ଗଣେଶ କଵଚମ୍

|| ଗଣେଶ କଵଚମ୍ ||

ଏଷୋତି ଚପଲୋ ଦୈତ୍ୟାନ୍ ବାଲ୍ୟେପି ନାଶୟତ୍ୟହୋ ।
ଅଗ୍ରେ କିଂ କର୍ମ କର୍ତେତି ନ ଜାନେ ମୁନିସତ୍ତମ ॥ 1 ॥

ଦୈତ୍ୟା ନାନାଵିଧା ଦୁଷ୍ଟାସ୍ସାଧୁ ଦେଵଦ୍ରୁମଃ ଖଲାଃ ।
ଅତୋସ୍ୟ କଂଠେ କିଂଚିତ୍ତ୍ୟଂ ରକ୍ଷାଂ ସଂବଦ୍ଧୁମର୍ହସି ॥ 2 ॥

ଧ୍ୟାୟେତ୍ ସିଂହଗତଂ ଵିନାୟକମମୁଂ ଦିଗ୍ବାହୁ ମାଦ୍ୟେ ୟୁଗେ
ତ୍ରେତାୟାଂ ତୁ ମୟୂର ଵାହନମମୁଂ ଷଡ୍ବାହୁକଂ ସିଦ୍ଧିଦମ୍ ।

ଈ ଦ୍ଵାପରେତୁ ଗଜାନନଂ ୟୁଗଭୁଜଂ ରକ୍ତାଂଗରାଗଂ ଵିଭୁଂ ତୁର୍ୟେ
ତୁ ଦ୍ଵିଭୁଜଂ ସିତାଂଗରୁଚିରଂ ସର୍ଵାର୍ଥଦଂ ସର୍ଵଦା ॥ 3 ॥

ଵିନାୟକ ଶ୍ଶିଖାଂପାତୁ ପରମାତ୍ମା ପରାତ୍ପରଃ ।
ଅତିସୁଂଦର କାୟସ୍ତୁ ମସ୍ତକଂ ସୁମହୋତ୍କଟଃ ॥ 4 ॥

ଲଲାଟଂ କଶ୍ୟପଃ ପାତୁ ଭ୍ରୂୟୁଗଂ ତୁ ମହୋଦରଃ ।
ନୟନେ ବାଲଚଂଦ୍ରସ୍ତୁ ଗଜାସ୍ୟସ୍ତ୍ୟୋଷ୍ଠ ପଲ୍ଲଵୌ ॥ 5 ॥

ଜିହ୍ଵାଂ ପାତୁ ଗଜକ୍ରୀଡଶ୍ଚୁବୁକଂ ଗିରିଜାସୁତଃ ।
ଵାଚଂ ଵିନାୟକଃ ପାତୁ ଦଂତାନ୍​ ରକ୍ଷତୁ ଦୁର୍ମୁଖଃ ॥ 6 ॥

ଶ୍ରଵଣୌ ପାଶପାଣିସ୍ତୁ ନାସିକାଂ ଚିଂତିତାର୍ଥଦଃ ।
ଗଣେଶସ୍ତୁ ମୁଖଂ ପାତୁ କଂଠଂ ପାତୁ ଗଣାଧିପଃ ॥ 7 ॥

ସ୍କଂଧୌ ପାତୁ ଗଜସ୍କଂଧଃ ସ୍ତନେ ଵିଘ୍ନଵିନାଶନଃ ।
ହୃଦୟଂ ଗଣନାଥସ୍ତୁ ହେରଂବୋ ଜଠରଂ ମହାନ୍ ॥ 8 ॥

ଧରାଧରଃ ପାତୁ ପାର୍ଶ୍ଵୌ ପୃଷ୍ଠଂ ଵିଘ୍ନହରଶ୍ଶୁଭଃ ।
ଲିଂଗଂ ଗୁହ୍ୟଂ ସଦା ପାତୁ ଵକ୍ରତୁଂଡୋ ମହାବଲଃ ॥ 9 ॥

