|| राधाकृष्ण युगलाष्टक स्तोत्र ||
वृन्दावनविहाराढ्यौ सच्चिदानन्दविग्रहौ।
मणिमण्डपमध्यस्थौ राधाकृष्णौ नमाम्यहम्।
पीतनीलपटौ शान्तौ श्यामगौरकलेबरौ।
सदा रासरतौ सत्यौ राधाकृष्णौ नमाम्यहम्।
भावाविष्टौ सदा रम्यौ रासचातुर्यपण्डितौ।
मुरलीगानतत्त्वज्ञौ राधाकृष्णौ नमाम्यहम्।
यमुनोपवनावासौ कदम्बवनमन्दिरौ।
कल्पद्रुमवनाधीशौ राधाकृष्णौ नमाम्यहम्।
यमुनास्नानसुभगौ गोवर्धनविलासिनौ।
दिव्यमन्दारमालाढ्यौ राधाकृष्णौ नमाम्यहम्।
मञ्जीररञ्जितपदौ नासाग्रगजमौक्तिकौ।
मधुरस्मेरसुमुखौ राधाकृष्णौ नमाम्यहम्।
अनन्तकोटिब्रह्माण्डे सृष्टिस्थित्यन्तकारिणौ।
मोहनौ सर्वलोकानां राधाकृष्णौ नमाम्यहम्।
परस्परसमाविष्टौ परस्परगणप्रियौ।
रससागरसम्पन्नौ राधाकृष्णौ नमाम्यहम्।
Found a Mistake or Error? Report it Now
