্দনাগুরুরজঃ কর্পূরশৈলেয়জৈ-
র্মাধ্বীকৈঃ সহকুঙ্কুমৈঃ সুরচিতৈঃ সর্পিভিরামিশ্রিতৈঃ ।
সৌরভ্যস্থিতিমন্দিরে মণিময়ে পাত্রে ভবেৎ প্রীতয়ে
ধূপোঽয়ং সুরকামিনীবিরচিতঃ শ্রীচণ্ডিকে ত্বন্মুদে ॥

ঘৃতদ্রবপরিস্ফুরদ্রুচিররত্নয়ষ্ট্যান্বিতো
মহাতিমিরনাশনঃ সুরনিতম্বিনীনির্মিতঃ ।
সুবর্ণচষকস্থিতঃ সঘনসারবর্ত্যান্বিত-
স্তব ত্রিপুরসুন্দরি স্ফুরতি দেবি দীপো মুদে ॥

জাতীসৌরভনির্ভরং রুচিকরং শাল্যোদনং নির্মলং
যুক্তং হিঙ্গুমরীচজীরসুরভির্দ্রব্যান্বিতৈর্ব্যঞ্জনৈঃ ।
পক্বান্নেন সপায়সেন মধুনা দধ্যাজ্যসম্মিশ্রিতং
নৈবেদ্যং সুরকামিনীবিরচিতং শ্রীচণ্ডিকে ত্বন্মুদে ॥

লবঙ্গকলিকোজ্জ্বলং বহুলনাগবল্লীদলং
সজাতিফলকোমলং সঘনসারপূগীফলম্ ।
সুধামধুরমাকুলং রুচিররত্নপাত্রস্থিতং
গৃহাণ মুখপঙ্কজে স্ফুরিতমম্ব তাম্বূলকম্ ॥

শরৎপ্রভবচন্দ্রমঃ স্ফুরিতচন্দ্রিকাসুন্দরং
গলৎসুরতরঙ্গিণীললিতমৌক্তিকাডম্বরম্ ।
গৃহাণ নবকাঞ্চনপ্রভবদণ্ডখণ্ডোজ্জ্বলং
মহাত্রিপুরসুন্দরি প্রকটমাতপত্রং মহৎ ॥

মাতস্ত্বন্মুদমাতনোতু সুভগস্ত্রীভিঃ সদাঽঽন্দোলিতং
শুভ্রং চামরমিন্দুকুন্দসদৃশং প্রস্বেদদুঃখাপহম্ ।
সদ্যোঽগস্ত্যবসিষ্ঠনারদশুকব্যাসাদিবাল্মীকিভিঃ
স্বে চিত্তে ক্রিয়মাণ এব কুরুতাং শর্মাণি বেদধ্বনিঃ ॥

স্বর্গাঙ্গণে বেণুমৃদঙ্গশঙ্খভেরীনিনাদৈরূপগীয়মানা ।
কোলাহলৈরাকলিতাতবাস্তু বিদ্যাধরীনৃত্যকলাসুখায় ॥

দেবি ভক্তিরসভাবিতবৃত্তে প্রীয়তাং যদি কুতোঽপি লভ্যতে ।
তত্র লৌল্যমপি সৎফলমেকঞ্জন্মকোটিভিরপীহ ন লভ্যম্ ॥

এতৈঃ ষোডশভিঃ পদ্যৈরূপচারোপকল্পিতৈঃ ।
যঃ পরাং দেবতাং স্তৌতি স তেষাং ফলমাপ্নুয়াৎ ॥

॥ ইতি দুর্গাতন্ত্রে দুর্গামানসপূজা সমাপ্তা ॥

Read in More Languages:

• malayalamആപദുന്മൂലന ദുർഗാ സ്തോത്രം
• teluguఆపదున్మూలన దుర్గా స్తోత్రం
• tamilஆபதுன்மூலன துர்கா ஸ்தோத்திரம்
• kannadaಆಪದುನ್ಮೂಲನ ದುರ್ಗಾ ಸ್ತೋತ್ರ
• hindiआपदुन्मूलन दुर्गा स्तोत्र
• malayalamദുർഗാ ശരണാഗതി സ്തോത്രം
• teluguదుర్గా శరణాగతి స్తోత్రం
• tamilதுர்கா சரணாகதி ஸ்தோத்திரம்
• hindiदुर्गा शरणागति स्तोत्र
• malayalamദുർഗാ പഞ്ചരത്ന സ്തോത്രം
• teluguదుర్గా పంచరత్న స్తోత్రం
• tamilதுர்கா பஞ்சரத்ன ஸ்தோத்திரம்
• kannadaದುರ್ಗಾ ಪಂಚರತ್ನ ಸ್ತೋತ್ರ
• hindiदुर्गा पंचरत्न स्तोत्र
• malayalamദുർഗാ അഷ്ടക സ്തോത്രം

Found a Mistake or Error? Report it Now