Languages: संस्कृत

|| श्रीपार्थसारथ्यष्टोत्तरशतनामस्तोत्रम् || ध्यानम् मुरान्तकं सुरार्चितं धरापतिं परात्परं निरामयं जराहरं करेण वेत्रधारिणम् । सदा ऋते प्रतिष्ठितं भजामि विश्वरूपिणं सदाशिवप्रियं हरिं नमामि पार्थसारथिम् ॥ १॥ भूपेन तेन मुचुकुन्द महात्मना यः संस्थापितोस्त्र मुचुकुन्दपुरे मनोज्ञे । शङ्खेन चारुतरवेत्रधृतेन दोष्णा संक्षोभयन्तमखिलं भुवनं तमिडे ॥ २॥ पार्थस्य युद्ध विमुखस्य हृदिस्थ मौढ्यम् गीतामृतेन शमितं किल येन सद्यः । वेदान्तवेद्यमनघं पुरुषं पुराणम्…

|| श्रीपञ्चाक्षरमन्त्रगर्भस्तोत्रम् || दुष्टतमोऽपि दयारहितोऽपि विधर्मविशेषकृतिप्रथितोऽपि । दुर्जनसङ्गरतोऽप्यवरोऽपि कृष्ण तवास्मि न चास्मि परस्य ॥ १॥ लोभरतोऽप्यभिमानयुतोऽपि पराऽहितकारणकृत्यपरोऽपि । क्रोधपरोऽप्यविवेकहतोऽपि कृष्ण तवाऽस्मि न चाऽस्मि परस्य- काममयोऽपि गताश्रयणोऽपि पराश्रयगाशयचञ्चलितोऽपि । वैषयिकादरसंवलितोऽपि कृष्ण तवाऽस्मि न चाऽस्मि परस्य ॥ ३॥ उत्तमधैर्यविभिन्नतरोऽपि निजोदरपोषणहेतुपरोऽपि । स्वीकृतमत्सरमोहमदोऽपि कृष्ण तवाऽस्मि न चाऽस्मि परस्य ॥ ४॥ भक्तिपथादरमात्रकृतोऽपि व्यर्थविरुद्धकृतिप्रसृतोऽपि । त्वत्पदसन्मुखताऽपतितोऽपि कृष्ण तवाऽस्मि न चाऽस्मि…

|| श्रीपञ्चघाटीस्तोत्रम् || धाटिपञ्चकम् श्रीमद्वेङ्कटनाथार्यः कवितार्किक केसरी । वेदान्ताचार्य वर्य्यो में सन्न्निधत्तांसदा हृदि ॥ पाषण्डद्रुमषण्डदावदहनश्चार्वाकशैलाशनि- र्बौद्धध्वान्तनिरासवासरपतिर्जैनेभकण्ठीरवः । मायावादिभुजङ्गभङ्गगरुडस्त्रैविद्यचूडामणिः श्रीरङ्गेशजयध्वजो विजयते रामानुजोऽयं मुनिः ॥ १॥ पाषण्डषण्डगिरिखण्डनवज्रदण्डाः प्रच्छन्नबौद्धमकरालयमन्थदण्डाः । वेदान्तसारसुखदर्शनदीपदण्डाः रामानुजस्य विलसन्ति मुनेस्त्रिदण्डाः ॥ २॥ चारित्रोद्धारदण्डं चतुर्नयपथालङ्क्रियाकेतुदण्डं सद्विद्यादीपदण्डं सकलकलिकथासंहृतेः कालदण्डम् । त्रय्यन्तालम्बदण्डं त्रिभुवनविजयच्छत्रसौवर्णदण्डं धत्ते रामानुजार्यः प्रतिकथकशिरोवज्रदण्डं त्रिदण्डम् ॥ ३॥ त्रय्या माङ्गल्यसूत्रं त्रियुगयुगपथारोहणालम्बसूत्रं सद्विद्यादीपसूत्रं सगुणनयकथासम्पदां हारसूत्रम् । प्रज्ञासूत्रं…

