|| నరసింహ పంచరత్న స్తోత్రం ||
భవనాశనైకసముద్యమం కరుణాకరం సుగుణాలయం
నిజభక్తతారణరక్షణాయ హిరణ్యకశ్యపుఘాతినం.
భవమోహదారణకామనాశనదుఃఖవారణహేతుకం
భజపావనం సుఖసాగరం నరసింహమద్వయరూపిణం.
గురుసార్వభౌమమర్ఘాతకం మునిసంస్తుతం సురసేవితం
అతిశాంతివారిధిమప్రమేయమనామయం శ్రితరక్షణం.
భవమోక్షదం బహుశోభనం ముఖపంకజం నిజశాంతిదం
భజపావనం సుఖసాగరం నరసింహమద్వయరూపిణం.
నిజరూపకం వితతం శివం సువిదర్శనాయహితత్క్షణం
అతిభక్తవత్సలరూపిణం కిల దారుతః సుసమాగతం.
అవినాశినం నిజతేజసం శుభకారకం బలరూపిణం
భజపావనం సుఖసాగరం నరసింహమద్వయరూపిణం.
అవికారిణం మధుభాషిణం భవతాపహారణకోవిదం
సుజనైః సుకామితదాయినం నిజభక్తహృత్సువిరాజితం.
అతివీరధీరపరాక్రమోత్కటరూపిణం పరమేశ్వరం
భజపావనం సుఖసాగరం నరసింహమద్వయరూపిణం.
జగతోఽస్య కారణమేవ సచ్చిదనంతసౌఖ్యమఖండితం
సువిధాయిమంగలవిగ్రహం తమసః పరం సుమహోజ్వలం.
నిజరూపమిత్యతిసుందరం ఖలుసంవిభావ్య హృదిస్థితం
భజపావనం సుఖసాగరం నరసింహమద్వయరూపిణం.
పంచరత్నాత్మకం స్తోత్రం శ్రీనృసింహస్య పావనం.
యే పఠంతి ముదా భక్త్యా జీవన్ముక్తా భవంతి తే.
Found a Mistake or Error? Report it Now
