‖ દ્વાદશ જ્યોતિર્લિંગ સ્તોત્રમ્ ‖
લઘુ સ્તોત્રમ્
સૌરાષ્ટ્રે સોમનાધંચ શ્રીશૈલે મલ્લિકાર્જુનમ્ |
ઉજ્જયિન્યાં મહાકાલં ઓંકારેત્વમામલેશ્વરમ્ ‖
પર્લ્યાં વૈદ્યનાધંચ ઢાકિન્યાં ભીમ શંકરમ્ |
સેતુબંધેતુ રામેશં નાગેશં દારુકાવને ‖
વારણાશ્યાંતુ વિશ્વેશં ત્રયંબકં ગૌતમીતટે |
હિમાલયેતુ કેદારં ઘૃષ્ણેશંતુ વિશાલકે ‖
એતાનિ જ્યોતિર્લિંગાનિ સાયં પ્રાતઃ પઠેન્નરઃ |
સપ્ત જન્મ કૃતં પાપં સ્મરણેન વિનશ્યતિ ‖
સંપૂર્ણ સ્તોત્રમ્
સૌરાષ્ટ્રદેશે વિશદેઽતિરમ્યે
જ્યોતિર્મયં ચંદ્રકળાવતંસમ્ |
ભક્તપ્રદાનાય કૃપાવતીર્ણં તં
સોમનાથં શરણં પ્રપદ્યે ‖
શ્રીશૈલશૃંગે વિવિધપ્રસંગે
શેષાદ્રિશૃંગેઽપિ સદા વસંતમ્ |
તમર્જુનં મલ્લિકપૂર્વમેનં
નમામિ સંસારસમુદ્રસેતુમ્ ‖
અવંતિકાયાં વિહિતાવતારં
મુક્તિપ્રદાનાય ચ સજ્જનાનામ્ |
અકાલમૃત્યોઃ પરિરક્ષણાર્થં
વંદે મહાકાલમહાસુરેશમ્ ‖
કાવેરિકાનર્મદયોઃ પવિત્રે
સમાગમે સજ્જનતારણાય |
સદૈવ માંધાતૃપુરે વસંતં
ઓંકારમીશં શિવમેકમીડે ‖
પૂર્વોત્તરે પ્રજ્વલિકાનિધાને
સદા વસં તં ગિરિજાસમેતમ્ |
સુરાસુરારાધિતપાદપદ્મં
શ્રીવૈદ્યનાથં તમહં નમામિ ‖
યં ડાકિનિશાકિનિકાસમાજે
નિષેવ્યમાણં પિશિતાશનૈશ્ચ |
સદૈવ ભીમાદિપદપ્રસિદ્ધં તં
શંકરં ભક્તહિતં નમામિ ‖
શ્રીતામ્રપર્ણીજલરાશિયોગે
નિબધ્ય સેતું વિશિખૈરસંખ્યૈઃ |
શ્રીરામચંદ્રેણ સમર્પિતં તં
રામેશ્વરાખ્યં નિયતં નમામિ ‖
યામ્યે સદંગે નગરેઽતિરમ્યે
વિભૂષિતાંગં વિવિધૈશ્ચ ભોગૈઃ |
સદ્ભક્તિમુક્તિપ્રદમીશમેકં
શ્રીનાગનાથં શરણં પ્રપદ્યે ‖
સાનંદમાનંદવને વસંતં
આનંદકંદં હતપાપબૃંદમ્ |
વારાણસીનાથમનાથનાથં
શ્રીવિશ્વનાથં શરણં પ્રપદ્યે ‖
સહ્યાદ્રિશીર્ષે વિમલે વસંતં
ગોદાવરિતીરપવિત્રદેશે |
યદ્દર્શનાત્ પાતકં પાશુ નાશં
પ્રયાતિ તં ત્ર્યંબકમીશમીડે ‖
મહાદ્રિપાર્શ્વે ચ તટે રમંતં
સંપૂજ્યમાનં સતતં મુનીંદ્રૈઃ |
સુરાસુરૈર્યક્ષ મહોરગાઢ્યૈઃ
કેદારમીશં શિવમેકમીડે ‖
ઇલાપુરે રમ્યવિશાલકેઽસ્મિન્
સમુલ્લસંતં ચ જગદ્વરેણ્યમ્ |
વંદે મહોદારતરસ્વભાવં
ઘૃષ્ણેશ્વરાખ્યં શરણં પ્રપદ્યે ‖
જ્યોતિર્મયદ્વાદશલિંગકાનાં
શિવાત્મનાં પ્રોક્તમિદં ક્રમેણ |
સ્તોત્રં પઠિત્વા મનુજોઽતિભક્ત્યા
ફલં તદાલોક્ય નિજં ભજેચ્ચ ‖
- sanskritदारिद्र्य दहन शिव स्तोत्रम्
- sanskritश्री त्रिपुरारि स्तोत्रम्
- sanskritअर्ध नारीश्वर स्तोत्रम्
- hindiश्री कालभैरवाष्टक स्तोत्रम् अर्थ सहित
- hindiश्री काशी विश्वनाथ मंगल स्तोत्रम्
- marathiशिवलीलामृत – अकरावा अध्याय 11
- malayalamശിവ രക്ഷാ സ്തോത്രം
- teluguశివ రక్షా స్తోత్రం
- tamilசிவ ரக்ஷா ஸ்தோத்திரம்
- hindiश्री शिव तांडव स्तोत्रम्
- kannadaಶಿವ ರಕ್ಷಾ ಸ್ತೋತ್ರ
- hindiशिव रक्षा स्तोत्र
- malayalamശിവ പഞ്ചാക്ഷര നക്ഷത്രമാലാ സ്തോത്രം
- teluguశివ పంచాక్షర నక్షత్రమాలా స్తోత్రం
- tamilசிவா பஞ்சாக்ஷர நக்ஷத்ராமாலா ஸ்தோத்திரம்
Found a Mistake or Error? Report it Now