|| नित्यानन्दाष्टोत्तरशतनामस्तोत्रम् || श्रीमान्नित्यानन्दचन्द्राय नमः । नित्यानन्दमहं वन्दे कर्णे लम्बितमौक्तिकम् । चैतन्याग्रजरूपेण पवित्रीकृतभूतलम् ॥ १॥ प्रणम्य श्रीजगन्नाथं नित्यानन्दमहाप्रभुम् । नाम्नामष्टोत्तरशतं प्रवक्ष्यामि मुदाकरम् ॥ २॥ नीलाम्बरधरः श्रीमाल्लाङ्गलीमुसलप्रियः । सङ्कर्षणश्चन्द्रवर्णो यदूनां कुलमङ्गलः ॥ ३॥ गोपिकारमणो रामो वृन्दावनकलानिधिः । कादम्बरीसुधामत्तो गोपगोपीगणावृतः ॥ ४॥ गोपीमण्डलमध्यस्थो रासताण्डवपण्डितः । रमणीरमणः कामी मदघूर्णितलोचनः ॥ ५॥ रासोत्सवपरिश्रान्तो घर्मनीरावृताननः । कालिन्दीभेदनोत्साही नीरक्रीडाकुतूहलः ॥ ६॥…

|| श्रीनित्यानन्दद्वादशनामस्तोत्रम् || नित्यानन्दोऽवधूतेन्दुर्वसुधाप्राणवल्लभः । जाह्नवीजीवितपतिः कृष्णप्रेमप्रदः प्रभुः ॥ १॥ पद्मावतीसुतः श्रीमान् शचीनन्दनपूर्वजः । भावोन्मत्तो जगत्त्राता रक्तगौरकलेवरः ॥ २॥ श्रीनित्यानन्दचन्द्रस्य नामद्वादशकं शुभम् । य इदं प्रत्यहं प्रातः प्रत्युत्थाय पठेन्नरः ॥ ३॥ स क्लेशरहितो भूत्वा प्राप्नुयात्स्वमनोरथम् । तूर्णं चैतन्यदेवस्य करुणाभाजनं भवेत् ॥ ४॥ इति सार्वभौम भट्टाचार्यविरचितं श्रीनित्यानन्दद्वादशनामस्तोत्रं सम्पूर्णम् ।

|| नामरत्नाख्यस्तोत्रम् || यन्नामार्कोदयात्पापध्वान्तराशिः प्रशाम्यति । विकसन्ति हृदञ्जानि तन्नामानि सदाऽऽश्रये ॥ १॥ आनुष्टुभमिह च्छन्द ऋषिरग्निकुमारजः । सर्वशक्तिसमायुक्तो देवः श्रीवल्लभात्मजः ॥ २॥ विनियोगः समस्तेष्टसिद्ध्यर्थे विनिरूपितः । श्रीविठ्ठलः कृपासिन्धुर्भक्तवश्योऽतिसुन्दरः ॥ ३॥ कृष्णलीलारसाविष्टः श्रीमान्वल्लभनन्दनः । दुर्दृश्यो भक्तसन्दृश्यो भक्तिगम्यो भयापहः ॥ ४॥ अनन्यभक्तहृदयो दीनानाथैकसंश्रयः । राजीवलोचनो रासलीलारसमहोदधिः ॥ ५॥ धर्मसेतुर्भक्तिसेतुः सुखसेव्यो व्रजेश्वरः । भक्तशोकापहः शान्तः सर्वज्ञः सर्वकामदः ॥ ६॥…

|| नामरत्नमालावलिस्तोत्रम् || नत्वा श्रीवल्लभाचार्यान्नौमि श्रीविठ्ठलं प्रभुम् । ततः श्रीवल्लभं स्तौमि तन्नामाष्टशतोदितैः ॥ १॥ ऋषिर्निरूपितश्चात्र विठ्ठलेशात्मजासुतः । छन्दोऽपि च तथाऽनुष्टुब्देवता गोकुलेश्वरः ॥ २॥ महाकारुणिकाधीशो बीजं चात्र निरूप्यते । विनियोगो भक्तियोगे सिद्धिः स्वप्रभुसङ्गमः ॥ ३॥ श्रीवल्लभार्यरूपः श्रीमद्विठ्ठलनन्दनः । श्रीवल्लभः सदानन्दः सच्चिदानन्दविग्रहः ॥ ४॥ रुक्यिणीनन्दनः श्रीमान् पार्वतीप्राणवल्लभः । सर्वसद्गुणसम्पन्नः पुत्रविठ्ठलराययुक् ॥ ५॥ पौत्रगोवर्द्धनेशाढ्यस्तदतिप्रीतिकारकः । संलालितव्रजपतिर्व्रजाधीशेक्षणोत्सुकः ॥ ६॥…

