|| गिरीश स्तोत्रम् ||
शिरोगाङ्गवासं जटाजूटभासं
मनोजादिनाशं सदादिग्विकासम् ।
हरं चाम्बिकेशं शिवेशं महेशं
शिवं चन्द्रभालं गिरीशं प्रणौमि ॥
सदाविघ्नदारं गले नागहारं
मनोजप्रहारं तनौभस्मभारम् ।
महापापहारं प्रभुं कान्तिधारं
शिवं चन्द्रभालं गिरीशं प्रणौमि ॥
शिवं विश्वनाथं प्रभुं भूतनाथं
सुरेशादिनाथं जगन्नाथनाथम् ।
रतीनाथनाशङ्करन्देवनाथं
शिवं चन्द्रभालं गिरीशं प्रणौमि ॥
धनेशादितोषं सदाशत्रुकोषं
महामोहशोषं जनान्नित्यपोषम् ।
महालोभरोषं शिवानित्यजोषं
शिवं चन्द्रभालं गिरीशं प्रणौमि ॥
ललाटे च बालं शिवं दुष्टकालं
सदाभक्तपालं दधानङ्कपालम् ।
महाकालकालस्वरूपं करालं
शिवं चन्द्रभालं गिरीशं प्रणौमि ॥
परब्रह्मरूपं विचित्रस्वरूपं
सुराणां सुभूपं महाशान्तरूपम् ।
गिरीन्द्रात्मजा सङ्गृहीतार्धरूपं
शिवं चन्द्रभालं गिरीशं प्रणौमि ॥
सदागङ्गपानं सुमोक्षादिदानं
स्वभक्तादिमानं प्रभुं सर्वज्ञानम् ।
डमरुं त्रिशूलं कराभ्यां दधानं
शिवं चन्द्रभालं गिरीशं प्रणौमि ॥
अजिनादि गोहं रतीनाथमोहं
सदाशत्रुद्रोहं शिवं निर्विमोहम् ।
विभुं सर्वकालेश्वरं कामद्रोहं
शिवं चन्द्रभालं गिरीशं प्रणौमि ॥
द्विजन्मानुसेवं प्रभुं देवदेवं
सदाभूतसेवं गणेशादिदेवम् ।
पतङ्गादिदेवं हिरण्यादिदेवं
शिवं चन्द्रभालं गिरीशं प्रणौमि ॥
अदेवप्रमारं शिवं सर्वसारं
नराणां विभारं गणेशादिपारम् ।
महारोषहारं ह्यलङ्कारधारं
शिवं चन्द्रभालं गिरीशं प्रणौमि ॥
नरोयस्त्रिकाले पठेद्भक्तियुक्तः
शिवं प्राप्य सद्यस्त्रिलोके प्रसिद्धम् ।
धनं धान्यपुत्रं कुटुम्बादियुक्तं
समासाद्यमित्रं सुमुक्तिं व्रजेत्सः ॥
इति श्रीमिश्रकुञ्जविहारिणाकृतं गिरीशस्तोत्रं सम्पूर्णम् ।
Read in More Languages:- gujaratiશ્રી શિવરક્ષા સ્તોત્રમ્
- punjabiਸ਼੍ਰੀ ਸ਼ਿਵਰਕ੍ਸ਼਼ਾ ਸ੍ਤੋਤ੍ਰਮ੍
- odiaଶ୍ରୀ ଶିବରକ୍ଷା ସ୍ତୋତ୍ରମ୍
- hindiश्री शिवरक्षा स्तोत्रम्
- teluguశ్రీ శివరక్షా స్తోత్రం
- tamilஶ்ரீ ஶிவரக்ஷா ஸ்தோத்ரம்
- kannadaಶ್ರೀ ಶಿವರಕ್ಷಾ ಸ್ತೋತ್ರಂ
- malayalamശ്രീ ശിവരക്ഷാ സ്തോത്രം
- bengaliশ্রী শিবরক্ষা স্তোত্রম্
- bengaliগিরীশ স্তোত্রম্
- punjabiਗਿਰੀਸ਼ ਸ੍ਤੋਤ੍ਰਮ੍
- odiaଗିରୀଶ ସ୍ତୋତ୍ରମ୍
- gujaratiગિરીશ સ્તોત્રમ્
- tamilகி³ரீஶ ஸ்தோத்ரம்
- teluguగిరీశ స్తోత్రం
Found a Mistake or Error? Report it Now
