|| श्री राधाकुण्डाष्टकम् ||
वृषभदनुजनाशान्नर्मधर्मोक्तिरङ्गै-
र्निखिलनिजसखीभिर्यत्स्वहस्तेन पूर्णम् ।
प्रकटितमपि वृन्दारण्यराज्ञा प्रमोदै-
स्तदतिसुरभि राधाकुण्डमेवाश्रयो मे ॥
व्रजभुवि मुरशत्रोः प्रेयसीनां निकामै-
रसुलभमपि तूर्णं प्रेमकल्पद्रुमं तम् ।
जनयति हृदि भूमौ स्नातुरुच्चैर्प्रियं य-
त्तदतिसुरभि राधाकुण्डमेवाश्रयो मे ॥
अघरिपुरपि यत्नादत्र देव्याः प्रसाद-
प्रसरकृतकताक्षप्राप्तिकामः प्रकामम् ।
अनुसरति यदुचाइः स्नानसेवानुबन्धै-
स्तदतिसुरभि राधाकुण्डमेवाश्रयो मे ॥
व्रजभुवनसुधांशोः प्रेमभूमिर्निकामं
व्रजमधुरकिशोरीमौलिरत्नप्रियेव ।
परिचितमपि नाम्ना या च तेनैव तस्या-
स्तदतिसुरभि राधाकुण्डमेवाश्रयो मे ॥
अपि जन इह कश्चिद्यस्य सेवाप्रसादैः
प्रणयसुरलता स्यात्तस्य गोष्ठेन्द्रसूनोः ।
सपदि किल मदीशादास्यपुष्पप्रशस्या
तदतिसुरभि राधाकुण्डमेवाश्रयो मे ॥
तटमधुरनिकुञ्जः कॢप्तनामान उच्चै-
र्निजपरिजनवर्गैः संविभज्याश्रितस्तैः ।
मधुकररुतरम्या यस्य राजन्ति काम्या-
स्तदतिसुरभि राधाकुण्डमेवाश्रयो मे ॥
तटभुवि वरवेद्यां यस्य नर्मातिहृद्यां
मधुरमधुरवार्तां गोष्ठचन्द्रस्य भङ्ग्या ।
प्रठयति मिथ ईशा प्राणसख्यालिभिः सा
तदतिसुरभि राधाकुण्डमेवाश्रयो मे ॥
अनुदिनमतिरङ्गैः प्रेममत्तालिसङ्घै-
र्वरसरसिजगन्धैर्हारिवारिप्रपूर्णे ।
विहरत इह यस्मिन्दम्पती तौ प्रमत्तौ
तदतिसुरभि राधाकुण्डमेवाश्रयो मे ॥
अविकलमति देव्याश्चारु कुण्डाष्टकं यः
परिपठति तदीयोल्लासिदास्यार्पितात्मा ।
अचिरमिह शरीरे दर्शयत्येव तस्मै
मधुरिपुरतिमोदैः श्लिष्यमाणां प्रियां ताम् ॥
इति श्रीरघुनाथदासगोस्वामिविरचितस्तवावल्यां राधाकुण्डाष्टकं श्रीसम्पूर्णम् ।
Read in More Languages:- sanskritश्री राधाकुण्ड अष्टकम
- bengaliশ্রীরাধাষ্টকম্
- sanskritश्री युगलकिशोराष्टकम्
- sanskritश्री युगलाष्टकम्
- sanskritश्री राधापटल स्तोत्रम्
- sanskritश्री स्वामिन्यष्टकम्
- englishShri Radha Kund Ashtakam
- englishShri Radhika Dhipashtakam
- sanskritश्री राधिका धिपाष्टकम्
- hindiश्री राधाष्टक
- englishShri Radha Ashtakam
Found a Mistake or Error? Report it Now