|| नवरत्नस्तोत्रम् || चिन्ता कापि न कार्या निवेदितात्मभिः कदापीति । भगवानपि पुष्टिस्थो न करिष्यति लौकिकीं च गतिम् ॥ १॥ निवेदनं तु स्मर्तव्यं सर्वथा तादृशैर्जनैः । सर्वेश्वरश्च सर्वात्मा निजेच्छातः करिष्यति ॥ २॥ सर्वेषां प्रभुसम्बन्धो न प्रत्येकमिति स्थितिः । अतोऽन्यविनियोगेऽपि चिन्ता का स्वस्य सोऽपि चेत् ॥ ३॥ अज्ञानादथ वा ज्ञानात् कृतमात्मनिवेदनम् । यैः कृष्णसात्कृतप्राणैस्तेषां का परिवेदना ॥…

|| श्रीनरनारायणदेवप्रार्थनास्तोत्रम् || अवतीर्य निजाक्षरात्परादिह मूर्त्यां बदरीवने स्थितः । भुवि भारतजीवशर्मणे, नरनारायणदेव ! पाहि माम् ॥ १॥ यदुपर्यभवत्कृपा तव, स नरो दृष्टुमिहार्हर्तीक्षणम् । न परः सुरसत्तमोन्यथा, नरनारायणदेव ! पाहि माम् ॥ २॥ प्रथितं च बृहदव्रतं त्वया, जनतायानिजधामलब्धये । अवबोधनमुत्तमं भुवि, नरनारायणदेव ! पाहि माम् ॥ ३॥ जगतो जननं हि पालनं, प्रलयं चापि करोषि नित्यदा ।…

|| श्रीगौराङ्गाष्टोत्तरशतनामस्तोत्रम् || नमस्कृत्य प्रवक्ष्यामि देवदेवं जगद्गुरुम् । नाम्नामष्टोत्तरशतं चैतन्यस्य महात्मनाः ॥ १॥ विश्वम्भरो जितक्रोधो मायामानुषविग्रहः । अमायी मायिनां श्रेष्ठो वरदेशो द्विजोत्तमः ॥ २॥ जगन्नाथप्रियसुतः पितृभक्तो महामनाः । लक्ष्मीकान्तः शचीपुत्रः प्रेमदो भक्तवत्सलः ॥ ३॥ द्विजप्रियो द्विजवरो वैष्णवप्राणनायकः । द्विजातिपूजकः शान्तः श्रीवासप्रिय ईश्वरः ॥ ४॥ तप्तकाञ्चनगौराङ्गः सिंहग्रीवो महाभुजः । पीतवासा रक्तपट्टः षड्भुजोऽथ चतुर्भुजः ॥ ५॥ द्विभुजश्च…

|| श्रीगौराङ्गलीलास्मरणमङ्गलस्तोत्रम् || राहु-ग्रस्ते जड-शशधरे फाल्गुणे पूर्णिमायां गौडे शके मनु-शतं इते सप्त-वर्षाधिके यः । मायापुर्यां समजनि शची-गर्भ-सिन्धौ प्रदोषे तं चिच्-छक्ति-प्रकटित-तनुं मिश्र-सूनुं स्मरामि ॥ १॥ विश्वम्भर-प्रभु-हरि-द्विज-गौरचन्द्र निम्बेश-नाम-निचयः क्रमतो बभूव । यस्यार्य-खण्ड-मुकुटोपम-गौड-राष्ट्रे गौरं स्मरामि सततं कलि-पावनं तम् ॥ २॥ अङ्गी-कुर्वन् निज-सुख-करीं राधिका-भाव-कान्तिं मिश्रावासे सुललित-वपुर्गौर-वर्णो हरिर्यः । पल्ली-स्त्रीणां सुखं अभिदधत्खेलयां आस बाल्ये वन्दे”हं तं कनक-वपुषं प्राङ्गने रिङ्गमाणम् ॥…

