|| Ketu Kavacham ||
dhyānaṃ
kētuṃ karālavadanaṃ chitravarṇaṃ kirīṭinam ।
praṇamāmi sadā kētuṃ dhvajākāraṃ grahēśvaram ॥ 1 ॥
। atha kētu kavacham ।
chitravarṇaḥ śiraḥ pātu bhālaṃ dhūmrasamadyutiḥ ।
pātu nētrē piṅgalākṣaḥ śrutī mē raktalōchanaḥ ॥ 2 ॥
ghrāṇaṃ pātu suvarṇābhaśchibukaṃ siṃhikāsutaḥ ।
pātu kaṇṭhaṃ cha mē kētuḥ skandhau pātu grahādhipaḥ ॥ 3 ॥
hastau pātu suraśrēṣṭhaḥ kukṣiṃ pātu mahāgrahaḥ ।
siṃhāsanaḥ kaṭiṃ pātu madhyaṃ pātu mahāsuraḥ ॥ 4 ॥
ūrū pātu mahāśīrṣō jānunī mē’tikōpanaḥ ।
pātu pādau cha mē krūraḥ sarvāṅgaṃ narapiṅgalaḥ ॥ 5 ॥
phalaśrutiḥ
ya idaṃ kavachaṃ divyaṃ sarvarōgavināśanam ।
sarvaśatruvināśaṃ cha dhāraṇādvijayī bhavēt ॥ 6 ॥
Found a Mistake or Error? Report it Now