ଗଜକ୍ରୀଡୋ ଜାନୁ ଜଂଘୋ ଊରୂ ମଂଗଳକୀର୍ତିମାନ୍ ।
ଏକଦଂତୋ ମହାବୁଦ୍ଧିଃ ପାଦୌ ଗୁଲ୍ଫୌ ସଦାଵତୁ ॥ 10 ॥

କ୍ଷିପ୍ର ପ୍ରସାଦନୋ ବାହୁ ପାଣୀ ଆଶାପ୍ରପୂରକଃ ।
ଅଂଗୁଳୀଶ୍ଚ ନଖାନ୍ ପାତୁ ପଦ୍ମହସ୍ତୋ ରିନାଶନଃ ॥ 11 ॥

ସର୍ଵାଂଗାନି ମୟୂରେଶୋ ଵିଶ୍ଵଵ୍ୟାପୀ ସଦାଵତୁ ।
ଅନୁକ୍ତମପି ୟତ୍ ସ୍ଥାନଂ ଧୂମକେତୁଃ ସଦାଵତୁ ॥ 12 ॥

ଆମୋଦସ୍ତ୍ଵଗ୍ରତଃ ପାତୁ ପ୍ରମୋଦଃ ପୃଷ୍ଠତୋଵତୁ ।
ପ୍ରାଚ୍ୟାଂ ରକ୍ଷତୁ ବୁଦ୍ଧୀଶ ଆଗ୍ନେୟ୍ୟାଂ ସିଦ୍ଧିଦାୟକଃ ॥ 13 ॥

ଦକ୍ଷିଣସ୍ୟାମୁମାପୁତ୍ରୋ ନୈଋତ୍ୟାଂ ତୁ ଗଣେଶ୍ଵରଃ ।
ପ୍ରତୀଚ୍ୟାଂ ଵିଘ୍ନହର୍ତା ଵ୍ୟାଦ୍ଵାୟଵ୍ୟାଂ ଗଜକର୍ଣକଃ ॥ 14 ॥

କୌବେର୍ୟାଂ ନିଧିପଃ ପାୟାଦୀଶାନ୍ୟାଵିଶନଂଦନଃ ।
ଦିଵାଵ୍ୟାଦେକଦଂତ ସ୍ତୁ ରାତ୍ରୌ ସଂଧ୍ୟାସୁ ୟଃଵିଘ୍ନହୃତ୍ ॥ 15 ॥

ରାକ୍ଷସାସୁର ବେତାଳ ଗ୍ରହ ଭୂତ ପିଶାଚତଃ ।
ପାଶାଂକୁଶଧରଃ ପାତୁ ରଜସ୍ସତ୍ତ୍ଵତମସ୍ସ୍ମୃତୀଃ ॥ 16 ॥

ଜ୍ଞାନଂ ଧର୍ମଂ ଚ ଲକ୍ଷ୍ମୀ ଚ ଲଜ୍ଜାଂ କୀର୍ତିଂ ତଥା କୁଲମ୍ । ଈ
ଵପୁର୍ଧନଂ ଚ ଧାନ୍ୟଂ ଚ ଗୃହଂ ଦାରାସ୍ସୁତାନ୍ସଖୀନ୍ ॥ 17 ॥

ସର୍ଵାୟୁଧ ଧରଃ ପୌତ୍ରାନ୍ ମୟୂରେଶୋ ଵତାତ୍ ସଦା ।
କପିଲୋ ଜାନୁକଂ ପାତୁ ଗଜାଶ୍ଵାନ୍ ଵିକଟୋଵତୁ ॥ 18 ॥

ଭୂର୍ଜପତ୍ରେ ଲିଖିତ୍ଵେଦଂ ୟଃ କଂଠେ ଧାରୟେତ୍ ସୁଧୀଃ ।
ନ ଭୟଂ ଜାୟତେ ତସ୍ୟ ୟକ୍ଷ ରକ୍ଷଃ ପିଶାଚତଃ ॥ 19 ॥