|| गोविन्दमादिपुरुषस्तोत्रम् || (ब्रह्मसंहितान्तर्गतम्) ईश्वरः परमः कृष्णः सच्चिदानन्दविग्रहः । अनादिरादिर्गोविन्दः सर्वकारणकारणम् ॥ १॥ (१) चिन्तामणिप्रकरसद्मसु कल्पवृक्ष लक्षावृतेषु सुरभीरभिपालयन्तम् । लक्ष्मीसहस्रशतसम्भ्रमसेव्यमानं गोविन्दमादिपुरुषं तमहं भजामि ॥ २॥ (२९) वेणुं क्वणन्तमरविन्ददलायताक्षं बर्हावतंसमसिताम्बुदसुन्दराङ्गम् । कन्दर्पकोटिकमनीयविशेषशोभं गोविन्दमादिपुरुषं तमहं भजामि ॥ ३॥ आलोलचन्द्रकलसद्वनमाल्यवंशी रत्नाङ्गदं प्रणयकेलिकलाविलासम् । श्यामं त्रिभङ्गललितं नियतप्रकाशं गोविन्दमादिपुरुषं तमहं भजामि ॥ ४॥ अङ्गानि यस्य सकलेन्द्रियवृत्तिमन्ति पश्यन्ति पान्ति कलयन्ति चिरं…

|| गोपालहृदयस्तोत्रम् || विष्णुहृदयस्तोत्रम् श्री गणेशाय नमः । ॐ अस्य श्रीगोपालहृदयस्तोत्रमन्त्रस्य । श्रीभगवान् सङ्कर्षण ऋषिः । गायत्री छन्दः । ॐ बीजम् । लक्ष्मीः शक्तिः । गोपालः परमात्मा देवता । प्रद्युम्नः कीलकम् । मनोवाक्कायार्जितसर्वपापक्षयार्थे श्रीगोपालप्रीत्यर्थे गोपालहृदयस्तोत्रजपे विनियोगः । श्रीसङ्कर्षण उवाच । ॐ ममाग्रतः सदा विष्णुः पृष्ठतश्चापि केशवः । गोविन्दो दक्षिणे पार्श्वे वामे च मधुसूदनः ॥ १॥…

|| गोपालदिव्यसहस्रनामस्तोत्रम् || अथ श्रीगोपालदिव्यसहस्रनामस्तोत्रमन्त्रस्य सविता ऋषिः, श्रीराधिकाधिपतिर्गोपालो देवता, अनुष्टुप् छन्दः, भक्तिर्बीजं, लीलाशक्तिर्लोकद्वयवासनानिरसनपूर्वकश्रीकृष्णशुद्धभक्तिलब्धये विनियोगः । सवित्रे नमः शिरसि । श्रीराधिकेशाय नमो हृदि । अनुष्टुप्छन्दसे नमो मुखे । भक्तिप्रियाय नमो नाभौ । श्रीकृष्णभक्तये नमः सर्वाङ्गे । मूलेनापि गायत्र्या वा न्यासान् कुर्यात्त्रिधा पुनः । ततः स्वाभिमतो ध्यानं कुर्यात्कार्येषु दीक्षितो ॥ १॥ प्रोत्फुल्लेन्दीवराभः कमलदलसुदृग् दिव्यनीलेन्द्रकायः बिभ्रत्समृल्लकच्छो वरपटयुगलं चारुमायूरपिच्छम्…

|| श्रीगोकुलेशाष्टोत्तरशतनामस्तोत्रम् || यन्नामाब्जं सदापूर्णं कृपाज्योत्स्नासमन्वितम् । पुष्टिभक्तिसुधावृष्टिकारकं च सुखाल्पदम् ॥ १॥ अथ नामशतं साष्टं वल्लभस्य वदाम्यहम् । देवता वल्लभो नाम्नां छन्दोऽनुष्टुप् सुखाकरम् ॥ २॥ फलं तु तत्पदाम्भोजे व्यसनं सर्वदा भवेत् । ऋषिस्तु विष्णुदासोऽत्र दासाय वरणं मतम् ॥ ३॥ वल्लभो गोकुलेशश्च विठ्ठलेशप्रियात्मजः । ताततुल्यस्वभावस्थो व्रजमङ्गलभूषणः ॥ ४॥ धराधरस्नेहदान्तो बहुनिर्दोषविग्रहः । भजनानन्दपीयूषपूर्णो मञ्जुदृगञ्चलः ॥ ५॥ दासवृन्दचकोरेन्दुः…

