|| ദുർഗാ നമസ്കാര സ്തോത്രം ||
നമസ്തേ ഹേ സ്വസ്തിപ്രദവരദഹസ്തേ സുഹസിതേ
മഹാസിംഹാസീനേ ദരദുരിതസംഹാരണരതേ .
സുമാർഗേ മാം ദുർഗേ ജനനി തവ ഭർഗാന്വിതകൃപാ
ദഹന്തീ ദുശ്ചിന്താം ദിശതു വിലസന്തീ പ്രതിദിശം ..
അനന്യാ ഗൗരീ ത്വം ഹിമഗിരി-സുകന്യാ സുമഹിതാ
പരാംബാ ഹേരംബാകലിതമുഖബിംബാ മധുമതീ .
സ്വഭാവൈർഭവ്യാ ത്വം മുനിമനുജസേവ്യാ ജനഹിതാ
മമാന്തഃസന്താപം ഹൃദയഗതപാപം ഹര ശിവേ ..
അപർണാ ത്വം സ്വർണാധികമധുരവർണാ സുനയനാ
സുഹാസ്യാ സല്ലാസ്യാ ഭുവനസമുപാസ്യാ സുലപനാ .
ജഗദ്ധാത്രീ പാത്രീ പ്രഗതിശുഭദാത്രീ ഭഗവതീ
പ്രദേഹി ത്വം ഹാർദം പരമസമുദാരം പ്രിയകരം ..
ധരാ ദുഷ്ടൈർഭ്രഷ്ടൈഃ പരധനസുപുഷ്ടൈഃ കവലിതാ
ദുരാചാരദ്വാരാ ഖിലഖലബലോദ്വേഗദലിതാ .
മഹാകാലീ ത്വം വൈ കലുഷകഷണാനാം പ്രശമനീ
മഹേശാനീ ഹന്ത്രീ മഹിഷദനുജാനാം വിജയിനീ ..
ഇദാനീം മേദിന്യാ ഹൃദയമതിദീനം പ്രതിദിനം
വിപദ്ഗ്രസ്തം ത്രസ്തം നിഗദതി സമസ്തം ജനപദം .
മഹാശങ്കാതങ്കൈർവ്യഥിതപൃഥിവീയം പ്രമഥിതാ
നരാണാമാർത്തിം തേ ഹരതു രണമൂർത്തിഃ ശരണദാ ..
സമഗ്രേ സംസാരേ പ്രസരതു തവോഗ്രം ഗുരുതരം
സ്വരൂപം സംഹർത്തും ദനുജകുലജാതം കലിമലം .
പുനഃ സൗമ്യാ രമ്യാ നിഹിതമമതാസ്നേഹസുതനു-
ര്മനോവ്യോമ്നി വ്യാപ്താ ജനയതു ജനാനാം ഹൃദി മുദം ..
അനിന്ദ്യാ ത്വം വന്ദ്യാ ജഗദുരസി വൃന്ദാരകഗണൈഃ
പ്രശാന്തേ മേ സ്വാന്തേ വികശതു നിതാന്തം തവ കഥാ .
ദയാദൃഷ്ടിർദേയാ സകലമനസാം ശോകഹരണീ
സദുക്ത്യാ മേ ഭക്ത്യാ തവ ചരണപദ്മേ പ്രണതയഃ ..
ഭവേദ് ഗുർവീ ചാർവീ ചിരദിവസമുർവീ ഗതഭയാ
സദന്നാ സമ്പന്നാ സരസസരണീ തേ കരുണയാ .
സമുത്സാഹം ഹാസം പ്രിയദശഹരാപർവസഹിതം
സപര്യാ തേ പര്യാവരണകൃതകാര്യാ വിതനുതാം ..
- sanskritश्री कालिका अर्गल स्तोत्रम्
- sanskritश्री कालिका कीलक स्तोत्रम्
- sanskritश्री जगद्धात्री स्तोत्रम्
- malayalamആപദുന്മൂലന ദുർഗാ സ്തോത്രം
- teluguఆపదున్మూలన దుర్గా స్తోత్రం
- tamilஆபதுன்மூலன துர்கா ஸ்தோத்திரம்
- kannadaಆಪದುನ್ಮೂಲನ ದುರ್ಗಾ ಸ್ತೋತ್ರ
- hindiआपदुन्मूलन दुर्गा स्तोत्र
- malayalamദുർഗാ ശരണാഗതി സ്തോത്രം
- teluguదుర్గా శరణాగతి స్తోత్రం
- tamilதுர்கா சரணாகதி ஸ்தோத்திரம்
- hindiदुर्गा शरणागति स्तोत्र
- malayalamദുർഗാ പഞ്ചരത്ന സ്തോത്രം
- teluguదుర్గా పంచరత్న స్తోత్రం
- tamilதுர்கா பஞ்சரத்ன ஸ்தோத்திரம்
Found a Mistake or Error? Report it Now