ତ୍ରିସଂଧ୍ୟଂ ଜପତେ ୟସ୍ତୁ ଵଜ୍ରସାର ତନୁର୍ଭଵେତ୍ ।
ୟାତ୍ରାକାଲେ ପଠେଦ୍ୟସ୍ତୁ ନିର୍ଵିଘ୍ନେନ ଫଲଂ ଲଭେତ୍ ॥ 20 ॥

ୟୁଦ୍ଧକାଲେ ପଠେଦ୍ୟସ୍ତୁ ଵିଜୟଂ ଚାପ୍ନୁୟାଦ୍ଧ୍ରୁଵମ୍ ।
ମାରଣୋଚ୍ଚାଟନାକର୍ଷ ସ୍ତଂଭ ମୋହନ କର୍ମଣି ॥ 21 ॥

ସପ୍ତଵାରଂ ଜପେଦେତଦ୍ଦନାନାମେକଵିଂଶତିଃ ।
ତତ୍ତତ୍ଫଲମଵାପ୍ନୋତି ସାଧକୋ ନାତ୍ର ସଂଶୟଃ ॥ 22 ॥

ଏକଵିଂଶତିଵାରଂ ଚ ପଠେତ୍ତାଵଦ୍ଦିନାନି ୟଃ ।
କାରାଗୃହଗତଂ ସଦ୍ୟୋ ରାଜ୍ଞାଵଧ୍ୟଂ ଚ ମୋଚୟୋତ୍ ॥ 23 ॥

ରାଜଦର୍ଶନ ଵେଳାୟାଂ ପଠେଦେତତ୍ ତ୍ରିଵାରତଃ ।
ସ ରାଜାନଂ ଵଶଂ ନୀତ୍ଵା ପ୍ରକୃତୀଶ୍ଚ ସଭାଂ ଜୟେତ୍ ॥ 24 ॥

ଇଦଂ ଗଣେଶକଵଚଂ କଶ୍ୟପେନ ସଵିରିତମ୍ ।
ମୁଦ୍ଗଲାୟ ଚ ତେ ନାଥ ମାଂଡଵ୍ୟାୟ ମହର୍ଷୟେ ॥ 25 ॥

ମହ୍ୟଂ ସ ପ୍ରାହ କୃପୟା କଵଚଂ ସର୍ଵ ସିଦ୍ଧିଦମ୍ ।
ନ ଦେୟଂ ଭକ୍ତିହୀନାୟ ଦେୟଂ ଶ୍ରଦ୍ଧାଵତେ ଶୁଭମ୍ ॥ 26 ॥

ଅନେନାସ୍ୟ କୃତା ରକ୍ଷା ନ ବାଧାସ୍ୟ ଭଵେତ୍ ଵ୍ୟାଚିତ୍ ।
ରାକ୍ଷସାସୁର ବେତାଳ ଦୈତ୍ୟ ଦାନଵ ସଂଭଵାଃ ॥ 27 ॥

॥ ଇତି ଶ୍ରୀ ଗଣେଶପୁରାଣେ ଶ୍ରୀ ଗଣେଶ କଵଚଂ ସଂପୂର୍ଣମ୍ ॥

Read in More Languages:

• sanskritगणेश कवचम्
• marathiगणेश कवचम्
• kannadaಗಣಪತಿ ಕವಚಂ
• hindiगणपति कवच
• hindiहरिद्रा गणेश कवचम्
• teluguగణేష్ కవచం
• punjabiਗਣੇਸ਼ ਕਵਚਮ੍
• malayalamഗണേശ കവച
• kannadaಗಣೇಶ ಕವಚಂ
• bengaliগণেশ কবচম্
• hindiगणेश कवचम्
• sanskritएकाक्षर गणपति कवचम्
• sanskritउच्छिष्ट गणेश कवचम्
• gujaratiગણેશ કવચમ્
• englishShri Ekakshara Ganapati Kavach

Found a Mistake or Error? Report it Now