|| गुरुवायुरप्प अथवा नारायणीय तथा रोगहरसहस्रनामस्तोत्रम् || अथ ध्यानम् । सूर्यस्पर्धिकिरीटमूर्ध्वतिलकप्रोद्भासिफालान्तरं कारुण्याकुलनेत्रमार्द्रहसितोल्लासं सुनासापुटम् । गण्डोद्यन्मकराभकुण्डलयुगं कण्ठोज्ज्वलत्कौस्तुभं त्वद्रूपं वनमाल्यहारपटलश्रीवत्सदीप्रं भजे ॥ केयूराङ्गदकङ्कणोत्तममहारत्नाङ्गुलीयाङ्कित- श्रीमद्बाहुचतुष्कसङ्गतगदाशङ्खारिपङ्केरुहाम् । काञ्चित्काञ्चनकाञ्चिलाञ्छितलसत्पीताम्बरालम्बिनी- मालम्बे विमलाम्बुजद्युतिपदां मूर्तिं तवार्तिच्छिदम् ॥ यत्त्रैक्यमहीयसोऽपि महितं सम्मोहनं मोहनात् कान्तं कान्तिनिधानतोऽपि मधुरं माधुर्यधुर्यादपि । सौन्दर्योत्तरतोऽपि सुन्दरतरं त्वद्रुपमाश्चर्यतो- ऽप्याश्चर्यं भुवने न कस्य कुतुकं पुष्णाति विष्णो विभो ॥ अथ स्तोत्रम् । ॐ गुरुवायुपुराधीशो…

|| श्रीगुरुवातपुराधीशाष्टोत्तरशतनामस्तोत्रम् || ध्यानम् पीताम्बरं करविराजितशङ्खचक्र- कौमोदकीसरसिजं करुणासमुद्रम् । राधासहायमतिसुन्दरमन्दहासं वातालयेशमनिशां हृदि भावयामि ॥ कृष्णो वातपुराधीशः भक्तकल्पद्रुमः प्रभुः । रोगहन्ता परं धामा कलौ सर्वसुखप्रदः ॥ १॥ वातरोगहरो विष्णुः उद्धवादिप्रपूजितः । भक्तमानससंविष्टः भक्तकामप्रपूरकः ॥ २॥ लोकविख्यातचारित्रः शङ्कराचार्यपूजितः । पाण्ड्येशविषहन्ता च पाण्ड्यराजकृतालयः ॥ ३॥ नारायणकविप्रोक्तस्तोत्रसन्तुष्टमानसः । नारायणसरस्तीरवासी नारदपूजितः ॥ ४॥ विप्रनित्यान्नदाता च विविधाकृतिशोभितः । तैलाभिषेकसन्तुष्टः सिक्ततैलार्तिहारकः ॥…

|| श्रीगुरुवातपुरनाथपञ्चरत्नस्तोत्रम् || आदित्यादिप्रभृतिकमिदं चक्षुराद्यं च तेजो ज्ञानाज्ञाने स्फुरितमखिलं येन नित्यं विभाति । तत्तादृक्षे सकलवचनागोचरे स्वप्रकाशे त्वद्रूपेऽस्मिन् किमिव कथये वातगेहाधिनाथ ॥ १॥ आकाशान्तं जगदखिलमप्यंशमात्रं यदीयं माया सेयं मरुदधिपते त्वत्स्वरूपैकदेशे । स त्वं कोणे क्वचन धरणेस्तिष्ठसे देहधारी कारुण्यं ते जगति कथये नाथ तादृक् कथं वा ॥ २॥ दृश्यं सर्वं वरद भवतो देह इत्यामनन्त्यां श्रुत्यां सत्यामपि बत…

|| गुरुमरुत्पुराधीशस्तोत्रम् || गरुडवाहनं पुण्यदर्शनं वरझषाकृतिं वेदसङ्ग्रहम् । प्रलयकालजीवात्मतारकं गुरुमरुत्पुराधीशामाश्रये ॥ १॥ प्रणवमानसं प्राणजीवनं प्रकटकच्छपाकारमीश्वरम् । अमृतदायकं नित्यनूतनं गुरुमरुत्पुराधीशमाश्रये ॥ २॥ सुकृतकल्पकं सामतोषितं सकलवैष्णवाकारसूकरम् । भुवनभूषणालङ्कृतं विभुं गुरुमरुत्पुराधीशामाश्रये ॥ २॥ वरदमीश्वरं नारसिंहकं वपुषि भीकरं पुण्यपूरकम् । सुरगणावृतं भक्तवत्सलं गुरुमरुत्पुराधीशमाश्रये ॥ ४॥ चरितविश्रुतं वामनाकृतिं परमपूरुषं यागसाधकम् । परपदप्रदं पापनाशकं गुरुमरुत्पुराधीशामाश्रये ॥ ५॥ भृगुकुलोद्भवं रामनामकं सुगुणभासुरं रेणुकात्मजम्…