|| ശാരദാ സ്തുതി ||
അചലാം സുരവരദാ ചിരസുഖദാം ജനജയദാം .
വിമലാം പദനിപുണാം പരഗുണദാം പ്രിയദിവിജാം .
ശാരദാം സർവദാ ഭജേ ശാരദാം .
സുജപാസുമസദൃശാം തനുമൃദുലാം നരമതിദാം .
മഹതീപ്രിയധവലാം നൃപവരദാം പ്രിയധനദാം .
ശാരദാം സർവദാ ഭജേ ശാരദാം .
സരസീരുഹനിലയാം മണിവലയാം രസവിലയാം .
ശരണാഗതവരണാം സമതപനാം വരധിഷണാം .
ശാരദാം സർവദാ ഭജേ ശാരദാം .
സുരചർചിതസഗുണാം വരസുഗുണാം ശ്രുതിഗഹനാം .
ബുധമോദിതഹൃദയാം ശ്രിതസദയാം തിമിരഹരാം .
ശാരദാം സർവദാ ഭജേ ശാരദാം .
കമലോദ്ഭവവരണാം രസരസികാം കവിരസദാം .
മുനിദൈവതവചാ സ്മൃതിവിനുതാം വസുവിസൃതാം .
ശാരദാം സർവദാ ഭജേ ശാരദാം .
യ ഇമം സ്തവമനിശം ഭുവി കഥയേദഥ മതിമാൻ .
ലഭതേ സ തു സതതം മതിമപരാം ശ്രുതിജനിതാം .
ശാരദാം സർവദാ ഭജേ ശാരദാം .
Found a Mistake or Error? Report it Now
